ଭଞ୍ଜନଗର,୦୯|୧୦: ଦେଶରେ ବଢୁଥିବା ଅହେତୁକ ନାରୀ ନିର୍ଯାତନା ଓ ନିକଟରେ ଉତ୍ତରପ୍ରଦେଶ ହାଥରସର ଘଟିଥିବା ଗଣଦୁଷ୍କର୍ମ ହତ୍ୟାକୁ ପ୍ରତିବାଦ କରିଛି ଭଞ୍ଜନଗର ଯୁବ କଂଗ୍ରେସ ।  ହାଥରସରେ ପୋଲିସ ଦ୍ୱାରା ରାତିଅଧିଆ ପ୍ରମାଣ ନଷ୍ଟ କରିବାକୁ ଯେଉଁଭଳି ଭାବରେ ମୃତଦେହକୁ  ପୋଡି ଦିଆଗଲା ତାକୁ ମଧ୍ୟ ଦଳ ବିରୋଧ କରିଛି । ଏହାସହ ପୀଡିତାକୁ ନ୍ୟାୟ ଦାବିରେ ଦଳ ପକ୍ଷରୁ ଏକ କ୍ୟାଣ୍ଡେଲ୍ ଶୋଭାଯାତ୍ରା ଆୟୋଜିତ ହୋଇଛି ।

{"id":341298,"sizeSlug":"large"}

ଏହି ପରିପ୍ରେକ୍ଷୀରେ ଭଞ୍ଜନଗର ଯୁବ କଂଗ୍ରେସ ପକ୍ଷରୁ ପୀଡିତାଙ୍କୁ ନ୍ୟାୟ ଦାବିରେ ଏକ କ୍ୟାଣ୍ଡାଲ ଶୋଭାଯାତ୍ରା ଅନୁଷ୍ଠିତ କରାଯାଇଛି I ଉତ୍କଳମଣିଙ୍କ ଜନ୍ମ ଦିବସରେ ଗୋପବନ୍ଧୁ ଦାସଙ୍କ ପ୍ରତିମୂର୍ତ୍ତିରେ ପୁଷ୍ପ ମାଲ୍ୟାପ୍ରଣ କରି କ୍ୟାଣ୍ଡେଲ ଶୋଭାଯାତ୍ରା ଆରମ୍ଭ ହୋଇଥିଲା । ଏହି ଶୋଭାଯାତ୍ରା ସ୍ଥାନୀୟ ବସ୍ ଷ୍ଟାଣ୍ଡଠାରୁ ଖାଲାସାହି ପ୍ରର୍ଯ୍ୟନ୍ତ ଅନୁଷ୍ଠିତ ହୋଇଥିଲା। ଆୟୋଜିତ ଶୋଭାଯାତ୍ରାରେ ଯୁବ କଂଗ୍ରେସର ଅନେକ କର୍ମକର୍ତ୍ତା ଯୋଗଦେଇଥିଲେ।