ମାଲକାନଗିରି ୪।୩: ମାଲକାନଗିରି ସୀମାନ୍ତ ଛତିଶଗଡ଼ ଦାନ୍ତେୱାଡ଼ା ପାହୁରନାର ଅଞ୍ଚଳରେ ଆଇଇଡି ବିସ୍ଫୋରଣ । ୨୨ ବାଟାଲିୟନର ଜଣେ ସିଏଏଫ ଯବାନ ସହିଦ ହୋଇଛନ୍ତି । ଯବାନ ଜଣଙ୍କ ନିର୍ମାଣଧୀନ ପୋଲର ତଦାରଖ ଦାୟିତ୍ଵରେ ନିୟୋଜିତ ହୋଇଥିଲେ । ସହିଦ ଯବାନ ହେଉଛନ୍ତି ଲକ୍ଷ୍ମୀକାନ୍ତ ଦୁଇବେଦି ।
ସୂଚନାଯୋଗ୍ୟ ଯେ, ଯବାନ ଜଣଙ୍କ ବାରସୁର ଥାନା ଅନ୍ତର୍ଗତ ପାହୁରନାର ଇନ୍ଦ୍ରାବତୀ ନଦୀର ପୋଲ ନିର୍ମାଣ କାର୍ଯ୍ୟର ସୁରକ୍ଷା ଦେଉଥିଲେ । ଗୁରୁବାର ଦ୍ବିପ୍ରହରରେ ଖାଇବା ପାଇଁ ନିକଟରେ ଥିବା ଏକ ଗଛ ମୂଳେ ବସିବା ବେଳେ ପୂର୍ବରୁ ଖଞ୍ଜା ଯାଇଥିବା ଆଇଇଡି ବିସ୍ଫୋରଣ ହୋଇଥିଲା । ଘଟଣାସ୍ଥଳରେ ଯବାନଙ୍କ ମୃତ୍ୟୁ ହୋଇଥିବା ଦାନ୍ତେୱାଡ଼ା ଏସପି ଅଭିଷେକ ପଲ୍ଲବ ସୂଚନା ଦେଇଛନ୍ତି । ତାଙ୍କ କହିବା ଅନୁଯାୟୀ ପଖଳୀଙ୍ଗାରରୁ ଇନ୍ଦ୍ରାବତୀର ଅନ୍ୟ କିଛି ଗ୍ରାମକୁ ଯୋଡିବା ପାଇଁ ପୋଲର ନିର୍ମାଣ ଜାରି ରହିଥିଲା ସେଠାରେ ଏହି ଯବାନ ଜଣଙ୍କ ନିୟୋଜିତ ଥିଲେ। ମୃତ ଯବାନଙ୍କ ଘର ମଧ୍ୟ ପ୍ରଦେଶର ରିବା ଅଞ୍ଚଳର।
