Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଲାଞ୍ଜିଗଡ ବିଧାୟକ ପ୍ରାର୍ଥୀ ପ୍ରଦୀପ ଦିଶାରୀଙ୍କ ଗାଡିରୁ ଦୁଇ ଲକ୍ଷରୁ ଅଧିକ ଟଙ୍କା ଜବତ କଲା ଫ୍ଲାଇଂ ସ୍କ୍ବାର୍ଡ

10/04/2019 at 12:13 PM

ଲାଞ୍ଜିଗଡ ୧୦|୪ : ଲାଞ୍ଜିଗଡର ବିଜେଡି ବିଧାୟକ ପ୍ରାର୍ଥୀ ପ୍ରଦୀପ ଦିସାରୀ ଲୋକଙ୍କୁ ଟଙ୍କା ବାଣ୍ଟୁଥିବାବେଳେ ଫ୍ଲାଇଂ ସ୍କ୍ବାର୍ଡ ଧରିଛି । ତାଙ୍କ ଇନୋଭା (ଓଆର୦୨ବିସି ୨୪୪୨)  ଗାଡିରୁ ଦୁଇ ଲକ୍ଷରୁ ଉର୍ଦ୍ଧ୍ବ ଟଙ୍କା ମଧ୍ୟ ଜବତ କରାଯାଇଛି । ଫ୍ଲାଇଂ ସ୍କ୍ବାର୍ଡର ଅଧିକାରୀ ଶୈଳେନ୍ଦୁ ମହାପାତ୍ର ଜୟପାଟଣାରେ ଟଙ୍କା ବଣ୍ଟା ଯାଉଥିବା ଖବର ପାଇ ପୋଲିସ ସହ ଘଟଣାସ୍ଥଳରେ ପହଞ୍ଚିଥିଲେ । ନିଜେ ବିଜେଡି ପ୍ରାର୍ଥୀ ପ୍ରଦୀପ ଦିସାରୀ ଗାଡିରେ ବସିଥିବାବେଳେ ଟଙ୍କା ବଣ୍ଟା ଯାଉଥିଲା । ଫ୍ଲାଇ ସ୍କ୍ବାର୍ଡ ଗାଡି ଓ ଟଙ୍କା ଜବତ କରିବା ପରେ ପୋଲିସର ଜିମା ଦେଇଛି । ପୋଲିସ ମାମଲାର ତଦନ୍ତ ଜାରି ରଖିଛି ।

ସୂଚନାଯୋଗ୍ୟ ଯେ, ୧୧ତାରିଖରେ କଳାହାଣ୍ଡି ଲୋକସଭା ଅନ୍ତର୍ଗତ ଲାଞ୍ଜିଗଡ ଓ ଅନ୍ୟାନ୍ୟ ୬ଟି ବିଧାନସଭା ଆସନ ପାଇଁ ମତ ଗ୍ରହଣ ହେବ । ଗତକାଲି ସନ୍ଧ୍ୟା ୫ଟାରୁ ପ୍ରଚାର ସରିଛି । ଏହାପରେ ପ୍ରାର୍ଥୀମାନଙ୍କ ଅନ୍ଧାରି ବିଜେ ଆରମ୍ଭ ହେବ ବୋଲି ଆଶଙ୍କା କରାଯାଉଥିଲା । ଏହି ଘଟଣା ତାକୁ ପ୍ରମାଣିତ କରୁଛି ।

   Related Posts