Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚେତୁନାହାଁନ୍ତି ଅମାନିଆ : ବିଭିନ୍ନ ଆଳ କରି ବଜାରରେ ବୁଲୁଛନ୍ତି, ଫାଇନ୍ ବି ଗଣୁଛନ୍ତି
  • ||
  • ‘ଟିକାରୁ ଜିଏସଟି ଛାଡ କର’ : କେନ୍ଦ୍ର ଅର୍ଥମନ୍ତ୍ରୀଙ୍କୁ ଅନୁରୋଧ କଲେ ମୁଖ୍ୟମନ୍ତ୍ରୀ
  • ||
  • ଭୟଙ୍କର : ୨୪ ଘଣ୍ଟାରେ ଦେଶରେ ବାହାରିଲେ ୪ ଲକ୍ଷ ୧୪ ହଜାରରୁ ଅଧିକ ପଜିଟିଭ୍, ୩୯୧୫ ମୃତ
  • ||
  • କରୋନା ରୋଗୀଙ୍କୁ ମେଡିସିନ୍ ନେଇ ଜାରି ହେଲା ଏସଓପି : ଆକ୍ରାନ୍ତଙ୍କୁ ଇଞ୍ଜେକ୍ସନ ଦେବା ପୂର୍ବରୁ ଯାଞ୍ଚ ହେବ ସ୍ୱାସ୍ଥ୍ୟାବସ୍ଥା
  • ||
  • ରାଜସ୍ଥାନରେ ୧୪ ଦିନିଆ ଲକ୍‌ଡାଉନ୍‌ ଲଗାଇଲେ ସରକାର, ୩୧ ଯାଏଁ ହୋଇପାରିବନି ବିବାହ
  • ||
  • ପଶୁପକ୍ଷୀଙ୍କୁ ମଧ୍ୟ ହେଉଛି କରୋନା, ଆଗରୁ ଆହୁରି ହେବେ ସଂକ୍ରମିତ ! ଚିନ୍ତାରେ ସରକାର
  • ||
  • ଛୋଟ ପିଲାଙ୍କ ପ୍ରତି ବିପଦ ବେଶୀ, ଦୈନିକ ୫୦୦ ଶିଶୁ ହେଉଛନ୍ତି କୋଭିଡ୍ ପଜିଟିଭ୍
  • ||
  • ରାଜ୍ୟରେ କରୋନା ନେଲା ଆଉ ୧୯ ଜଣଙ୍କ ଜୀବନ, ୨୧୪୦ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ଗାଁ ନିକଟରେ ବୁଲୁଛି ଗୋଠଛଡା ଦନ୍ତା, ଗ୍ରାମବାସୀ ଭୟଭୀତ
  • ||
  • ୧୨ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୨,୨୩୮ ପଜିଟିଭ୍
  • ||

ମଧ୍ୟପ୍ରଦେଶ ବିଧାନସଭା ନିର୍ବାଚନ: ୩ନଭେମ୍ବର ଭୋଟ ଲାଗି ପ୍ରଚାର ଶେଷ, ୨୮ ସିଟ୍ ରେ ହେବ ୩୫୫ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା

1/11/2020 at 6:40 PM

ଭୋପାଲ ୧।୧୧: ମଧ୍ୟପ୍ରଦେଶ ବିଧାନସଭାର ୨୮ ଆସନ ଲାଗି ଉପନିର୍ବାଚନ ନିମନ୍ତେ ରବିବାର ପ୍ରଚାର ଶେଷ ହୋଇଛି। ନଭେମ୍ବର ୩ ତାରିଖରେ ଭୋଟ ଗ୍ରହଣ ହେବ। ଏଥିଲାଗି ପ୍ରସ୍ତୁତି ଏବେ ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି। ମୈଦାନରେ ବିଜେପି, କଂଗ୍ରେସ ଭଳି ବଡ଼ବଡ଼  ରାଜନୈତିକ ଦଳଙ୍କ ସମେତ ବସପା ଓ ସ୍ୱାଧୀନ ଆଦି ୩୫୫ ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱୀତା କରୁଛନ୍ତି।

ନିର୍ବାଚନ ଆୟୋଗଙ୍କ ଦ୍ୱାରା ଧାର୍ଯ୍ୟ ସମୟାନୁସାରେ ରବିବାର ଅପରାହ୍ନ ୫ଟାରୁ ରାଜ୍ୟରେ ପ୍ରଚାର ଅଭିଯାନ ବନ୍ଦ ହୋଇଛି। ବିଭିନ୍ନ ନିର୍ବାଚନ ମଣ୍ଡଳୀରେ ସୁରକ୍ଷା ଲାଗି ନିର୍ବାଚନ ଆୟୋଗ ରାଜ୍ୟକୁ ୧୪ କମ୍ପାନୀ ଫୋର୍ସ ଯୋଗାଇଦେଇଛନ୍ତି। ଯେଉଁ ସବୁ ଆସନରେ ଉପନିର୍ବାଚନ ହେବ ଗତ ସାଧାରଣ ନିର୍ବାଚନରେ ଏଥିରୁ ୨୫ଟି ଆସନରେ କଂଗ୍ରେସ ପ୍ରାର୍ଥୀମାନେ ବିଜୟୀ ହୋଇଥିଲେ। ବିଜୟ ଆଶାରେ ବିଜେପି ଏହି ସବୁ ଆସନରେ ପୂର୍ବଥର ବିଜୟୀ ନେତାଙ୍କୁ ପ୍ରାର୍ଥୀ କରିଛି।

ରାଜ୍ୟରେ ପ୍ରାୟ ୧୫ ବର୍ଷ ପରେ କମଲ ନାଥଙ୍କ ନେତୃତ୍ୱରେ କଂଗ୍ରେସ ସରକାର ଶାସନକୁ ଫେରିଥିଲା। ତେବେ ବରିଷ୍ଠ ନେତା ଜ୍ୟୋତିରାଦିତ୍ୟ ସିନ୍ଧିଆ କଂଗ୍ରେସ ଛାଡି ବିଜେପିରେ ଯୋଗଦେବା ଯୋଗୁ ତାଙ୍କ ସମର୍ଥକ ବିଧାୟକମାନେ ମଧ୍ୟ ବିଜେପିକୁ ଚାଲିଯାଇଥିଲେ। ଏଣୁ ରାଜ୍ୟରେ କଂଗ୍ରେସ ସଂଖ୍ୟା ଗରିଷ୍ଠତା ହରାଇବାକୁ ଶେଷରେ କମଲନାଥଙ୍କୁ ଇସ୍ତଫା ଦେବାକୁ ପଡିଥିଲା। ଅନ୍ୟପକ୍ଷରେ ବିଧାୟକଙ୍କ ଦଳ ବଦଳ ଯୋଗୁ ରାଜ୍ୟକୁ ଉପନିର୍ବାଚନ ଦେଖିବାକୁ ପଡିଛି।

ସମସ୍ତ ଆସନରେ ଜିତିବା ଲକ୍ଷ ନେଇ କଂଗ୍ରେସ ନିର୍ବାଚନ ମୈଦାନକୁ ଓହ୍ଲାଇଛି। ଅନ୍ୟପକ୍ଷରେ ବିଜେପିକୁ ୯ଟି ଆସନ ମିଳିଗଲେ ଶିବରାଜ ସିଂହଙ୍କ ସରକାର ରାଜ୍ୟରେ ସ୍ଥିର ଶାସନ କରିବ। ଏଣୁ ଏବେ ଜନାଦେଶ ଉପରେ ନିର୍ଭର କରୁଛି କମଲ ନାଥ ଓ ଶିବରାଜ ସିଂହଙ୍କ ଭାଗ୍ୟ। ୨୦୧୮ ବିଧାନସଭା ନିର୍ବାଚନରେ କଂଗ୍ରେସକୁ ସରକାର ଗଢିବାକୁ ସ୍ପଷ୍ଟ ଜନାଦେଶ ମିଳିଥିଲା। ହେଲେ ଭଙ୍ଗା ଗଢା ରାଜନୀତିରେ ଶିବରାଜ ପୁଣି ଶାସନ ହାତେଇଛନ୍ତି। ଯଦି ଜନତା ରାଜ୍ୟରେ ବିଜେପି ସରକାରକୁ ବହିଷ୍କାର କରନ୍ତି ତେବେ ଶିବରାଜ  ପୁଣି ବିରୋଧୀ ଦଳରେ ବସିବାକୁ ପଡିପାରେ ବୋଲି ଆକଳନ କରାଯାଉଛି।

   Related Posts