Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ଭିଜିଲାନ୍ସ ଗାଡ଼ିକୁ ପଛପଟୁ ଧକ୍କା ଦେଲା ଯାତ୍ରୀବାହୀ ବସ, ରାସ୍ତା ଉପରେ ୩ ପଲ୍‌ଟି ମାରି ପଡ଼ିଲା ବୁଦାରେ, ୨ ଭିଜିଲାନ୍ସ କର୍ମଚାରୀ…

17/09/2021 at 9:14 PM

ଖଲ୍ଲିକୋଟ, ୧୭/୦୯: ଭିଜିଲାନ୍ସ ଗାଡ଼ିକୁ ପଛପଟୁ ଧକ୍କା ଦେଲା ଯାତ୍ରୀବାହୀ ବସ ।ଫଳରେ ଭିଜିଲାନ୍ସ ଗାଡ଼ି ଚଳାଉଥିବା ହାବିଲଦାର ସୁଶୀଲ କୁମାର ଖଟୁଆ ଓ ସେଥିରେ ବସିଥିବା ଭିଜିଲାନ୍ସର କଟକ ଅତିରିକ୍ତ ଏସ୍‌ପି ବେଣୁଧର ନାୟକ ଗୁରୁତର ଆହତ ହୋଇଛନ୍ତି ।

ମିଳିଥିବା ସୂଚନା ଅନୁଯାୟୀ ଆଜି ଅପରାହ୍ନରେ କଟକ ଭିଜିଲାନ୍ସ ଅତିରିକ୍ତ ଏସ୍‌ପି ବେଣୁଧର ନାୟକ ବିଭାଗୀୟ ଟାଟାସୁମୋ ଗାଡ଼ି ନମ୍ବର OD 05 T 2387 ଯୋଗେ ଅଫିସ କାର୍ଯ୍ୟ ସମ୍ପାଦନ କରି ବ୍ରହ୍ମପୁରରୁ କଟକ ଫେରୁଥିଲେ । ଏହି ସମୟରେ ଖଲ୍ଲିକୋଟ ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥର ଡିମିରିଆ ନିକଟରେ ବ୍ରହ୍ମପୁରରୁ ଭୁବନେଶ୍ୱର ଅଭିମୁଖେ ଯାଉଥିବା ଦିଲଦାର ନାମକ ଯାତ୍ରୀବାହୀ ବସ ନମ୍ବର OD 02 BJ 7857 ଟାଟା ସୁମୋକୁ ପଛପଟୁ ଧକ୍କା ଦେଇଥିଲା । ବସଟି ଏତେ ଜୋରରେ ଧକ୍କା ମାରିଥିଲା ଯେ, ଟାଟା ସୁମୋ ତିନି ଥର ପଲଟି ମାରି ରାସ୍ତା କଡରେ ଥିବା ଏକ ଲଟା ବୁଦା ଭିତରେ ପଡିଥିଲା । ସ୍ଥାନୀୟ ଲୋକଙ୍କ ସହାୟତାରେ ଅତିରିକ୍ତ ଏସ୍‌ପି ଶ୍ରୀ ନାୟକ ଓ ହାବିଲଦାର ଶ୍ରୀ ଖଟୁଆଙ୍କୁ ଗାଡ଼ି ଭିତରୁ ଗୁରୁତର ଆହତ ଅବସ୍ଥାରେ ବାହାର କରି ଚିକିତ୍ସା ପାଇଁ ଖଲ୍ଲିକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ ।

ଖବରପାଇ ଖଲ୍ଲିକୋଟ ଥାନା ପୋଲିସ ଦୁର୍ଘଟଣା ସ୍ଥଳରେ ପହଂଚି ତଦନ୍ତ କରୁଛି ।  ଘଟଣାସ୍ଥଳରୁ ଚମ୍ପଟ ମାରିଥିବା ଯାତ୍ରୀବାହୀ ବସ ସମେତ ଡ୍ରାଇଭର ଆଶୁତୋଷ ବିନ୍ଧାଣିଙ୍କୁ ଭେଜିପୁଟ ଫାଣ୍ଡିରେ ଅଟକ ରଖାଯାଇଛି । ସେପଟେ ଗୁରୁତର ଆହତ ଦୁଇ ଜଣଙ୍କୁ ପ୍ରାଥମିକ ଚିକିତ୍ସା ପରେ ବ୍ରହ୍ମପୁରରୁ ଭିଜିଲାନ୍ସ ବିଭାଗର ଆଉ ଗୋଟିଏ ଗାଡ଼ିରେ କଟକ ପଠାଯାଇଥିବା ସୂଚନା ମିଳିଛି ।

   Related Posts