Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ସାଇକେଲ୍‌ରେ ଆସି ନାମାଙ୍କନ ଭରିଲେ ପ୍ରାର୍ଥୀ, କହିଲେ- ବିଧାୟକ ହେଲେ ପ୍ରଥମେ ନିଜର ବିକାଶ କରିବି, ତା ପରେ…

9/10/2020 at 5:01 PM

ଶେଖପୁରା ୦୯।୧୦:  ବିଧାୟକ ହେଲେ ଜନତାଙ୍କ ବିକାଶ କରିବି,  ଆପଣ ନାମାଙ୍କନ ପତ୍ର ଭରିବା ପରେ ଅଧିକାଂଶ ନେତାଙ୍କ ମୁହଁରୁ ଏହି କଥା ସର୍ବଦା ଶୁଣିଥିବେ। ମାତ୍ର ବିହାରର ଶେଖପୁରାର ବରବିଘା ବିଧାନସଭାରୁ ନାମାଙ୍କନ ଦାଖଲ କରିବା ପରେ ଦରଜୀ ଯାହା କହିଲେ ଆପଣ ଜାଣିଲେ ଆଶ୍ଚର୍ଯ୍ୟ ଚକିତ ହେବେ। ସାଇକେଲ୍‌ରେ ଆସି ନାମାଙ୍କନ ଦାଖଲ କରିଥିବା ଦରଜି କହିଛନ୍ତି ଯଦି ବିଧାୟକ ହୁଏ ତେବେ ପ୍ରଥମେ ନିଜର ବିକାଶ କରିବି ପରେ ଜନତାଙ୍କୁ ଦେଖିବି।

ଶେଖପୁରା ଜିଲ୍ଲାର ବରବିଘା ବିଧାନସଭାର ପୁରନକାମା ଗାଁ ନିବାସୀ ରାଜେନ୍ଦ୍ର ପ୍ରସାଦ ପେଶାରେ ଜଣେ ଦରଜି। ସେ ନିର୍ବାଚନ ଲଢିବା ପାଇଁ ସାଇକେଲ୍‌ରେ ଆସି ନାମାଙ୍କନ ପତ୍ର ଦାଖଲ କରିଛନ୍ତି। ନାମାଙ୍କନ ଦାଖଲ ପରେ ସେ କହିଛନ୍ତି ଏହି ନାମାଙ୍କନ ଗଣତନ୍ତ୍ରକୁ ମଜବୁତ କରିବା ପାଇଁ କରିଛନ୍ତି।

ଗଣମାଧ୍ୟମ ସହ ଆଲୋଚନା  ବେଳେ ସେ ସ୍ପଷ୍ଟ ଶବ୍ଦରେ କହିଛନ୍ତି ନିର୍ବାଚନ ପରେ ଯଦି ସେ ବିଧାୟକ ହୁଅନ୍ତି ତେବେ ପ୍ରଥମେ ନିଜର ବିକାଶ କରିବି। ସେ କହିଛନ୍ତି ବିଧାୟକ ହେବା ପରେ ଲୋକେ ଦିଲ୍ଲୀ, ମୁମ୍ବାଇରେ ଫ୍ଲାଟ୍ କିଣୁଛନ୍ତି ଏବଂ ନିଜର ପୁଞ୍ଜି ବଢାଉଛନ୍ତି।

ରାଜେନ୍ଦ୍ର କହିଛନ୍ତି, ଏତେ ବର୍ଷ ପର୍ଯ୍ୟନ୍ତ ସେ ପରିଶ୍ରମ କରି ଚାଲିଛନ୍ତି ହେଲେ ଏ ପର୍ଯ୍ୟନ୍ତ କିଛି ହାସଲ କରି ପାରିନାହିଁ। ତାଙ୍କର ଉଦ୍ଦେଶ୍ୟ ବିଧାୟକ ହେବା ପରେ ସେ ମଧ୍ୟ ନିଜର ଘର ତିଆରି କରି ପାରିବେ ଏବଂ ନିଜ ପରିବାରର ବିକାଶ କରି ପାରିବେ। ଏହି ଉଦ୍ଦେଶ୍ୟରେ ସେ ନାମାଙ୍କନ ଦାଖଲ କରିଛନ୍ତି। ତାଙ୍କର ନାମାଙ୍କନ ଦାଖଲ ସାମାଜିକ ଗଣମାଧ୍ୟମରେ ଖୁବ୍ ଭାଇରାଲ ହୋଇଛି।

   Related Posts