ରାଉରକେଲା ୩।୭: ରିମାଣ୍ଡରେ ଗଲେ ବୀରମିତ୍ରପୁର ଥାନା ଆଇଆଇସି ଆନନ୍ଦ ମାଝୀ । ନାବାଳିକାଙ୍କୁ ଦୁଷ୍କର୍ମ ଏବଂ ଗର୍ଭପାତ ମାମଲାରେ ଅଭିଯୁକ୍ତ ଆନନ୍ଦ ମାଝୀଙ୍କୁ ୪ ଦିନିଆ ରିମାଣ୍ଡରେ ନେଇଛି କ୍ରାଇମବ୍ରାଞ୍ଚ । ତାଙ୍କୁ ୭ ଦିନିଆ ରିମାଣ୍ଡରେ ନେବା ପାଇଁ ଆବେଦନ କରିଥିଲା କ୍ରାଇମବ୍ରାଞ୍ଚ । ତାଙ୍କର ଜାମିନ୍ ଆବେଦନ ଖାରଜ କରିବା ସହ ୪ ଦିନିଆ ରିମାଣ୍ଡରେ ନେବା ପାଇଁ କ୍ରାଇମବ୍ରାଞ୍ଚକୁ ଅନୁମତି ଦେଇଥିଲେ କୋର୍ଟ ।
{"id":295172,"sizeSlug":"large"}ବୁଧବାର ଅନୁଗୋଳ ଜଙ୍ଗଲରୁ ବହିଷ୍କୃତ ଆଇଆଇସିଙ୍କୁ ଗିରଫ କରିଥିଲା କ୍ରାଇମବ୍ରାଞ୍ଚର ସ୍ବତନ୍ତ୍ର ଟିମ୍ । ଗୁରୁବାର ରାଉରକେଲା ଏସପିଙ୍କ କାର୍ଯ୍ୟାଳୟରେ ମାରାଥନ ପଚରାଉଚରା ସହ ଜେରା କରାଯାଇଥିଲା । ଘଟଣାକୁ ଚାପି ଦେବାକୁ ଚେଷ୍ଟା କରାଯାଉଥିବା ବେଳେ ନ୍ୟୁଜ୍ ସେଭେନ୍ ଖବର ପ୍ରସାରଣ କରିବା ପରେ ଆଇଆଇସିଙ୍କ କାରନାମା ସାମ୍ନାକୁ ଆସିଥିଲା ।
{"id":295173,"sizeSlug":"large"}ଗୁରୁବାର ଅପରାହ୍ନରେ ଗିରଫ ଆନନ୍ଦ ମାଝୀକୁ ରାଉରକେଲା ସରକାରୀ ଡାକ୍ତରଖାନାରେ ଡାକ୍ତରୀ ମାଇନା କରାଯାଇଥିଲା । ପରେ ରାଉରକେଲା କୋଭିଡ୍ ହସ୍ପିଟାଲରେ କୋଭିଡ୍ ପରୀକ୍ଷା ପାଇଁ ସ୍ବାବ୍ ନମୁନା ଦେବା ପରେ ସୁନ୍ଦରଗଡ ପକ୍ସୋ ଅଦାଲତରେ ରାତି ପ୍ରାୟ ୮ଟାରେ ହାଜର କରାଇଥିଲା କ୍ରାଇମବ୍ରାଞ୍ଚ । ବିଚାରପତିଙ୍କ ନିର୍ଦ୍ଦଶରେ ପୁର୍ନବାର ସୁନ୍ଦରଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ମୁଖ୍ୟ ଅଭିଯୁକ୍ତ ଆନନ୍ଦ ମାଝୀକୁ ଡାକ୍ତରୀ ମାଇନା କରାଯାଇଥିଲା । ୭ ଦିନିଆ ରିମାଣ୍ଡରେ ନେବା ପାଇଁ କ୍ରାଇମବ୍ରାଞ୍ଚ ଆବେଦନ କରିଥିଲା । ମାତ୍ର ୪ଦିନ ଦିନ ରିମାଣ୍ଡ ଅନୁମତି ମିଳିଛି। ଅଭିଯୁକ୍ତକୁ ୪ଦିନ ଜେରା କରିବା ପରେ ଆସନ୍ତା ୬ ତାରିଖରେ ସୁନ୍ଦରଗଡ ପକ୍ସୋ କୋର୍ଟରେ ପୁର୍ନବାର ହାଜର କରିବ।