Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଗସ୍ତି ନୂଆଗାଁ ଓ ଚମାଖଣ୍ଡି ପଞ୍ଚାୟତର ସରପଞ୍ଚ ଏବଂ ସମିତି ସଭ୍ୟ ପ୍ରାର୍ଥୀ ନିର୍ଦ୍ବନ୍ଦରେ ନିର୍ବାଚିତ
  • ||
  • ରାଜ୍ୟରେ ବୁଧବାର ସୁସ୍ଥହେଲେ ଆଉ ୧୦ହଜାର ୭୮ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୭୩ ଜଣ ଡିସଚାର୍ଜ
  • ||
  • ପାଟ୍ରୋଲିଂ ଗାଡିକୁ ଚକ୍‌ମା ଦେଇ ଖସିଯିବା ବେଳେ ଗୋଡାଇ ଗୋଡାଇ କାବୁ କଲା ପୋଲିସ: ଅଟୋରୁ ବିପୁଳ ଗଞ୍ଜେଇ ଜବତ, ୫ ଗିରଫ
  • ||
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||

ବରୁଣେଇରେ ପାଇକ ସ୍ମାରକୀ : ପୁରୁଣା ଥିଓରୀରେ ଜମି କଥା ଉଠେଇ ରାଜ୍ୟ କୋର୍ଟରେ ବଲ୍ ଫିଙ୍ଗି ଦେଇଥିଲେ କେନ୍ଦ୍ରମନ୍ତ୍ରୀ ମହେଶ ଶର୍ମା

10/12/2018 at 6:51 PM

ଭୁବନେଶ୍ବର୧୦|୧୨:  ଖୋର୍ଦ୍ଧା ପାଇକ ବିଦ୍ରୋହର ସ୍ମୃତିରେ ବରୁଣେଇରେ ତିଆରି ହେବ ପାଇକ ସ୍ମାରକୀ । ହେଲେ ଘୋଷଣା ପରେ ବି ଆଗଉନି କାମ । ଆଜି କେନ୍ଦ୍ର ସଂସ୍କୃତି ମନ୍ତ୍ରୀ ମହେଶ ଶର୍ମାଙ୍କ ଓଡ଼ିଶା ଗସ୍ତ ବେଳେ ପୁଣି ଥିଲେ ଏହି ପ୍ରସଙ୍ଗ । ଆଉ ସବୁ ଥର ଭଳି ରାଜ୍ୟ-କେନ୍ଦ୍ର ତୁତୁ ମେଁମେଁରେ ବାହାରି ପାରିଲାନି ନିଷ୍କର୍ଷ । 

ବରୁଣେଇ ପାହାଡ଼ କେବେ କହିବ ପାଇକ ବୀରଙ୍କ କାହାଣୀ ? କେବେ ତିଆରି ହେବ ପାଇକ ବିଦ୍ରୋହର ସ୍ମାରକୀ ? ଖୋର୍ଦ୍ଧା ପାଇକ ବିଦ୍ରୋହର ୨୦୦ ବର୍ଷ ପୂର୍ତ୍ତି ଅବସରରେ ପ୍ରସ୍ତାବିତ ପାଇକ ସ୍ମାରକୀ ଲାଗି ଛିଡ଼ୁନି ଭାଗ-ମାପ  । ମିଶୁନି କେନ୍ଦ୍ର-ରାଜ୍ୟର ମନ। କେନ୍ଦ୍ର ସଂସ୍କୃତି ମନ୍ତ୍ରୀ ମହେଶ ଶର୍ମାଙ୍କ ଅଧ୍ୟକ୍ଷତାରେ ବସିଥିବା କୋଣାର୍କ ସୁରକ୍ଷା ବୈଠକରେ ଉଠିଥିଲା ପାଇକ ସ୍ମାରକୀର କଥା । ପୁରୁଣା ଥିଓରୀରେ ଜମି କଥା ଉଠେଇ ରାଜ୍ୟ କୋର୍ଟରେ ବଲ୍ ଫିଙ୍ଗି ଦେଇଥିଲେ କେନ୍ଦ୍ର ମନ୍ତ୍ରୀ । ସେପଟେ କେନ୍ଦ୍ର ମନ୍ତ୍ରୀଙ୍କୁ କାଉଣ୍ଟରରେ, ଜମି କଥା ନ କହି ପାଇକ ସ୍ମୃତି ରକ୍ଷା ଲାଗି ରାଜ୍ୟ ସରକାରଙ୍କ ଆକ୍ଟିଭିଟିକୁ ଗୋଟି ଗୋଟି ଥୋଇଥିଲେ ରାଜ୍ୟ ସଂସ୍କୃତି ମନ୍ତ୍ରୀ । 

୧୬ଟି ସାମାଜିକ ସଂଗଠନ ପାଇକ ସ୍ମାରକୀ ପ୍ରତିଷ୍ଠା କାର୍ଯ୍ୟକୁ ତ୍ବରାନ୍ବିତ କରିବା ଦାବିରେ କେନ୍ଦ୍ର ମନ୍ତ୍ରୀଙ୍କୁ ଭେଟିଥିଲେ । ପ୍ରକଳ୍ପ ପ୍ରତିଷ୍ଠା ଦିଗରେ ଅସୁବିଧା ଗୁଡ଼ିକୁ ରାଜ୍ୟ-କେନ୍ଦ୍ର ମିଶି ସମାଧାନ କରିବାକୁ ଦାବି କରିଥିଲେ । ଏତେ ସବୁ ପରେ ବି ପାଇକଙ୍କ ଲାଗି ଏକାଠି ଆଗେଇବା ଦୂରର କଥା, ବୈଠକ ବାହାରେ ବିଜେପି-ବିଜେଡି ତୁତୁ ମେଁମେଁ ଥମି ନ ଥିଲା । ଲାଗୁଥିଲା ଯେମିତି ପାଇକ ସ୍ମାରକୀ ପ୍ରତିଷ୍ଠାରୁ ମିଳିବାକୁ ଥିବା ମାଇଲେଜରୁ କେନ୍ଦ୍ର ଓ ରାଜ୍ୟ କେହି ବି କାଣିଚାଏ କମ୍ପ୍ରମାଇଜ କରିବା ଲାଗି ପ୍ରସ୍ତୁତ ନାହାନ୍ତି । ତେଣିକି ପ୍ରକଳ୍ପ କାମ ଯେତେ ବିଳମ୍ବିତ ହେଉଛି ହେଉ । 

ଇଂରେଜ ସରକାର ବିରୋଧରେ ଦେଶର ପ୍ରଥମ ସ୍ବାଧୀନତା ସଂଗ୍ରାମ ହେଉଛି ଖୋର୍ଦ୍ଧାର ପାଇକ ବିଦ୍ରୋହ । ବିଳମ୍ବରେ ହେଲେ ବି ସାରା ଦେଶ ଏବେ ଏହାକୁ ସ୍ବୀକାର କରୁଛି । କିନ୍ତୁ ସେହି ପାଇକଙ୍କ ସ୍ମାରକୀ ପ୍ରତିଷ୍ଠାରେ ଆନ୍ତରିକତା ଠାରୁ ରାଜନୀତି ବେଶୀ ହେବା ଭଳି ଲାଗୁଛି ।

   Related Posts