Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଉତ୍ତର ପ୍ରଦେଶର କ୍ୟାବିନେଟ୍ ମନ୍ତ୍ରୀ ସିଦ୍ଧାର୍ଥ ନାଥ ସିଂହ କରୋନାରେ ସଂକ୍ରମିତ

27/08/2020 at 3:23 PM

ଲକ୍ଷ୍ନୌ ୨୭/୮: ଉତ୍ତରପ୍ରଦେଶରେ କରୋନା ସଂକ୍ରମଣ ଏତେ ମାତ୍ରାରେ ବ୍ୟାପି ଯାଇଛି ଯେ ନେତା-ରାଜନେତା ମଧ୍ୟ ଏଥିରେ ବାଦ ପଡ଼ି ନାହାନ୍ତି। ପ୍ରତି ଦିନ କୌଣସି ନା କୌଣସି ରାଜନେତା ଏଥିରେ ଆକ୍ରାନ୍ତ ହେଉଛନ୍ତି। ଗୁରୁବାର ଉତ୍ତର ପ୍ରଦେଶ ସରକାରଙ୍କ କ୍ୟାବିନେଟ୍ ମନ୍ତ୍ରୀ ସିଦ୍ଧାର୍ଥ ନାଥ ସିଂହ ମଧ୍ୟ କରୋନା ଭାଇରସରେ ସଂକ୍ରମିତ ହୋଇଛନ୍ତି।

ସେ ନିଜେ ଟ୍ବିଟ୍ କରି ଏହାର ସୂଚନା ଦେଇଛନ୍ତି। ସିଦ୍ଧାର୍ଥ ନାଥ ସିଂହ ଲେଖିଛନ୍ତି ଯେ କରୋନାର ପ୍ରାଥମିକ ଲକ୍ଷଣ ଦେଖାଯିବାରୁ ସେ ଟେଷ୍ଟ କରାଇଥିଲେ ଏବଂ ରିପୋର୍ଟ ପଜିଟିଭ ଆସିଛି। ତାଙ୍କ ସ୍ବାସ୍ଥ୍ୟ ଠିକ୍ ରହିଛି ଏବଂ ଡାକ୍ତରଙ୍କ ପରାମର୍ଶରେ ସେ ନିଜକୁ ହୋମ୍ ଆଇସୋଲେଟ୍ କରିଛନ୍ତି।

ତାଙ୍କର ଅନୁରୋଧ ଯେ ଯେଉଁମାନେ ଗତ କିଛି ଦିନ ଧରି ତାଙ୍କ ସଂସ୍ପର୍ଶରେ ଆସିଛନ୍ତି ସେମାନେ ଦୟା କରି ନିଜ ଯାଞ୍ଚ କରାନ୍ତୁ।

   Related Posts