କିଶୋରନଗର,୦୬/୧୨: କଟକ-ପାରାଦୀପ ରାସ୍ତାର ରାମକୁମାରପୁର ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି । ଏକ କାର୍ ସହ ଅଟୋର ମୁହାଁମୁହିଁ ଧକ୍କା ହେବା ଫଳରେ ଦୁଇ ଜଣ ଗୁରୁତର ହୋଇଛନ୍ତି । ଦୁରୁତର ଦ୍ୱୟ ହେଲେ ଚୌଦ୍ୱାର ଅଞ୍ଚଳର ପ୍ରଭାତ କୁମାର ସାହୁ (୪୨) ଓ କାର୍ ଚାଳକ କିଶନନଗର ଥାନା ଅଞ୍ଚଳର ଧନଜ କୁମାର ସାହୁ (୪୮) ।
ସୂଚନାନୁସାରେ, ଶନିବାର ସନ୍ଧ୍ୟାରେ ଓଆର୍୦୫ଏଏନ୍୧୭୫୩ ନମ୍ବର ବିଶିଷ୍ଟ କାର୍ଟି ପାରାଦୀପ ଅଭିମୁଖେ ଯାଉଥିଲା । ଏହି ସମୟରେ ବିପରୀତ ଦିଗରୁ ଆସୁଥିବା ଅଟୋ (ଓଆର୍୦୫ଏବି୪୮୨୧) ସହ କାରଟି ମୁହାଁମୁହିଁ ଧକ୍କା ହୋଇଥିଲା । ଏହି ଦୁର୍ଘଟଣାରେ ଅଟୋଟି ରାସ୍ତାକଡରେ ଥିବା ଏକ ପୋଖରୀକୁ ଓଲଟି ପଡିଥିଲା ।
ଖବର ପାଇ ଫାଣ୍ଡି ଅଧିକାରୀ ଲକ୍ଷ୍ମଣ ଜେନା ଗୁରୁତରଙ୍କୁ କଟକ ବଡ଼ ଡାକ୍ତରଖାନାକୁ ପଠାଇଛନ୍ତି । ଏହାସହ ସହ ଉଭୟ ଗାଡ଼ିକୁ ଜବତ କରି ତଦନ୍ତ ଆରମ୍ଭ କରିଛନ୍ତି ।