ନୂଆଦିଲ୍ଲୀ ୧୭|୫: ଚୂଡାନ୍ତ ପର୍ଯ୍ୟାୟ ନିର୍ବାଚନ ପାଇଁ ଆଜି ସରୁଛି ପ୍ରଚାର ଅଭିଯାନ । ଏହି ପର୍ଯ୍ୟାୟରେ ରବିବାର ଦିନ ୮ ରାଜ୍ୟର ୫୯ଟି ନିର୍ବାଚନ ମଣ୍ଡଳୀରେ ଭୋଟ୍ ଗ୍ରହଣ ହେବ । ରାଜନୈତିକ ଦଳଗୁଡିକର ତୁଙ୍ଗ ନେତାମାନେ ଭୋଟର୍ମାନଙ୍କୁ ଆକୃଷ୍ଟ କରିବାପାଇଁ ଉଦ୍ୟମ ଚଳାଇଛନ୍ତି ।
ସପ୍ତମ ତଥା ଚୂଡାନ୍ତ ପର୍ଯ୍ୟାୟ ନିର୍ବାଚନରେ ଉତ୍ତର ପ୍ରଦେଶର ୧୩ଟି, ପଞ୍ଜାବର ସମସ୍ତ ୧୩ଟି, ପଶ୍ଚିମବଙ୍ଗର ୯ଟି, ବିହାର ଓ ମଧ୍ୟପ୍ରଦେଶର ୮ଟି ଲେଖାଏଁ, ହିମାଚଳ ପ୍ରଦେଶର ସମସ୍ତ ୪ଟି, ଝାଡଖଣ୍ଡର ୩ଟି ଓ ଚଣ୍ଡୀଗଡର ଏକମାତ୍ର ନିର୍ବାଚନ ମଣ୍ଡଳୀରେ ଭୋଟ୍ ଗ୍ରହଣ ହେବ।
୨୩ ତାରିଖ ଦିନ ଭୋଟ୍ ଗଣତି କରାଯିବ । ଏହି ପର୍ଯ୍ୟାୟରେ ପ୍ରଧାନମନ୍ତ୍ରୀ ମୋଦିଙ୍କ ସଂସଦୀୟ କ୍ଷେତ୍ର ବାରାଣସୀରେ ମଧ୍ୟ ମତଦାନ ହେବ । ସେହିପରି ପଶ୍ଚିମବଙ୍ଗରେ ଲୋକସଭାର ୯ଟି ଆସନରେ ଗୁରୁବାର ରାତି ୧୦ଟାରେ ପ୍ରଚାର ଶେଷ ହୋଇଯାଇଛି ।
