Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||

ଏବେ ବି ନିଖୋଜ ଅଛନ୍ତି କ୍ୟାପଟେନ୍ ଅଙ୍କିତ ଗୁପ୍ତା, ଜାରି ରହିଛି ସର୍ଚ୍ଚ ଅପରେସନ୍: ଅଭ୍ୟାସ ବେଳେ ହ୍ରଦକୁ ଡେଇଁ ଆଉ ବାହାରିଲେନି

9/01/2021 at 12:17 PM

ଯୋଧପୁର ୦୯/୦୧ : ରାଜସ୍ଥାନ ଯୋଧପୁର ସହରର କାୟଲାନା ହ୍ରଦରେ ସ୍ପେଶାଲ ଫୋର୍ସ କ୍ୟାପଟେନ୍ ଅଙ୍କିତ ଗୁପ୍ତା ନିଖୋଜ ହୋଇଯାଇଛନ୍ତି। ଏବେ ସୁଦ୍ଧା ତାଙ୍କ ମୃତଦେହ ମିଳିନାହିଁ। ଏୟାରଫୋର୍ସ ଓ ସେନାର ୧୫୦ ଜଣ ଯବାନ ଶୁକ୍ରବାରରୁ ଲଗାତାର ସର୍ଚ୍ଚ ଅପରେସନ ଜାରି ରଖିଛନ୍ତି। କିନ୍ତୁ ଏବେ ଯାଏଁ ଅଙ୍କିତଙ୍କ ମୃତଦେହ ଉଦ୍ଧାର ହୋଇପାରିନାହିଁ। ମୃତଦେହ ଖୋଜିବାକୁ ଶନିବାର ଦିନ ଦିଲ୍ଲୀରୁ ସ୍ପେଶାଲ ଟିମ୍ ଡକାଯାଇଛି।

ସ୍ପେଶାଲ ଫୋର୍ସ କମାଣ୍ଡୋଙ୍କ ସହ କ୍ୟାପଟେନ ଅଙ୍କିତ ଗୁପ୍ତା ଶୁକ୍ରବାର ଅପରାହ୍ନ ସମୟରେ କାୟଲାନା ହ୍ରଦକୁ ଡେଇଁଥିଲେ। ଏହାପରେ ୩ ଯବାନ ଝରଣାରୁ ବାହାରକୁ ବାହାରିଥିଲେ କିନ୍ତୁ କ୍ୟାପଟେନ ଅଙ୍କିତ ଗୁପ୍ତା ବାହାରି ନଥିଲେ। ତା’ପରଠାରୁ ସେନା, ଏୟାରଫୋର୍ସ ଓ ପୋଲିସ କ୍ୟାପଟେନ୍ ଅଙ୍କିତଙ୍କ ସର୍ଚ୍ଚ ଅପରେସନ ଜାରି ରଖିଛି। ଏୟାରଫୋର୍ସର ପାଖାପାଖି ୧୫୦ ଯବାନ ଲଗାତାର କାଲି ଅପରାହ୍ନ ୨ଟା ରୁ ହ୍ରଦରେ ଅଙ୍କିତ ଗୁପ୍ତାଙ୍କୁ ଖୋଜୁଛନ୍ତି। ପାଖାପାଖି ୧୨ଟି ବୋଟ୍ ସର୍ଚ୍ଚ ଅପରେସନରେ ଲାଗିଛି।

ସୂଚନାଯୋଗ୍ୟ ଯେ, ଭାରତୀୟ ସେନା ୧୦ ପାରା କମାଣ୍ଡୋ ନିଜର ନିୟମିତ ଅଭ୍ୟାସ ଭଳି କାୟଲାନା ହ୍ରଦ ଉପରେ ଅଭ୍ୟାସ କରୁଥିଲେ। ନିୟମିତ ଅଭ୍ୟାସ ସମୟରେ ସେମାନଙ୍କୁ ପାଣି ଭିତରକୁ ଡେଇଁ ହମଲା କରିବା ଅଭ୍ୟାସ କରାଯାଉଥିଲା। ଅଭ୍ୟାସ ବେଳେ ଗୁରୁବାର ଦିନ ଏକ ହେଲିକେପ୍ଟରରୁ ୪ ଯବାନ ଏକାସଙ୍ଗେ ପାଣିକୁ ଦେଇଥିଲେ। କିଛି ସମୟରେ ୩ ଯବାନ ପହଁରି ବାହାରକୁ ବାହାରି ଆସିଥିଲେ। କିନ୍ତୁ କ୍ୟାପଟେନ୍ ଅଙ୍କିତ ବାହାରି ନଥିଲେ। ଏହାପରେ ଅଭ୍ୟାସରତ ଅନ୍ୟ ଯବାନ ଏ ସମ୍ପର୍କରେ ମୁଖ୍ୟ କାର୍ଯ୍ୟାଳୟକୁ ସୂଚନା ଦେଇଥିଲେ। ସୂଚନା ପାଇ ସେନାର ଅନେକ ଟିମ୍ ଘଟଣାସ୍ଥଳରେ ପହଞ୍ଚିଥିଲେ ଓ ସର୍ଚ୍ଚ ଅପରେସନ ଆରମ୍ଭ କରିଥିଲେ। ତେବେ ଅଭ୍ୟାସ ସମୟରେ କ୍ୟାପଟେନ୍ ଅଙ୍କିତଙ୍କ ମୃତ୍ୟୁ ହୋଇଥିବା ସନ୍ଦେହ କରାଯାଉଛି। କିନ୍ତୁ ତାଙ୍କ ମୃତଦେହ ଏବେ ସୁଦ୍ଧା ଉଦ୍ଧାର ହୋଇନାହିଁ।

ରାଜସ୍ଥାନ ଵିକାନେରରେ ମଙ୍ଗଳବାର ସନ୍ଧ୍ୟାରେ ଭାରତୀୟ ବାୟୁସେନାର ମିଗ୍-୨୧ ଯୁଦ୍ଧ ବିମାନ ମଧ୍ୟ କ୍ରାସ ହୋଇଥିଲା। ଦୁର୍ଘଟଣାରେ ପାଇଲଟଙ୍କ ଜୀବନ ବଞ୍ଚିଯାଇଛି। ଦୁର୍ଘଟଣା ରାଜସ୍ଥାନ ଶ୍ରୀଗଙ୍ଗାନଗର ଜିଲ୍ଲା ସୁରତଗଡ ଏୟାରବେଶ ନିକଟରେ ହୋଇଥିଲା। ବିମାନର ପାଇଲଟ ଠିକ୍ ସମୟରେ ବାହାରି ଯିବାରୁ ତାଙ୍କ ଜୀବନ ବଞ୍ଚିଯାଇଥିଲା।

   Related Posts