ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆପଣ ନିଜ ପ୍ରାଇଭେଟ୍‌ କାରରୁ କରିପାରିବେ ରୋଜଗାର, ସରକାର ଏଥିପାଇଁ ଆଣୁଛନ୍ତି ନୂଆ ନୀତି

17/09/2019 at 4:22 PM

ନୂଆଦିଲ୍ଲୀ .- ଏବେ ଆପଣ ନିଜ ପ୍ରାଇଭେଟ୍‌ କାରରୁ ମଧ୍ୟ ରୋଜଗାର କରିପାରିବେ । ଏଥିପାଇଁ ସରକାର ନୂଆ ପଲିସି ଆଣିବା ପାଇଁ ଯାଉଛନ୍ତି । ସରକାରଙ୍କ ଏହି ଯୋଜନା ଅନୁସାରେ ସଡକରୁ ଗାଡି ସଂଖ୍ୟା କମ୍‌ ହୋଇଯିବ । ପ୍ରାଇଭେଟ୍‌ କାରର ମାଲିକମାନେ କାର ପୁଲିଙ୍ଗ କରିପାରିବେ । ଏଥିଯୋଗୁଁ ଲୋକଙ୍କୁ କମ୍‌ ଖର୍ଚ୍ଚ ସହ ପ୍ରଦୁଷଣ ବି କମିଯିବ ।

ବିଭିନ୍ନ ଆପ୍‌ ସହାୟତାରେ କାର ପୁଲିଙ୍ଗ ହୋଇ ପାରିବ । କାର୍‌ ଏଥିପାଇଁ ଏକ ନିୟମାବଳୀ ପ୍ରସ୍ତୁତ କରାଯାଉଛି । କାର ମାଲିକ ଦିନକୁ ଅତି ବେଶୀରେ ୪ ଥର କାର ପୁଲିଙ୍ଗ କରିପାରିବେ । ଶୁବଶୀଘ୍ର ସରକାର ଏହାର ଡ୍ରାଫ୍ଟକୁ ଲୋକଙ୍କ ମତାମତ ପାଇଁ ରଖିବେ । କେବଳ ଆପ୍‌ରେ କାର ପୁଲିଙ୍ଗ କରାଯାଇ ପାରିବ ।


କାର୍‌ ପୁଲିଙ୍ଗ ନୋ ପ୍ରଫିଟ୍‌ ଓ ନୋ ଲସ୍‌ ଉପରେ ଆଧାରିତ


କାରପୁଲିଙ୍ଗୁକୁ ରାଜ୍ୟ ସରକାରମାନେ ଲାଗୁ କରିପାରିବେ । ଏହା ନୋ ପ୍ରଫିଟ୍‌ ଓ ନୋ ଲସ୍‌ ନିୟମ ଉପରେ ଅଧାରିତ ହେବ । ଏଥିରେ କେବଳ ଗାଡିର ଖର୍ଚ୍ଚ ଯେତିକି ସେତିକି ଗାଡି ମାଲିକଙ୍କୁ ମିଳିବ । ଏଥିରେ ବା ଗାଡି ମାଲିକଙ୍କ ଲାଭ ଅଛି । କୌଣସି ସ୍ଥାନକୁ ସେ ଏକୁଟିଆ ଯାଉଥିବା ବେଳେ କାରପୁଲିଙ୍ଗରେ ସେହି ସ୍ଥାନକୁ ଯାଉଥିବା ଲୋକଙ୍କୁ ସାଙ୍ଗରେ ନେଇ ପାରିବେ । ଏଥିରେ ତାଙ୍କର ଆୟ ବି ହେବ । ସଡକରୁ ଗାଡି ସଂଖ୍ୟା କମିଲେ ପ୍ରଦୁଷଣ କମିବ । ପାର୍କିଂ ପାଇଁ କମ୍ ସ୍ଥାନ ଦରକାର ହେବ । ବ୍ୟବସାୟିକ ଭିତ୍ତିରେ ଏହାକୁ ଲାଗୁ କରାଯିବ ନାହିଁ ।
ସେପ୍ଟେମ୍ବର ୨୯ ତାରିଖରୁ ଏହାକୁ ଲାଗୁ କରାଯିବା ପାଇଁ ଯୋଜନା ରହିଛି ।

   Related Posts