Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କନ୍ଦାଉଛି ପିଆଜ

21/09/2019 at 4:31 PM

ନୂଆଦିଲ୍ଲୀ – ଆଗୁର ପିଆଜ କାଟିଲେ ଲୋକଙ୍କ ଆଖିରେ ପାଣି ଆସୁଥିଲା । ଏବେ ପିଆଜ କିଣିବା ବେଳକୁ ଗରିବା ଗୁରୁବାଙ୍କ ଆଖିରୁ ପାଣି ଆସିଯାଉଛି । ପଖାଳ କଂସାଏରେ ଲୁଣ ପିଆଜ କଥା ଭାବିଲେ ବି କଷ୍ଟ ଲାଗୁଛି । ପିଆଜ କିଲୋ ୫୦ ଅତିକ୍ରମ କରିଲାଣି । କେତକ ସ୍ଥାନରେ ୭୦ ଟଙ୍କାରେ ପିଆଜ ବିକ୍ରି ହେଉଛି। ୨୦୧୫ ମସିହା ପରେ ଏହା ପିଆଜର ସର୍ବାଧିକ ଦର ।

ଏସିଆର ସବୁଠାରୁ ପିଆଜ ମଣ୍ଡି ହେଉଛି ମହାରାଷ୍ଟ୍ରପ ଲାସଲଗାଁ । ଏଠାରେ ବି ପିଆଜ ୫୦ ଟଙ୍କାରେ ହିକ୍ରି ହେଉଛି । ଏବେ ଦେଶରେ ପିଆଜ କମ୍‌ ମହଜୁଦ ଥିବା କଥା ଏହି ବ୍ୟବସାୟୀମାନେ ପ୍ରକାଶ କରିଛନ୍ତି । ଆବଶ୍ୟକ ତୁଳାନାରେ କମ୍‌ ପିଆଜ ମିଳୁଥିବାରୁ ଏପରି ଅବସ୍ଥା ବୋଲି ପିଆଜ ଗୋଦାମର ମାଲିମାନେ ପ୍ରକାଶ କରିଛନ୍ତି ।

ଓଡିଶାରେ ବି ପିଆଜ କିଲୋ ୫୦ ଟଙ୍କା ହେଲାଣି । ରାଜଧାନୀ ଭୁବନେଶ୍ୱରର ବିଭିିନ୍ନ ଖୁଚୁରା ବଜାରରେ ଏବେ ପିଆଜ ୫୦ ଟଙ୍କାରୁ ଅଧିକ ଦରରେ ବିକ୍ରି ହେଉଛି ।

୨୦୧୫ ମସିହାରେ ପିଆଜ କିଲୋପ୍ରତି ୫୦ ଟଙ୍କା ଅତିକ୍ରମ କରିଥିଲା । ପିଆଜର ଦର ନିୟନ୍ତ୍ରଣ ପାଇଁ ସରକାର ଗ୍ରହଣ କରିଥିବା ବିଭିନ୍ନ ପଦକ୍ଷେପ ଏବେ କାମ ଦେଉ ନାହିଁ । ପିଆଜ ଦର ଏବେ ଦୁଇ ଗୁଣାରୁ ଅଧିକ ହୋଇଯାଇଛି । ଦିଲ୍ଲୀରେ ପିଆଜ କିଲୋ ୫୦ରୁ ୭୦ ଟଙ୍କା ମଧ୍ୟରେ ବିକ୍ରି ହେଉଛି । ଦିଲ୍ଲୀରେ ପ୍ରତିଦିନ ୩ ହଜାର ଟନ୍‌ ପିଆଜ ଆବଶ୍ୟକ କରୁଥିବା ବେଳେ ମାତ୍ର ଏକ ହଜାର ଟନ୍‌ ପିଆଜ ଆସୁଛି ।
ସବୁଠାରୁ ବଡ କଥା ହେଉଛି ଗତ ବର୍ଷ ଅପେକ୍ଷା ଚଳିତ ପିଆଜ ଅଧିକ ଉତ୍ପାଦନ ହୋଇଛି । ମାତ୍ର ପିଆଜ ଦର ନିୟନ୍ତ୍ରଣ ହୋଇ ପାରୁ ନାହିଁ ।

   Related Posts