ଭୁବନେଶ୍ବର ୯|୭: ଶିଶୁଟିଏକୁ ଗଛଟିଏ । ନବଜାତକର ଶୁଭ ଆଗମନ ଉପଲକ୍ଷେ କ୍ୟାପିଟାଲ ହସପିଟାଲରେ ପ୍ରସୂତି ମହିଳାଙ୍କୁ ମାଗଣାରେ ଗଛ ଚାରା ବାଣ୍ଟି ଶିଶୁର ଶୁଭ କାମନା ସହ ଭିନ୍ନ ଢଙ୍ଗରେ ପରିବେଶ ସୁରକ୍ଷାର ବାର୍ତ୍ତା ବାଣ୍ଟିଛନ୍ତି ମେଡିକାଲ କର୍ତ୍ତୃପକ୍ଷ।
{"id":132024}
ପରିବଶେ ସୁରକ୍ଷା ନେଇ କ୍ୟାପିଟାଲ ହସ୍ପିଟାଲ କର୍ତ୍ତୃପକ୍ଷଙ୍କ ଭିନ୍ନ ପ୍ରୟାସ। ନବ ଜାତକର ଶୁଭ ମନାସିବା ସହ ପରିବେଶ ସୁରକ୍ଷାର ବାର୍ତ୍ତା। କ୍ୟାପିଟାଲ ହସ୍ପିଟାଲରେ ପ୍ରସୂତି ମହିଳା ଓ୍ବାର୍ଡରେ ଡିସଚାର୍ଜ ପ୍ରସୂତି ମହିଳାଙ୍କୁ ଚାରା ବାଣ୍ଟିଛନ୍ତି ମେଡିକାଲ କର୍ତ୍ତୃପକ୍ଷ । କ୍ୟାପିଟାଲ ମେଡିକାଲ ପରିସରରେ ଥିବା ୧୦୦ ଶଯ୍ୟା ବିଶିଷ୍ଟ ମା ଓ ଶିଶୁ ଚିକିତ୍ସାଳୟ ପରିସରରେ ଦେଖିବାକୁ ମିଳିଥିଲା ଏହି ନିଆରା ଦୃଶ୍ୟ। ଫୋନି ବାତ୍ୟା ଯୋଗୁ ନଷ୍ଟ ହୋଇଥିବା ଗଛ ଗୁଡିକର ପୁନଃରୁଦ୍ଧାର କରିବା ପାଇଁ ମେଡିକାଲ କର୍ତ୍ତୃପକ୍ଷ ଏଭଳି ପ୍ରୟାସ କରିଛନ୍ତି ।
{"id":132025}
ଏହି କାର୍ଯ୍ୟକ୍ରମରେ ବିଶେଷ କରି କ୍ୟାପିଟାଲ ହସ୍ପିଟାଲର ନର୍ସ, ଆଶାକର୍ମୀ, ଡାକ୍ତର ସମସ୍ତେ ସାମଲି ହୋଇଥିଲେ । ନିଜ ଛୋଟ ଶିଶୁକୁ ଯତ୍ନ କଲା ପରି ରାସ୍ତା କଡରେ ଗଛ ଲଗାଇ ପରିବେଶ ସୁରକ୍ଷାରେ ସାମିଲ ହେବାକୁ ଆହ୍ବାନ ଦିଆଯାଇଥିଲା । । ବିଶେଷ କରି କ୍ୟାପିଟାଲ ହସ୍ପିଟାଲର ଏଭଳି ପ୍ରୟାସକୁ ବିଭିନ୍ନ ବର୍ଗରୁ ପ୍ରଶଂସା କରାଯାଇଛି। ପ୍ରସୂତି ମହିଳାଙ୍କୁ ଗଛ ବାଣ୍ଟିବା ସହ ବେଶ୍ ଖୁସିଥିବା କହିଛନ୍ତି କ୍ୟାପିଟାଲ ହସ୍ପିଟାଲର ଡାକ୍ତର ।
ଦିନକୁ ଦିନ ହୁ ହୁ ହେଇ ବଢି ଚାଲିଛି ଜନସଂଖ୍ୟା। ତେବେ ଏହାରି ଭିତରେ କ୍ୟାପିଟାଲ କର୍ତ୍ତୃପକ୍ଷଙ୍କ ଶିଶୁଟିଏକୁ ଗଛଟିଏ କାର୍ଯ୍ୟକ୍ରମ ନିଶ୍ଚୟଭାବେ ବେଶ୍ ପ୍ରସଂଶନୀୟ ।
