Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟି-୨୦ ବିଶ୍ବକପର ଧମାକାଦାର ଆରମ୍ଭ : PNGକୁ ୧୦ ଓ୍ବିକେଟରେ ହରାଇଲା ଓମାନ, କମାଲକଲେ ଭାରତୀୟ ବଂଶୋଦ୍ଭବ ଜତୀନ୍ଦର ସିଂହ
  • ||
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ସହଯୋଗୀଙ୍କ ଘରେ ଭିଜିଲାନ୍ସ ଚଢ଼ାଉ, ଜବତ ହେଲା ୨୦ ଲକ୍ଷ
  • ||
  • ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ଉତପାତ୍‌ ଜାରି, ୨ ଅଣ-କାଶ୍ମୀରୀଙ୍କୁ ନିର୍ମମ ହତ୍ୟା
  • ||
  • ବିସିସିଆଇ ନୂତନ କୋଚ୍ ଏବଂ ସପୋର୍ଟିଂ ଷ୍ଟାଫ ପାଇଁ ମଗାଇଲା ଆବେଦନ, ଏମିତି ରହିଛି ସର୍ତ୍ତ
  • ||
  • ରାଜ୍ୟରେ ଆସନ୍ତା ୨୪ ଘଣ୍ଟା ମଧ୍ୟରେ ହେବ ବଜ୍ରପାତ, ୧୭ ଜିଲ୍ଲାକୁ ସତର୍କ ସୂଚନା
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||

ବିବାଦୀୟ ଅଡିଓ କଲ ପରେ ମେନକା ଗାନ୍ଧିଙ୍କ ପ୍ରତି ତେଜିଲା ବିରୋଧ : ଚଳଚ୍ଚିତ୍ର ନିର୍ମାତା କହିଲେ ଆସିଗଲାଣି ଅବସର ନେବାର ସମୟ

23/06/2021 at 12:05 PM

ଲକ୍ଷ୍ନୌ ୨୩/୬ : ବିଜେପି ସାଂସଦ ତଥା ଆନିମଲ ଆକ୍ଟିଭିଷ୍ଟ ମେନକା ଗାନ୍ଧିଙ୍କ ଏକ ଅଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ଜଣେ ପୋଲିସ ଅଧିକାରୀଙ୍କୁ ଜଣେ ବ୍ୟକ୍ତିଙ୍କ ବିରୋଧରେ ମାମଲା ରୁଜୁ କରିବା ସହ ତାଙ୍କୁ ଚାପୁଡ଼ା ମାରିବା ଭଳି ଶୁଣିବାକୁ ମିଳୁଛି । କାରଣ ଅଭିଯୁକ୍ତ ଜଣକ କୁକୁରର ଗୋଡ ଭାଙ୍ଗି ଦେଇଥିଲା । କୁକୁରର ଗୋଡକୁ ବାଡିରେ ଭାଙ୍ଗିବା ଅଭିଯୋଗରେ ପୋଲିସ ଅଭିଯୁକ୍ତ ଯୁବକଙ୍କୁ ଗିରଫ କରିଛି ।

ଯଦିଓ ଅଡିଓର ସତ୍ୟତା ନିଶ୍ଚିତ ହୋଇପାରିନି, ତେବେ କିନ୍ତୁ ସୋସିଆଲ ମିଡିଆରେ ମେନକା ଗାନ୍ଧିଙ୍କ ବିରୋଧରେ ଆରମ୍ଭ ହୋଇଛି ବିରୋଧ । ଭାରତୀୟ ପ୍ରାଣୀ ଚିକିତ୍ସା ସଂଘ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଚିଠି ଲେଖି ମେନକା ଗାନ୍ଧିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଆସୋସିଏସନ କହିଛି ଯେ ମେନକା ପ୍ରାଣୀ ଚିକିତ୍ସକଙ୍କୁ ଧମକ ଦେଉଛନ୍ତି । ଏହାସହ ସେମାନଙ୍କ ସହ ଅସଦାଚରଣ କରୁଛନ୍ତି ।

ଚଳଚ୍ଚିତ୍ର ନିର୍ମାତା ଅଶୋକ ପଣ୍ଡିତ ମଧ୍ୟ ଏହି ଚିଠିକୁ ସେୟାର କରିଛନ୍ତି ଏବଂ ଲେଖିଛନ୍ତି ଯେ ମେନକା ଗାନ୍ଧୀ ଲୋକଙ୍କୁ ଫୋନ କରି ସେମାନଙ୍କୁ ଧମକ ଦେଇଛନ୍ତି । ସେମାନଙ୍କ ବିରୋଧରେ ଜାଲ୍ ମାମଲା ଦାୟର କରିବେ ବୋଲି ଧମକ ଦେଇଛନ୍ତି । ଏବେ ସମୟ ଆସିଛି ମେନେକାଙ୍କ ଅବସର ନେବାର । ସେ ଆଉ କୌଣସି କଥାରେ ମୁଣ୍ଡ ନପୁରାଇ ସନ୍ୟାସ ନେଇଯାଆନ୍ତୁ ।

ସେପଟେ ସୋସିଆଲ ମିଡିଆରେ ମେନକା ଗାନ୍ଧିଙ୍କୁ ବହିଷ୍କାର ଏବଂ କ୍ଷମା ମାଗନ୍ତୁ ବୋଲି ସୋସିଆଲ ମିଡିଆରେ ଟ୍ରେଣ୍ଡ ଭାଇରାଲ ହେଉଛି । ଟ୍ୱିଟରରେ BoycottManekaGandhi ହ୍ୟାସଟ୍ୟାଗ ଟ୍ରେଣ୍ଡ କରୁଛି । ଲୋକେ ଭାଇରାଲ ଅଡିଓ ମାମଲାରେ ମେନକା ଗାନ୍ଧିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ସୁଲତାନପୁର ବିଜେପି ସାଂସଦ ମେନକା ଗାନ୍ଧି ଶୁଣାଯାଇଥିବା ଅଡିଓରେ ଶୁଣିବାକୁ ମିଳୁଛି ଯେ ସେ ଅଭିଯୁକ୍ତଙ୍କୁ ଗିରଫ କର, ମୋ ତରଫରୁ ଚାପୁଡ଼ା ମାର ।

ଏହାସହ ଅଭିଯୁକ୍ତଙ୍କଠାରୁ କୁକୁରର ଚିକିତ୍ସାର ସମ୍ପୂର୍ଣ୍ଣ ଖର୍ଚ୍ଚ ପାଇବାକୁ ସେ କହିଛନ୍ତି । ଏସଓ କୋଟୱାଲି ଟିପି ସିଂ କହିଛନ୍ତି ଯେ ଜଣେ ବ୍ୟକ୍ତି ରବିବାର ସନ୍ଧ୍ୟାରେ ପୋଲିସ ଷ୍ଟେସନକୁ ଆସି କହିଥିଲେ ଯେ ମେନକା ଗାନ୍ଧି ଫୋନରେ ଅଛନ୍ତି, ତାଙ୍କ ସହ କଥା ହୁଅନ୍ତୁ । ବାର୍ତ୍ତାଳାପ ସମୟରେ ମେନକା ଗାନ୍ଧି ମୋତେ କହିଥିଲେ ଯେ ଅଭିଯୁକ୍ତ ରମେଶ ବର୍ମା କୁକୁରର ଗୋଡକୁ ବାଡିରେ ପିଟିଥିଲେ, ତେଣୁ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କର ।

ଟିପି ସିଂ କହିଛନ୍ତି ଯେ ଏହି ଘଟଣା ଜୁନ୍ ୧୮ ର, କିନ୍ତୁ ଅଭିଯୋଗ ଜୁନ୍ ୨୦ରେ ହୋଇଥିଲା । ଏହି ମାମଲା ପଶୁପ୍ରେମୀ ମେରାଜ ଅହମ୍ମଦଙ୍କ ପଞ୍ଜୀକୃତ କରିଥିଲେ । ପୋଲିସ ଅଭିଯୁକ୍ତଙ୍କ ଘରକୁ ଯାଇଥିଲା କିନ୍ତୁ ଅଭିଯୁକ୍ତ ଘରେ ନଥିଲା । ପୋଲିସ ଅଭିଯୁକ୍ତଙ୍କ ଘରକୁ ଯାଇଥିଲା କିନ୍ତୁ ଅଭିଯୁକ୍ତ ଘରେ ନଥିଲା । କିନ୍ତୁ ସନ୍ଧ୍ୟାରେ ମନେକା ଗାନ୍ଧୀଙ୍କଠାରୁ ଏକ କଲ ଆସିଥିଲା ।

ଭିଡିଓର ସତ୍ୟତା ଉପରେ ସେ କହିଛନ୍ତି ଯେ କଥାବାର୍ତ୍ତା ଅନ୍ୟର ଫୋନ୍ ନମ୍ବରରେ ହୋଇଛି । ତେଣୁ ସେ ଏ ବିଷୟରେ କିଛି କହିହେବ ନାହିଁ । ନିବାରଣ ଅଧିନିୟମ ଅନୁଯାୟୀ ଅଭିଯୁକ୍ତଙ୍କ ବିରୋଧରେ ଏକ ମାମଲା ରୁଜୁ ହୋଇଛି ଏବଂ ଅଭିଯୁକ୍ତକୁ ଗିରଫ କରାଯାଇଛି । ବର୍ତ୍ତମାନ କୁକୁରଟି ସୁରକ୍ଷିତ ଅଛି ଏବଂ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।

   Related Posts