Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

TB ଏବଂ HIV ରୋଗୀମାନଙ୍କୁ କରୋନା ସଂକ୍ରମଣର ଆଶଙ୍କା ଅଧିକ କି ? ଜାଣନ୍ତୁ କ’ଣ ରହିଛି ବିଶେଷଜ୍ଞଙ୍କ ମତ

15/04/2020 at 10:15 AM

ନୂଆଦିଲ୍ଲୀ ୧୫।୪: ସାରା ବିଶ୍ବରେ କରୋନା ସଂକ୍ରମିତଙ୍କ ସଂଖ୍ୟା ବଢି ବଢି ଚାଲିଛି । ଦେଶରେ ମଧ୍ୟ କରୋନା ସଂକ୍ରମିତଙ୍କ ସଂଖ୍ୟା ବଢୁଛି । ତେବେ କରୋନା ଭାଇରସ୍ ଦ୍ବାରା ସଂକ୍ରମିତ ଅନେକ ସଂଖ୍ୟକ ଲୋକ ଅଛନ୍ତି ଯେଉଁମାନେ ପୂର୍ବରୁ କୌଣସି ଗମ୍ଭୀର ରୋଗରେ ପୀଡିତ ଥିଲେ । ଏଭଳି ପରିସ୍ଥିତିରେ ପ୍ରଶ୍ନ ଉଠୁଛି ଯେ କଣ ଯକ୍ଷ୍ମା ଏବଂ ଏଚଆଇଭି ରୋଗୀମାନଙ୍କୁ କରୋନାଠୁ ଅଧିକ ବିପଦ ରହିଛି । ତେବେ ଏନେଇ ଦିଲ୍ଲୀର AIIMSର ନିର୍ଦ୍ଦେଶକ ଡକ୍ଟର ରଣଦୀପ ଗୁଲେରିଆ ଏକ ଗଣମାଧ୍ୟମକୁ ସୂଚନା ଦେଇଛନ୍ତି ।

ସେ କହିଛନ୍ତି ଯେ, ସାରା ବିଶ୍ବରେ କରୋନା ଜନିତ ସମସ୍ତ ମୃତ୍ୟୁରେ ଦୁଇଟି ସାଧାରଣ ଜିନିଷ ଦେଖିବାକୁ ମିଳିଛି । ପ୍ରଥମଟି ହେଉଛି ଅଧିକ ବୟସ ଏବଂ ଦ୍ବିତୀୟରେ କୋମୋବିଡିଟିସ୍ । କୋଭିଡ-୧୯ କାରଣରୁ ୫୦ ବର୍ଷରୁ କମ୍ ଲୋକଙ୍କ ମଧ୍ୟରୁ ୧ ପ୍ରତିଶତରୁ କମ୍ ଲୋକଙ୍କର ମୃତ୍ୟୁ ହୋଇଛି । ବୃଦ୍ଧାବସ୍ଥା ସହିତ ଗମ୍ଭୀର ସଂକ୍ରମଣର ଆଶଙ୍କା ମଧ୍ୟ ବଢିଯାଏ ।

ସେହିଭଳି ଯଦି କୋମୋବିଡିଟିସ୍ କଥା ଦେଖିବା ଉଚ୍ଚ ରକ୍ତଚାପ, ମଧୁମେହ, ହୃଦ୍ ରୋଗ, ଦୁର୍ବଳ ଫୁସଫୁସ, ଦୁର୍ବଳ ରୋଗ ପ୍ରତିରୋଧକ ଶକ୍ତି କିମ୍ବା ଏଚଆଇଭି ରୋଗୀ ବିଷୟରେ କହିବା ତେବେ ଏହି ଭାଇରସ୍ ସେମାନଙ୍କ ପାଇଁ ଅଧିକ ବିପଜ୍ଜନକ ସାବ୍ୟସ୍ତ ହୋଇପାରେ ।

ଏହି ମାରାତ୍ମକ ଭାଇରସ୍ ଦ୍ବାରା ସଂକ୍ରମିତ ହେବା ପରେ ମଧୁମେହ ରୋଗୀଙ୍କ ସୁଗାର ଲେଭଲ ତୁରନ୍ତ ବଢିପାରେ । ଫୁସଫୁସ ନଷ୍ଟ ହେବା ଯୋଗୁଁ ନିଶ୍ବାସ ପ୍ରଶ୍ବାସ ନେବାରେ ସମସ୍ୟା ବଢିପାରେ । ଏପରି ପରିସ୍ଥିତିରେ ଆଇସିୟୁରେ ଭର୍ତ୍ତି ହେବା କିମ୍ବା ମୃତ୍ୟୁ ହାର ବୃଦ୍ଧି ହେବାର ସମ୍ଭାବନା ବହୁତ ଅଧିକ ରହିଛି ।

   Related Posts