Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୁର୍କୀରେ ବଡ ଧରଣର ଭୂକମ୍ପ ପରେ ସୁନାମି: ପ୍ରକୃତି ରଚିଲା ତାଣ୍ଡବଲୀଳା, ୬ ମୃତ, ୨୦୦ରୁ ଉର୍ଦ୍ଧ୍ଵ ଆହତ
  • ||
  • ବିଜେପିକୁ ତିର୍ତ୍ତୋଲବାସୀ ନିଶ୍ଚୟ ଜିତାଇବେ ଏବଂ ପ୍ରଧାନମନ୍ତ୍ରୀଙ୍କ ହାତମୁଠାକୁ ଟାଣ କରିବେ- ଧର୍ମେନ୍ଦ୍ର
  • ||
  • PL 2020: ଗର୍ଜିଲା କ୍ରିସ୍ ଗେଲଙ୍କ ବ୍ୟାଟ୍, ରାଜସ୍ଥାନ ସମ୍ମୁଖରେ ୧୮୬ ରନର ବିଜୟ ଲକ୍ଷ୍ୟ ରଖିଲା କିଙ୍ଗ୍ସ ଏକାଦଶ ପଞ୍ଜାବ
  • ||
  • ଅଟୋକୁ ଧକ୍କା ଦେଲା କାର୍, ଜଣେ ମୃତ, ୪ ଗୁରୁତର
  • ||
  • ବାଇକ୍ ସହ ଧକ୍କା ହୋଇ ରାସ୍ତା କଡକୁ ଖସିଲା ବସ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ସେନେଗଲ୍‌ ଉପକୂଳ ସମୁଦ୍ରରେ ବୁଡ଼ିଗଲା ଶରଣାର୍ଥୀଙ୍କ ଡଙ୍ଗା: ୧୪୦ ଜଣଙ୍କ ମୃତ୍ୟୁ, ବଞ୍ଚିଗଲେ ୬୦
  • ||
  • ରାଜଧାନୀରୁ ଆଉ ୮୭ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ୨୩୭
  • ||
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||

ବଢିଲାଣି ଉପନିର୍ବାଚନ ତାତି : ଭର୍ଚୁଆଲ ରାଲିରେ ପ୍ରଚାର କରିବେ ମୁଖ୍ୟମନ୍ତ୍ରୀ, ସେପଟେ ଗ୍ରାଉଣ୍ଡକୁ ଯିବେ ବିଭିନ୍ନ ଦଳର ଷ୍ଟାର କ୍ୟାମ୍ପେନର

17/10/2020 at 8:16 PM

ବାଲେଶ୍ୱର, ୧୭ ।୧୦:  ଉପନିର୍ବାଚନ ପ୍ରଚାର ମଇଦାନକୁ ଓହ୍ଲାଇବେନି ନବୀନ । ଭର୍ଚୁଆଲ୍‌ ରାଲି ମାଧ୍ୟମରେ ବାଲେଶ୍ବର ସଦର ଓ ତିର୍ତ୍ତୋଲ ବିଧାନସଭା ନିର୍ବାଚନ ମଣ୍ଡଳୀରେ ଦଳୀୟ ପ୍ରାର୍ଥୀଙ୍କ ସପକ୍ଷରେ ପ୍ରଚାର କରିବେ ବିଜେଡି ସଭାପତି । ସେପଟେ ଗ୍ରାଉଣ୍ଡରେ ତିନି ଦଳର ପ୍ରାର୍ଥୀଙ୍କ ସପକ୍ଷରେ ଦଳୀୟ ନେତାମାନେ ପ୍ରଚାରକୁ ଜୋର୍‌ଦାର୍‌ କରିଛନ୍ତି । କେମିତି ରହିଛି ଦୁଇ ନିର୍ବାଚନ ମଣ୍ଡଳୀରେ ଉପନିର୍ବାଚନ ପାଇଁ କସରତର ମାହୋଲ ଚାଲନ୍ତୁ ତା’ ଉପରେ ଟିକେ ନଜର ପକାଇବା ।

ମଇଦାନରେ ମାତିଲେଣି ନେତା । ଜୋରଦାର ହେଲାଣି ପ୍ରଚାର । ଗ୍ରାଉଣ୍ଡକୁ ଯିବେ ବିଭିନ୍ନ ଦଳର ଷ୍ଟାର୍‌ କ୍ୟାମ୍ପେନର । ହେଲେ ଉପନିର୍ବାଚନ ପ୍ରଚାର ମଇଦାନକୁ ଓହ୍ଲାଇବେନି ନବୀନ । ଭର୍ଚୁଆଲ୍‌ ରାଲି ମାଧ୍ୟମରେ ବାଲେଶ୍ବର ସଦର ଓ ତିର୍ତ୍ତୋଲ ବିଧାନସଭା ନିର୍ବାଚନ ମଣ୍ଡଳୀରେ ଦଳୀୟ ପ୍ରାର୍ଥୀଙ୍କ ସପକ୍ଷରେ ବିଜେଡି ସଭାପତି ପ୍ରଚାର କରିବେ ବୋଲି ଜଣାପଡ଼ିଛି  । କୋଭିଡ୍‌ କଟକଣାକୁ ନେଇ ଏଥର ଉପନିର୍ବାଚନରେ ସବୁ ଦଳ ପକ୍ଷରୁ ଡିଜିଟାଲ୍‌ ପ୍ରଚାର ଉପରେ ଅଧିକ ଗୁରୁତ୍ବ ଦିଆଯାଉଥିବା ବେଳେ ଭୋଟରଙ୍କ ପାଖରେ ନିଜ ନିଜର ଆଭିମୁଖ୍ୟ ପହଞ୍ଚାଇବାକୁ ସୋସିଆଲ୍‌ ମିଡିଆକୁ ମାଧ୍ୟମ କରିଛନ୍ତି ନେତା ।

ସେପଟେ ଗ୍ରାଉଣ୍ଡରେ ଦଳୀୟ ପ୍ରାର୍ଥୀଙ୍କ ପ୍ରଚାରରେ ମାତିଲେଣି ନେତା । ବାଲେଶ୍ବର ଉପନିର୍ବାଚନ ମଇଦାନରେ ଅଛନ୍ତି ୮ ପ୍ରାର୍ଥୀ । ଆଜି ପ୍ରାର୍ଥୀପତ୍ର ଯାଂଚ ବେଳେ କଂଗ୍ରେସ ଓ ବିଜେପି ପ୍ରାର୍ଥୀଙ୍କ ବିରୋଧରେ ସାଂଘାତିକ ଅଭିଯୋଗ ଆଣିଛନ୍ତି ବିଜେଡି ପ୍ରାର୍ଥୀ ସ୍ବରୂପ ଦାସ । ସତ୍ୟପାଠ କରିଥିବା ନୋଟାରୀଙ୍କ ଲାଇସେନ୍ସ ଅବଧି ସରିଯାଇଥିବା ଅଭିଯୋଗ କରିଥିଲେ । ଯାହାକୁ ନେଇ ପ୍ରତିକ୍ରିୟାଶୀଳ ହୋଇପଡ଼ିଥିଲେ ଉଭୟ ବିଜେପି ଓ କଂଗ୍ରେସ ।

ସେପଟେ ତିର୍ତ୍ତୋଲରେ ବଢ଼ୁଛି ନିର୍ବାଚନୀ ତାତି । ନିର୍ବାଚନ ମଣ୍ଡଳୀର ୨ଲକ୍ଷ ୩୯ହଜାର ଭୋଟରଙ୍କ ଭିତରୁ ୨୬ହଜାର ସଂଖ୍ୟାଲଘୁ ଭୋଟର ଅଛନ୍ତି । ଯାହାକୁ ନଜରରେ ରଖି ରାଜ୍ୟସଭା ସାଂସଦ ମୁନ୍ନା ଖାଁକୁ ପ୍ରଚାର ପାଇଁ ମଇଦାନରେ ଉତ୍ତାରିଛି ବିଜେଡି । ହେଲେ କଂଗ୍ରେସ ଓ ବିଜେପି ମଧ୍ୟ ବିଜେଡିର ରଣନୀତିକୁ ଟକ୍କର ଦେବାକୁ ପ୍ଲାନ୍‌ କରିଛନ୍ତି । ନିର୍ବାଚନରେ ସଂଖ୍ୟାଲଘୁଙ୍କ ଭୋଟ୍‌ ନିର୍ଣ୍ଣାୟକ ଭୂମିକା ଗ୍ରହଣ କରୁଥିବାରୁ ଏବେ ସବୁ ଦଳଙ୍କ ନଜର ତା’ ଉପରେ ରହିଛି ।

ପନିର୍ବାଚନ ପାଇଁ ଆରମ୍ଭ ହୋଇଛି ତିନି ଦଳର ମହାଲଢ଼େଇ । ଦଳୀୟ ପ୍ରାର୍ଥୀଙ୍କୁ ଜିତାଇବା ପାଇଁ ଭୋଟରଙ୍କ ସମର୍ଥନ ପାଇବାକୁ ପୂରା ଦମ୍‌ ଲଗାଇଛନ୍ତି ଦଳର ତୁଙ୍ଗ ନେତା । ନୂଆ ନୂଆ ରଣନୀତି ପ୍ରସ୍ତତ୍‌ କରି ବିରୋଧୀଙ୍କୁ ମାତ୍‌ ଦେବାକୁ ଚାଲିଛି ଯୋଜନା ।

   Related Posts