Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଆମେରିକା ରାଷ୍ଟ୍ରପତି ପ୍ରାର୍ଥୀଙ୍କ ପଲିସି ପେପରରେ ଭାରତର CAA, NRC ଓ କାଶ୍ମୀର ପ୍ରସଙ୍ଗ, ଅସନ୍ତୋଷ ବ୍ୟକ୍ତ କଲେ ହିନ୍ଦୁ

26/06/2020 at 4:20 PM

ୱାସିଂଟନ:  ଆସନ୍ତା ନଭେମ୍ବର ମାସରେ ଆମେରିକା ରାଷ୍ଟ୍ରପତି ନିର୍ବାଚନ। ରିପବ୍ଲିକାନ ପାର୍ଟି ପକ୍ଷରୁ ଡୋନାଲ୍ଡ ଟ୍ରମ୍ଫ ପୁଣି ଥରେ ପ୍ରାର୍ଥୀ ହେଉଥିବା ବେଳେ ଡୋମୋକ୍ରାଟିକ ପାର୍ଟିରୁ ପୂର୍ବତ ଉପରାଷ୍ଟ୍ରପତି ଜୋ ବାଇଡେନ୍‌ ପ୍ରାର୍ଥୀ ହେବେ। ଏଥିପାଇଁ ନିର୍ବାଚନ ପ୍ରଚାର ଏବେ ଜୋର ଧରିଥିବା ବେଳେ ବାଇଡେନ୍‌ଙ୍କ ପଲିସି ପେପର ଏବେ ଚର୍ଚ୍ଚାର ବିଷୟ ପାଲଟିଛି। ଏଥିରେ ସେ ଇସ୍ଲାମକୁ ପ୍ରସଙ୍ଗ କରିଥିବା ବେଳେ ଆମେରିକୀୟ ଇସ୍ଲାମଙ୍କ ଚିନ୍ତାକୁ ପ୍ରାଥମିକତା ଦେଇଥିବା ଦେଖାଯାଇଛି। ଯାହାକୁ ନେଇ ଆମେରିକୀୟ ହିନ୍ଦୁ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି।

ବାଇଡେନଙ୍କ ପଲିସି ପେପର କ୍ୟାମ୍ପେନ୍‌ ୱେବ୍‌ ସାଇଟ୍‌ରେ ଜାରି କରାଯାଇଛି। ଏଥିରେ ଆମେରିକୀୟ ମୁସଲମାନଙ୍କ ଚିନ୍ତାକୁ ଗୁରୁତ୍ୱ ଦିଆଯାଇଥିବା ବେଳେ ଭାରତର ଧର୍ମ ନିରପେକ୍ଷତା ଏକ ପୁରୁଣା ପରମ୍ପରା ହୋଇଥିଲେ ବି ନିକଟ ଅତୀତରେ ଭାରତ ସରକାରଙ୍କ କେତେକ ନିଷ୍ପତ୍ତି ଏହାର ବିରୁଧାଚରଣ କରୁଥିବା ଉଲ୍ଲେଖ ରହିଛି। ଏଥିରେ ବାଇଡେନ ଭାରତରର ସିଟିଜେନସ ଆମେଣ୍ଡମେଣ୍ଟ ଆକ୍ଟ (ସିଏଏ) , ନ୍ୟାସନାଲ ରେଜିଷ୍ଟ୍ରାର ଅଫ ସିଟିଜେନ (ଏନଆରସି) ଓ କାଶ୍ମୀର ପ୍ରସଙ୍ଗକୁ ନେଇ ନିରାଶା ବ୍ୟକ୍ତ କରିଛନ୍ତି।

ବାଇଡେନଙ୍କ ଏହି ପଲିସି ପେପର ‘ଏଜେଣ୍ଡା ଫର ମୁସ୍ଲିମ-ଆମେରିକାନ କମ୍ୟୁନିଟିଜ୍’ ନାମରେ ପ୍ରକାଶିତ ହୋଇଛି। ଏଥିରେ ଭାରତର କାଶ୍ମୀର ସମେତ ଚୀନ ୱିଗର ଓ ମ୍ୟାଁମାର ରୋହିଙ୍ଗ୍ୟା ମୁସଲମାନଙ୍କୁ ନେଇ ମଧ୍ୟ ଚିନ୍ତା ବ୍ୟକ୍ତ କରାଯାଇଛି। ଯଦି ବାଇଡେନ ରାଷ୍ଟ୍ରପତି ନିର୍ବାଚିତ ହୁଅନ୍ତି ଏହି ସବୁ ପ୍ରସଙ୍ଗରେ ନିଶ୍ଚିତ ରୂପେ ପଦକ୍ଷେପ ନେବେ ବୋଲି ଉଲ୍ଲେଖ ରହିଛି। ତେବେ ବାଇଡେନଙ୍କ  ପଲିସି ପେପରକୁ ନେଇ ଆମେରିକାନ ହିନ୍ଦୁମାନେ ଆପତ୍ତି କରିଥିବାର ଜଣାପଡିଛି।

ହିନ୍ଦୁ ସମୂହ ପଲିପେପରର ଭାଷାକୁ ନେଇ ଆପତ୍ତି କରିଥିବା ବେଳେ ଏହା ଭାରତ ବିରୋଧୀ ଓ ନେଇ ବାଇଡେନ ପୁନର୍ବିଚାର କରନ୍ତୁ ବୋଲି କହିଛନ୍ତି। ଆମେରିକୀୟ ହିନ୍ଦୁଙ୍କୁ ନେଇ ଏପରି ମଧ୍ୟ ଏକ ପଲିସି ପେପର ଜାରି କରାଯାଉ ବୋଲି ମଧ୍ୟ କ୍ୟାମ୍ପେନକୁ ଦାବି କରିଛନ୍ତି। ତେବେ ପ୍ରସଙ୍ଗରେ ବାଇଡେନ କୌଣସି ପ୍ରତିକ୍ରିୟା ପ୍ରକାଶ କରିନାହାନ୍ତି। ଦୀର୍ଘ ଦଶନ୍ଧୀ ଧରି ବାଇଡେନ ସିନେଟର ରହିଆସିଥିବା ବେଳେ ଓବାମାଙ୍କ ସରକାରରେ ଉପରାଷ୍ଟ୍ରପତି ମଧ୍ୟ ଥିଲେ। ଭାରତ ତାଙ୍କୁ ବନ୍ଧୁ ବିବେଚନା କରେ ବୋଲି ହିନ୍ଦୁ ସମୂଦାୟ କହିଛନ୍ତି।

   Related Posts