Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଞ୍ଜେଲା ମାର୍କେଲଙ୍କ ଯୁଗ ଶେଷ ! ଜର୍ମାନ ନିର୍ବାଚନରେ ଖୁବ୍ କମ ଭୋଟରେ ହାରିଲା ମାର୍କେଲଙ୍କ ପାର୍ଟି, କ୍ଷମତା ଡୋର ସୋସିଆଲ ଡେମୋକ୍ରାଟ୍ସଙ୍କ ହାତକୁ ଯିବ
  • ||
  • ଭୁବନେଶ୍ବର : ‘ଗୁଲାବ’ ପ୍ରଭାବରେ ରାଜ୍ୟର ହୋଇନି ବେଶୀ ପବନ, କୋରାପୁଟ ଓ ମାଲକାନଗିରି ଜିଲ୍ଲାର ଗୋଟିଏ ଗୋଟିଏ ବ୍ଲକ୍‌ରେ ଅଧିକ ବର୍ଷା : SRC
  • ||
  • କାଲିମେଳା : ରାସ୍ତାରେ ଚାଲୁଛି ୨ରୁ ୩ଫୁଟ ବର୍ଷାଜଳ, ଉଭୟ ପାର୍ଶ୍ବରେ ଅଟକିଛି ଯାନବାହାନ
  • ||
  • ମୋହନା : ଗଜପତିରେ ପ୍ରଭାବ ପକାଇଲା ‘ଗୁଲାବ’, ବିଭିନ୍ନ ସ୍ଥାନରେ ଗଛ ପଡି ରାସ୍ତା ଅବରୋଧ
  • ||
  • ଆଇପିଏଲ ୨୦୨୧ : ୪୦ ତମ ଲିଗ୍‌ ମୁକାବିଲାରେ ମୁହାଁମୁହିଁ ହେବେ ହାଇଦ୍ରାବାଦ ଓ ରାଜସ୍ଥାନ
  • ||
  • କେନ୍ଦୁଝର : ବଣୁଆ ହାତୀ ଆକ୍ରମଣରେ ଜଣଙ୍କର ମୃତ୍ୟୁ, ମଞ୍ଚାରୁ ଓହ୍ଲାଇ ଘରକୁ ଯିବାବେଳେ ଆକ୍ରମଣର ଶିକାର
  • ||
  • ଜୟପୁର : ଲଗାଣ ବର୍ଷା ଯୋଗୁଁ ଧସିଲା ମାଟି ଅତଡା, ଜାତୀୟ ରାଜପଥ ଅବରୋଧ
  • ||
  • ଭୁବନେଶ୍ବର : ବାତ୍ୟାରୁ ଗଭୀର ଅବପାତର ରୂପ ନେଲା ‘ଗୁଲାବ’, ଦକ୍ଷିଣ ଓଡ଼ିଶାର କିଛି ସ୍ଥାନରେ ଲାଗି ରହିଛି ବର୍ଷା
  • ||
  • କୋରାପୁଟ : କୋରାପୁଟ ଜିଲ୍ଲାରେ ‘ଗୁଲାବ’ ପ୍ରଭାବ : ଭାଙ୍ଗିଲା ଘର, ଗଛ ପଡି ରାସ୍ତା ଅବରୋଧ
  • ||
  • ବୈତରଣୀ ପଠାରେ ଚରୁଥିଲେ ମଇଁଷି, ପାଣି ଭିତରକୁ ଟାଣିନେଲା କୁମ୍ଭୀର : ଦେଖନ୍ତୁ ଭିଡିଓ
  • ||

ଚଳନ୍ତା କାର୍‌ରେ ମହିଳାଙ୍କୁ ଦୁଷ୍କର୍ମ : ସାହାଯ୍ୟ କରିବାର ଭରସା ଦେଇ ଡାକି ନେଇଥିଲେ ଅଭିଯୁକ୍ତ

28/08/2020 at 7:33 AM

ଭୁବନେଶ୍ୱର୨୮/୮: ଆଇନ୍‌ ସହାୟତା ନାଁରେ ଜଣେ ବ୍ୟକ୍ତି ଅସହାୟ ମହିଳାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏନେଇ ମହିଳା ଜଣକ ଗୁରୁବାର ଦିନ ମହିଳା ଥାନା ପୁଲିସର ଆଶ୍ରୟ ନେଇଛନ୍ତି । ସଂପୃକ୍ତ ବ୍ୟକ୍ତି ମହିଳାଙ୍କୁ ସହର ବୁଲାଇବା ବାହାନାରେ କାର୍‌ ଭିତରେ ଦୁଷ୍କର୍ମ କରିଥିବା ଏତଲା ଦିଆଯାଇଛି ।

ଅଭିଯୋଗ ମୁତାବକ, ମହିଳାଙ୍କ ପୈତୃକ ଘର ଲିଙ୍ଗିପୁରରେ। ୨୦୧୦ ମସିହାରେ ଧଉଳି ଥାନା ଅଧୀନ ସରଦେଇପୁର ଗାଁରେ ତାଙ୍କର ବିବାହ ହୋଇଥିଲା । ୨୦୧୮ ମାର୍ଚ୍ଚରେ ତାଙ୍କ ସ୍ୱାମୀଙ୍କ ମୃତ୍ୟୁ ହୋଇଥିଲା। ସ୍ୱାମୀଙ୍କ ମୃତ୍ୟୁ ପରେ ଶାଶୂଘର ଲୋକଙ୍କ ଅତ୍ୟାଚାର ସହି ନପାରି ସେ ଲିଙ୍ଗିପୁରସ୍ଥିତ ବାପା ଘରକୁ ପଳାଇ ଆସିଥିଲେ । କିନ୍ତୁ ଶାଶୂ ଘର ଲୋକଙ୍କ ନିର୍ଯାତନା ସରି ନଥିଲା । ମହିଳାଙ୍କୁ ପୁଣି ଫୁସୁଲାଇ ଶାଶୂ ଘରକୁ ନେଇ ଆସିଥିଲେ।

ମହିଳାଙ୍କ ପୁଅକୁ ରଖି ତାଙ୍କୁ ଘରୁ ତଡ଼ି ଦେଇଥିଲେ । ଯାହାକୁ ନେଇ ସରଦେଇପୁର ଗାଁର ଜଣେ ବ୍ୟକ୍ତିଙ୍କ ସହାୟତା ଲୋଡ଼ିଥିଲେ। ସମ୍ପୃକ୍ତ ବ୍ୟକ୍ତିଜଣକ ପୁଲିସ, ଓକିଲ ଚିହ୍ନା ଥିବା କହି ସମ୍ପୃକ୍ତ ମହିଳାଙ୍କ ଅସହାୟତାର ଫାଇଦା ଉଠାଇଥିଲେ। ମହିଳାଙ୍କୁ କାରରେ ବିଭିନ୍ନ ଜାଗାକୁ ବୁଲାଇ ନେଇଥିଲେ। ଏକ ନିଛାଟିଆ ସ୍ଥାନରେ ଦୁଷ୍କର୍ମ କରିବା ସହ ତାଙ୍କୁ ରବିଟକିଜ୍‌ ଛକରେ ଛାଡି଼ଦେଇ ପଳାଇଥିଲେ। ଗଲାବେଳେ ମହିଳାଙ୍କୁ ଭୁବନେଶ୍ୱର ଛାଡି ପଳାଇବାକୁ ଧମକ ଦେଇଥିଲେ । ପୁଲିସ କେସ ନମ୍ବର ୪୨/୨୦ରେ ମାମଲା ରୁଜୁ କରିଛି ।

ପୁଲିସ କହିଛି, ଆଜି ମହିଳାଙ୍କ ଡାକ୍ତରୀ ମାଇନା କରାଯିବ । ୧୬୪ ଧାରାରେ ଅଦାଲତରେ ମହିଳାଙ୍କ ବୟାନ ରେକର୍ଡ ହେବ। ଅଭିଯୋଗ ଅନୁସାରେ ସବୁ ଦିଗରୁ ତଦନ୍ତ ଚାଲିଛି। ପ୍ରଥମେ ଅଭିଯୋଗର ସତ୍ୟାସତ୍ୟ ଜାଣିବାକୁ ଚେଷ୍ଟା ଚାଲିଛି। ପରେ କାର୍ଯ୍ୟାନୁଷ୍ଠାନ ନିଆଯିବ ।

   Related Posts