Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ଗୋଶାଳା କଲପଡାରେ ଖାଲରେ ଖସିପଡି ୨ ଶିଶୁ ମୃତ
  • ||
  • ଢେଙ୍କାନାଳ : ଭିଜିଲାନ୍ସ ଜାଲରେ ଥାନା ଅଧିକାରୀ, ଯୌତୁକ ମାମଲାରେ ଦଫା କାଟିବାକୁ ନେଉଥିଲେ ୬ହଜାର ଟଙ୍କା
  • ||
  • ନବରଙ୍ଗପୁର : କୁନ୍ଦେଇ ସରପଞ୍ଚ ନିଲମ୍ବିତ, ଭାରତମାଳା ଯୋଜନାକୁ ବିରୋଧ କରିବାରୁ କାର୍ଯ୍ୟାନୁଷ୍ଠାନ
  • ||
  • ୨ ଦିନିଆ କନ୍ଧମାଳ ଗସ୍ତରେ ଶିଶୁ ସୁରକ୍ଷା ଅଧିକାର ଅଧ୍ୟକ୍ଷା
  • ||
  • ବ୍ରହ୍ମପୁର : ବ୍ରହ୍ମପୁର ଫାଷ୍ଟଗେଟ୍ ଅଞ୍ଚଳରୁ ଜଣଙ୍କ ମୃତଦେହ ଠାବ, ହତ୍ୟା ସନ୍ଦେହ
  • ||
  • ନୀଳଗିରି: ହାତୀ ଆତଙ୍କରେ ଅଞ୍ଚଳବାସୀ
  • ||
  • ମାଲକାନଗିରି : ଯବାନ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ, ବିପୁଳ ପରିମାଣର ମାଓ ସାମଗ୍ରୀ ଜବତ
  • ||
  • କେନ୍ଦୁଝର : ବାଇକ୍ ଧକ୍କାରେ ଜଣେ ଗୁରୁତର, ମେଡିକାଲରେ ଭର୍ତ୍ତି
  • ||

ନିଜ ବଡିଗାର୍ଡଙ୍କୁ ବିବାହ କଲେ କାନାଡ଼ା-ଆମେରିକୀୟ ଅଭିନେତ୍ରୀ ପାମେଲା ଆଣ୍ଡରସନ୍, କହିଲେ ଇଏ ଲକ୍‌ଡାଉନ୍‌ ପ୍ରେମ…

28/01/2021 at 2:07 PM

ନୂଆଦିଲ୍ଲୀ, ୨୮/୦୧: କାନାଡ଼ା- ଆମେରିକୀୟ ଅଭିନେତ୍ରୀ ପାମେଲା ଆଣ୍ଡରସନ୍ ନିଜର ବଡିଗାର୍ଡ ଡାନ ହେହର୍ଷ୍ଟଙ୍କୁ ବିବାହ କରିଛନ୍ତି । କରୋନା ଲକ୍‌ଡାଉମ୍ ସମୟରେ ସେ ତାଙ୍କ ବଡିଗାର୍ଡଙ୍କ ପ୍ରେମରେ ପଡ଼ିଯାଇଥିଲେ । ପୂର୍ବତନ ବେୱାଚ୍ ସୁନ୍ଦରୀ କାନାଡର ଭାନକୌଭର୍ ଦ୍ୱୀପରେ ଖ୍ରାଷ୍ଟମାସ ଅବସରରେ ତାଙ୍କ ସହରରେ ରହୁଥିବା ଡାନଙ୍କ ହାତ ଧରିଥିବା ଏକ ନିର୍ଦ୍ଧିଷ୍ଟ ଗଣମାଧ୍ୟମକୁ ସାକ୍ଷାତକାର ଦେଇ କହିଛନ୍ତି । ମୁଁ ଯେଉଁଠି ରହିବା କଥା ରହିଛି । ମତେ ଭଲ ପାଉଥିବା ଯୁବକଙ୍କ ସହ ମୁଁ ବାନ୍ଧି ହୋଇ ଯାଇଛି ବୋଲି ପାମେଲା ପ୍ରକାଶ କରିଛନ୍ତି । ଏ ନେଇ ସେ ଏହି ବିଶେଷ ମୂହୁର୍ତ୍ତର ଫଟୋ ଓ ଭିଡିଓ ସେୟାର କରିଛନ୍ତି।

ଆଣ୍ଡରସନ୍ କାନାଡ଼ାର ବାସିନ୍ଦା । ପାମେଲା ୧୯୬୭ ମସିହାରେ ବ୍ରିଟିଶ କଲମ୍ବିଆର ଏକ ଦୂର ମତ୍ସ୍ୟଜୀବୀ ଗାଁ ଲେଡିସ୍ମିଥରେ ଜନ୍ମଗ୍ରହଣ କରିଥିଲେ । ପ୍ଲେ ବୟ ଲସ୍ ଆଞ୍ଜେଲସକୁ ସ୍ଥାନାନ୍ତରିତ ନହେବା ପର୍ଯ୍ୟନ୍ତ ସେ ଏହି ଅଞ୍ଚଳରେ ବାସ କରୁଥିଲେ । ଇଥେରାଲ୍ ସୌନ୍ଦର୍ଯ୍ୟର ଅଧିକାରୀ ପାମେଲା ବାହାଘରରେ ଚମକୁଥିବା ଧଳା ଭିଣ୍ଟେଜ୍‌ର ବିବାହ ପୋଷାକ ଏବଂ ଏକ ଲମ୍ବା ଟ୍ରେଲ୍ ବ୍ରାଇଡାଲ୍ ଓଢ଼ଣାରେ ସଜ୍ଜିତ ହୋଇଥିଲେ । ଗୋଲାପୀ ଏବଂ ଧଳା ଗୋଲାପର ଏକ ଛୋଟ ପୁଷ୍ପ ତୋଡ଼ା ଧରି ଆଣ୍ଡରସନ ସାଧା ଗାଉନରେ ଅତି ସୁନ୍ଦର ଭାବେ ସଜେଇ ହୋଇଥିବା ବେଳେ ଡାନ କଳା ଟ୍ରାଉଜର ଏବଂ ଧଳା ସାର୍ଟ ପିନ୍ଧିଥିଲେ।

ଗତ ବର୍ଷ ଲକଡାଉନ୍ ଆରମ୍ଭରେ ଆଣ୍ଡରସନ୍ ଭାନକୌଭର ଦ୍ୱୀପରେ ସ୍ଥାନୀୟ ବାସିନ୍ଦା ଭାବେ ରହୁଥିବା ହେହର୍ଷ୍ଟଙ୍କୁ ଭେଟିଥିଲେ। ସେବେଠାରୁ, ଏହି ଯୋଡି ସଦାବେଳେ ଏକାଠି ରହିଆସିଥିବା ଦେଖିବାକୁ ମିଳିଥିଲା । ଆଣ୍ଡରସନ ମଜାକ୍ କରି ଗଣମାଧ୍ୟମକୁ କହିଛନ୍ତି, ‘ଏହି ଗୋଟିଏ ବର୍ଷ ଏକାଠି ରହିବା ତାଙ୍କୁ ସାତ ବର୍ଷ ପରି ଅନୁଭବ ହୋଇଛି । ବର୍ତ୍ତମାନ ସେ ଦୁଇଜଣ ବହୁତ ଖୁସି ଥିବା ଆଣ୍ଡରସନ ପ୍ରକାଶ କରିଛନ୍ତି।

   Related Posts