Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୩ ଦିନିଆ ରିମାଣ୍ଡରେ ଯିବେ ଅଭୟକାନ୍ତ ପାଠକ: ସ୍ବତନ୍ତ୍ର ଭିଜିଲାନ୍ସ କୋର୍ଟ ଦେଲେ ଅନୁମତି
  • ||
  • ଭୁବନେଶ୍ୱର : କମିଲା କରୋନା ପରୀକ୍ଷା ଦର, ଏଣିକି ୪ଶହ ଟଙ୍କାରେ ହେବ କୋଭିଡ୍ RT-PCR ଟେଷ୍ଟ
  • ||
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||
  • ଜି.ଉଦୟଗିରି : ଭାରସାମ୍ୟ ହରାଇ ବାଇକ୍ ଦୁର୍ଘଟଣା : ଜଣେ ମୃତ, ୨ ଗୁରୁତର
  • ||
  • କଣ୍ଟାବାଞ୍ଝି : ରେଳ ଷ୍ଟେସନରୁ ୭୪ ଜଣ ଦାଦନ ଶ୍ରମିକ ଉଦ୍ଧାର, ସର୍ଦାର ଫେରାର
  • ||
  • ଜଗତସିଂହପୁର : ଭିଜିଲାନ୍ସ ଜାଲରେ ବରିଷ୍ଠ କିରାଣୀ, ବାସଭବନ ସମେତ ଏକକାଳୀନ ୪ଟି ସ୍ଥାନରେ ଚଢାଉ
  • ||
  • କୌଶାମ୍ବି : ବରଯାତ୍ରୀ ଗାଡ଼ି ଉପରେ ଓଲଟି ପଡ଼ିଲା ବାଲି ଭର୍ତ୍ତି ଟ୍ରକ୍ ,୮ମୃତ
  • ||
  • ଆମେରିକାରେ କରୋନା ସ୍ଥିତି ଭୟଙ୍କର : ଗୋଟିଏ ସପ୍ତାହ ମଧ୍ୟରେ ୧୦ହଜାର ଲୋକଙ୍କ ଗଲା ଜୀବନ
  • ||
  • ଭୁବନେଶ୍ୱର : ରାଜ୍ୟରେ ଆଉ ୬ କରୋନା ସଂକ୍ରମିତ ପ୍ରାଣ ହରାଇଲେ, ୧୭୫୦ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୮୦ କରୋନା ସଂକ୍ରମିତ, ୩୧୯୫୮୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

କୁଆଡେ କଲେ ପ୍ରଦୀପ ? ନିଖୋଜର ୩ଦିନ ପରେ ବି ପୋଲିସ ହାତ ଖାଲି, ଝାଡ଼ଖଣ୍ଡରେ ସ୍ୱତନ୍ତ୍ର ଟିମ୍

11/11/2020 at 2:40 PM

କୁଆରମୁଣ୍ଡା ୧୧।୧୧: ସୁନ୍ଦରଗଡ ବୀରମିତ୍ରପୁର ଯୁବ ବ୍ୟବସାୟୀ ପ୍ରଦୀପ କୁଣ୍ଡୁଙ୍କ ଅପହରଣ ଅଭିଯୋଗ ଘଟଣା । ଇତିମଧ୍ୟରେ ଅପହରଣ ଘଟଣାକୁ ୩ ଦିନ ବିତିଗଲାଣି । ନିଖୋଜ ଶିଳ୍ପପତିଙ୍କୁ ଉଦ୍ଧାର ପାଇଁ ୬ଟି ପୋଲିସ ଟିମ୍‌ ନିୟୋଜିତ ହୋଇଛନ୍ତି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ କୌଣସି ଖୋଜଖବର ମିଳିନାହିଁ । ସେପଟେ ଅପହର୍ତ୍ତାଙ୍କ ପକ୍ଷରୁ କୌଣସି ଫୋନ୍‌ କଲ୍‌ ପରିବାର ଲୋକଙ୍କ ପାଖକୁ ଆସିନଥିବାରୁ , ସମ୍ପର୍କୀୟଙ୍କ ଚିନ୍ତା ଆହୁରି ବଢାଦେଇଛି । ମିଳିନାହିଁ।  ଏକ କୋଟି ଟଙ୍କା ପାଇଁ ତାଙ୍କୁ ଅପହରଣ କରାଯାଇଥିବା ସୂଚନା ରହିଛି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ କିଛି ସ୍ପଷ୍ଟ ହୋଇନାହିଁ ।

ଖବର ଅନୁଯାୟୀ, ଶନିବାର ସମୟ ପ୍ରାୟ ସଂଧ୍ୟା ୭ଟା ୩୦ । ବୀଜାବାହାଲରେ ଥିବା ମାଆ ତାରିଣୀ ଷ୍ଟୋନ କ୍ରସରରୁ କାର୍ ଯୋଗେ ବୀରମିତ୍ରପୁର ଘରକୁ ଫେରୁଥିଲେ ପ୍ରଦୀପ । ଜାତୀୟ ରାଜପଥ ନିକଟରୁ କିଛି ଦୂରରେ ତାଙ୍କ କାର୍, ମୋବାଇଲ୍ ମିଳିଛି । କାର ନିକଟରୁ ଏକ ଇଂଜେକସନ ସିରିଞ୍ଜ ମିଳିଥିବା ବେଳେ କାର ଭିତରୁ ଏକ ଚିଠି ମିଳିଥିଲା। ଚିଠିରେ ଲେଖାଯାଇଛି ଏକ କୋଟି ଟଙ୍କା ପାଇଁ ତାଙ୍କୁ ଅପହରଣ କରାଯାଇଛି।    ପ୍ରଦୀପଙ୍କୁ ଉଦ୍ଧାର ଲାଗି ପୋଲିସ ପକ୍ଷରୁ ୨ଟି ଟିମ୍ ଗଠନ କରାଯାଇଛି । ଗୋଟିଏ ଟିମ୍‌ ଝାଡ଼ଖଣ୍ଡ ଯାଇଥିବା ବେଳେ ଅନ୍ୟ ଟିମ୍‌ ସ୍ଥାନୀୟ ଅଞ୍ଚଳରେ ଛାନ୍‌ଭିନ୍‌ ଜାରି ରଖିଛନ୍ତି । କିନ୍ତୁ କୌଣସି ପତ୍ତା ମିଳିନଥିଲା । ତେବେ ମାମଲାକୁ ଗୁରୁତ୍ୱର ସହ ନେଇ ଏସ୍‌ପି ସାଗରିକା ନାଥଙ୍କ ନିର୍ଦ୍ଦେଶକ୍ରମେ ଆଉ ୪ଟି ଗଠନ କରାଯାଇଛି ।  

ଇତିମଧ୍ୟରେ ପ୍ରଦୀପ ନିଖୋଜ ହେବାର ୩ଦିନ ବତିଗଲାଣି ।  ଏପରିକି ଅପହର୍ତ୍ତାଙ୍କ ପକ୍ଷରୁ କୌଣସ କଲ୍‌ ପରିବାର ଲୋକଙ୍କ ପାଖକୁ ଆସିନାହିଁ । ଯାହାକି ପରିବାର ଲୋକଙ୍କ ମୁଣ୍ଡ ବ୍ୟଥାର କାରଣ ପାଲଟିଛି । ତେବେ ଝାଡ଼ଖଣ୍ଡ ଯାଇଥିବା ପୋଲିସ ଟିମ୍‌ ସେଠାରେ ମଧ୍ୟ କୌଣସି ସୁରାକ ପାଇନାହିଁ । ଅପରପକ୍ଷେ ୪ଟି ଜିଲ୍ଲା ବାହାରକୁ ଯାଇ ତଦନ୍ତ କରୁଛି । ତେବେ ଅପହର୍ତ୍ତାମାନେ ଶିଳ୍ପପତିଙ୍କୁ ଅପହରଣ କରିବା ପରେ କେଉଁ ସ୍ଥାନରେ ରଖିଛନ୍ତି ତାହାର ମଧ୍ୟ ସଠିକ ତଥ୍ୟ ପୁଲିସ୍‌ ପାଇ ପାରୁନାହିଁ। ଯାହାକି ପୁଲିସ୍‌ ପାଇଁ ଏକ ବଡ଼ ଚ୍ୟାଲେଞ୍ଜ ହୋଇଛି। ପୁଲିସ୍‌ ତାଙ୍କୁ ଉଦ୍ଧାର କରିବା ଲାଗି ଜୋରଦାର ଉଦ୍ୟମ ଜାରି ରଖିଛି।

ସୂଚନାଯୋଗ୍ୟ ଯେ, ପୂର୍ବରୁ ଅନେକ ଥର ପ୍ରଦୀପଙ୍କ ନିକଟକୁ ଅର୍ଥ ଦାବି ସହ ଫୋନରେ ଧମକଚମ ଦିଆଯାଉଥିଲା। ତେବେ ଏସବୁକୁ ସେ ଅଣଦେଖା କରି ଆସୁଥିଲେ। ପ୍ରଦୀପଙ୍କ କ୍ରସର ସହ ଟ୍ରାନପୋଟିଂ ବ୍ୟବସାୟୀ ଅଛି । ତାଙ୍କୁ ଅପହରଣ କରି ଦୁର୍ବୃତ୍ତମାନେ ଝାଡଖଣ୍ଡ ନେଇଯାଇଥିବା ସନ୍ଦେହ କରୁଛି ପୋଲିସ।

   Related Posts