Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ପ୍ରେମିକା ଉପରେ ରାଗରୁ ପ୍ରେମିକଙ୍କ ମୁଣ୍ଡକୁ ଛଢିଗଲା ପିତ୍ତ, ଶାହାରୁକଙ୍କ ଷ୍ଟାଇଲରେ ଜାଳିଦେଲେ କାର

5/02/2020 at 11:01 PM

ବଦୋଦରା ୦୫/୦୨- ପାଗଳ ପ୍ରେମି ,ବଦରାଗି ପ୍ରେମିକ । ଯାହା ବି କହିଲେ କମ୍‌ ହେବ । ଗୁଜୁରାଟରେ ଏମିତି ଏକ ଘଟଣା ଘଟିଛି । ଜଣେ ପ୍ରେମିକର ଅଦ୍ଭୁତ କାରନାମା ଚର୍ଚ୍ଚାର ଖୋରାକ ହୋଇଛି । ପ୍ରେମିକା ମାନିଲାନି କଥା ଆଉ ରାଗି ଗଲା ପ୍ରେମିକ । ଜଣେ ବେକାର ଆଇଟି ଇଞ୍ଜିନିୟର ଜଣକ ତାଙ୍କ ପ୍ରେମିକା ଆସିଲାନି ବୋଲି ଜାଳିଦେଲେ କାର ।ଆଉ ଏହି ଘଟଣାଟି ମନେପକାଇ ଦେଲା  ୯୦ ଦଶକର ଶାହାରୁଖ ଖାନ୍‌ ଅଭିନୀତ ଅଂଜାମ ଚଳଚ୍ଚିତ୍ରର ଏକ ଦୃଶ୍ୟ ।

ଯୁବକ ଜଣକ ଜଣେ ଆଇଟି ଇଞ୍ଜିନିୟର । କିନ୍ତୁ ତାଙ୍କର ନଥିଲା ଚାକିରି । ବେକାର ଥିଲେ ସେ । ଜଣେ ଯୁବତୀଙ୍କୁ ସେ  ଭଲ ପାଉଥିଲେ । କିନ୍ତୁ ହଠାତ୍ କୌଣସି କାରଣରୁ ପ୍ରେମିକା ତାଙ୍କ କଥା ରଖିନଥିଲେ । ମନୋମାଳିନ୍ୟ ଘଟିଥିଲା । ଆଉ ତାହା ପ୍ରେମିକ ଜଣକୁ ଏତେ କ୍ଷୁବ୍ଧ କଲା ଯେ, ସେ ପୁରା ଶାହାରୁକ ଷ୍ଟାଇଲ୍‌ରେ ଷ୍ଟଣ୍ଟ  କରିଦେଲେ ସେ । ମଙ୍ଗଳବାର ବଦୋଦରାର ବଦିବାଡି ଅଞ୍ଚଳରେ ଘଟିଛି ଏହି ଘଟଣା । ଯୁବକ ଜଣକ ତାଙ୍କ କାର ଧରି ସପିଂ ମଲ୍‌ ଥିବା ଏକ ଗଳି ରାସ୍ତାରେ ଆସିଲେ । ରାସ୍ତାରେ କାର ରଖି ପ୍ରଥମେ ଏକ ପଥର ଖଣ୍ଡ ଆଣି କାର କାଚ ଭାଙ୍ଗିଲେ । ତାପରେ କାର ଭିତରେ କିଛି ଅଳିଆ ଭର୍ତ୍ତି କରିବାପରେ ସେଥିରେ ନିଆଁ ଲଗାଇଦେଲେ ।

କାର ଜଳୁଥିବା ଦେଖି ସ୍ଥାନୀୟ ଲୋକେ ପୋଲିସ ଏବଂ  ଅଗ୍ନିଶମ ବିଭାଗକୁ ଜଣାଇଥିଲେ । ଘଟଣାସ୍ଥଳରେ ପୋଲିସ ଏବଂ ଫାୟାର ବ୍ରିଗେଡ କର୍ମଚାରୀ ଆସି ନିଆଁକୁ ଆୟତ୍ତ କରିଥିଲେ । କିନ୍ତୁ ପୋଲିସକୁ କିଛି ବି କହିନଥିଲେ ସେହି ବିଫଳ ପ୍ରେମିକ । ତାପରେ ଯୁବକଙ୍କ ଘର ଠିକଣା ସଂଗ୍ରହ କରି ତାଙ୍କ ବାପାଙ୍କୁ ଡକାଇଥିଲା ପୋଲିସ । ଆଉ ବାପାଙ୍କ  ଆଗରେ ପୋଲିସ ଜେରାରେ ସବୁ ମାନିଯାଇଥିଲେ ଯୁବକ । କାର ଟି ତାଙ୍କର ଥିଲା ଏବଂ ସେ ପ୍ରେମିକା ଉପରେ ରାଗରୁ ସେହି କାରରେ ନିଆଁ ଲଗାଇଥିଲେ । ୨୩ ବର୍ଷୀୟ ଆଇଟି ଇଞ୍ଜିନିୟର କହିଥିଲେ ଯେ, ତାଙ୍କ ପ୍ରେମିକା ତାଙ୍କ ନିକଟକୁ ଆସିବାକୁ କହିଥିଲେ । କିନ୍ତୁ ସେ ଆସିଲେନାହିଁ । ଆଉ ସେହି ରାଗରେ ସେ କାର୍‌ରେ ନିଆଁ ଲଗାଇଦେଲେ ।  

   Related Posts