Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

କେନ୍ଦ୍ରର ‘ଭାରତ ଛାଡ’ ନୋଟିସ୍ ଉପରେ ରହିତାଦେଶ ଲଗାଇଲେ କଲିକତା ହାଇକୋର୍ଟ, ସିଏଏ ବିରୋଧୀ ରାଲିରେ ସାମିଲ ଥିଲେ ବିଦେଶୀ ଛାତ୍ର

5/03/2020 at 7:15 PM

କୋଲକାତା ୦୫।୦୩- ଦେଶର ଅନେକ ଭାଗରେ ସିଏଏ ବିରୋଧରେ ହଙ୍ଗାମା ଜାରି ରହିଛି। ଏହି କ୍ରମରେ କଲିକାତା ଉଚ୍ଚ ନ୍ୟାୟାଳୟ ଗୁରୁବାର କେନ୍ଦ୍ର ସରକାରଙ୍କ ଦ୍ଵାରା ଜାରି ଏକ ନୋଟିସ୍ ଉପରେ ରହିତାଦେଶ ଜାରି କରିଛନ୍ତି। ଯେଉଁଥିରେ  ପୋଲିସ ସିଏଏ ବିରୋଧୀ ପ୍ରଦର୍ଶନରେ ସାମିଲ ଜଣେ ବିଦେଶୀ ଛାତ୍ରଙ୍କୁ ଦେଶରୁ ବାହାରି ଯିବାକୁ କହିଥିଲା।

ଜଷ୍ଟିସ ସବ୍ୟସାଚୀ ଭଟ୍ଟାଚାର୍ଯ୍ୟ କେନ୍ଦ୍ରର ଏହି ନୋଟିସ୍ ଉପରେ ରୋକ୍ ଲଗାଇଛନ୍ତି। ମାର୍ଚ୍ଚ ୧୮ ପର୍ଯ୍ୟନ୍ତ କାମିଲ ସାଇଡସିଜିନ୍ସକଙ୍କୁ ଦେଶରୁ ନିର୍ବାସିତ ହେବାକୁ କୁହାଯାଇଥିଲା। ଏହା ବିରୋଧରେ ଛାତ୍ର ଜଣଙ୍କ କୋର୍ଟରେ ପିଟିସନ ଦାୟର କରିଥିଲେ। ଛାତ୍ର ଜଣକ ଯାଦବପୁର ବିଶ୍ଵ ବିଦ୍ୟାଳୟରେ Department of Comparative Literature ବିଭାଗର ଶେଷ ବର୍ଷର ଛାତ୍ର। ତାଙ୍କୁ ଫେବୃଆରୀ ୧୪ରେ କୋଲକାତାରେ ବିଦେଶୀଙ୍କ ଆଞ୍ଚଳିକ ପଞ୍ଜୀକରଣ କାର୍ଯ୍ୟାଳୟ(EPFO)ପକ୍ଷରୁ ଭାରତ ଛାଡିବାକୁ ନୋଟିସ୍ ଦିଆଯାଇଥିଲା। EPFO ସ୍ଵରାଷ୍ଟ୍ର ମନ୍ତ୍ରଣାଳୟ ଅଧିନରେ ଆସିଥାଏ।

ନିଜ ବିରୋଧରେ ଲାଗିଥିବା ଆରୋପ ଉପରେ ସାଇଡସିଜିନ୍ସକଙ୍କୁ ନିଜର ପ୍ରତିକ୍ରିୟାରେ କହିଛନ୍ତି ଯେ, ଗତ ବର୍ଷ ଡିସେମ୍ବର ୧୯ରେ ଦିଲ୍ଲୀର ରାମଲୀଲା ମଇଦାନରେ ଆୟୋଜିତ ରାଲିରେ ଯୋଗ ଦେବାରେ ତାଙ୍କର କୌଣସି ଉଦ୍ଦେଶ୍ୟ ନଥିଲା।

ମୁଁ ଏଠାକୁ ବହୁତ ଉତ୍ସୁକତାରେ ପ୍ରେରିତ ହୋଇ ଆସିଥିଲି, କାରଣ ମୋର ବିଭାଗର ଛାତ୍ର ଓ ଶିକ୍ଷକ ବିଭିନନ ପ୍ରକାରର ସାଂସ୍କୃତିକ, କଳାତ୍ମକ, ସାମାଜିକ ଓ ରାଜନୈତିକ ଗତିବିଧିରେ ସାମିଲ ରହିଥିଲେ। ଯେତେବେଳେ ଯାଦବପୁର ବିଶ୍ଵ ବିଦ୍ୟାଳୟର ଛାତ୍ରଙ୍କ ଏକ ଗୋଷ୍ଠୀ ଗୀତ ଗାଇବା ଆରମ୍ଭ କଲେ ତେବେ କିଛି ମିନିଟ୍ ପାଇଁ ମୁଁ ସେମାନଙ୍କର ନିକଟକୁ ଚାଲି ଯାଇଥିଲି। ସେହି ସମୟରେ ସେମାନେ ମୋତେ ନାରା ଲଗାଇବା ଏବଂ ପୋଷ୍ଟର ଧରିବାକୁ କହିଥିଲେ। ମୁଁ ମନା କରି ଦେଇଥିଲି ଏବଂ ସେଠାରୁ ଚାଲି ଆସିଥିଲି। ଏହା ପରେ ମୁଁ ନିଜ କାମରେ ବ୍ୟସ୍ତି ରହିଲି।

   Related Posts