Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

CAA ବିରୋଧ: ୟୁପିରେ ବସ୍ ପୋଡିଦେଲେ ବିକ୍ଷୋଭକାରୀ, ଲକ୍ଷ୍ନୌରେ ରେଳରୋକ, ଦିଲ୍ଲୀରେ ଅଟକିଲା ଉଡାଣ

19/12/2019 at 4:31 PM

ନୂଆଦିଲ୍ଲୀ ୧୯।୧୨: ଉତ୍ତର ଭାରତରେ  ନାଗରିକ (ସଂଶୋଧନ) ଆଇନ (ସିଏଏ) ବିରୋଧ ଗୁରୁବାର ମଧ୍ୟ ଜାରି ରହିଛି। ବିକ୍ଷୋଭ ବେଳେ ଦିଲ୍ଲୀରେ ଯୋଗେନ୍ଦ୍ର ଯାଦବ, ଉମର ଖାଲିଦ, ସନ୍ଦୀପ ଦିକ୍ଷୀତ, ସୀତାରାମ ୟେଚୁରୀଙ୍କ ସମେତ ଶତାଧିକ ରାଜନେତାଙ୍କୁ ଗିରଫ କରାଯାଇଛି।   ଉତ୍ତରପ୍ରଦେଶ ଲକ୍ଷ୍ନୌ ହଜରତ ଗଞ୍ଜ ଅଞ୍ଚଳରେ ବିକ୍ଷୋଭକାରୀଙ୍କ ସହ ପୋଲିର ସଂଘର୍ଷ ଘଟିଛି। ଫଳରେ ଉତ୍ତେଜିତ ଲୋକ ଏକ ଗଣମାଧ୍ୟମର ଓବି ଭ୍ୟାନରେ ନିଆଁ ଲଗାଇଦେଇଛନ୍ତି। ସେହିପରି ସୀତାପୁର ରୋଡସ୍ଥିତ ପୋଲିସ ଫାଣ୍ଡିକୁ ବିକ୍ଷୋଭକାରୀ ନିଆଁ ଲଗାଇ ଦେଇଛନ୍ତି।

ହସନଗଞ୍ଜରେ ମଧ୍ୟ ବିକ୍ଷୋଭକାରୀ ବ୍ୟାପକ ଭଙ୍ଗାରୁଜା କରିବା ସହ ରାସ୍ତାରେ ଚଳାଚଳ କରୁଥିବା ଯାନବାହନରେ ନିଆଁ ଲଗାଇଥିବାର ଅଭିଯୋଗ ମିଳିଛି। ଉତ୍ତରପ୍ରଦେଶ ସମ୍ଭଲ ଜିଲ୍ଲାରେ ଉପଦ୍ରବକାରୀ ଏକ ଯାତ୍ରୀବାହୀ ବସ୍‌ରେ ନିଆଁ ଲଗାଇଦେଇଛନ୍ତି। ତେବେ ରାଜଧାନୀ ଦିଲ୍ଲୀରେ ରାଜୀବ ଚୌକ ସମେତ ୨୦ଟି ମେଟ୍ରୋ ଷ୍ଟେସନ ବନ୍ଦ ରହିଛି। ଫଳରେ ମେଟ୍ରୋଟ୍ରେନରେ ଯାତାୟତ କରୁଥିବା ଯାତ୍ରୀ ଅକଥନୀୟ ଦୁର୍ଦ୍ଦଶାର ସମ୍ମୁଖୀନ ହୋଇଛନ୍ତି।  

ତେବେ ଦିଲ୍ଲୀ-ଗୁରୁଗ୍ରାମ ଏକ୍ସପ୍ରେସ୍ ୱେରେ ପୋଲିସର ଯାଞ୍ଚ ଯୋଗୁ ରାସ୍ତାରେ ଟ୍ରାଫିକ ସମସ୍ୟା ଉପୁଜିଥିବା ଜଣାପଡିଛି। ରାଜଧାନୀକୁ ପ୍ରବେଶ କରୁଥିବା ଯାନବାହନ ଯାଞ୍ଚ କରି ପୋଲିସ ଛାଡିବା ଯୋଗୁ ଯାଞ୍ଚରେ ବିଳମ୍ବ ହେଉଥିବା ବେଳେ ରାଜମାର୍ଗରେ ଟ୍ରାଫିକ ଜାମ ହୋଇଯାଇଛି। ଫଳରେ ଜାତୀୟ ରାଜମାର୍ଗ ୮ଗୁରୁଗ୍ରାମ ରୋଡରେ ଟ୍ରାଫିକ ସମସ୍ୟା ଉପୁଜିଛି। ଏଣୁ ବିମାନ କର୍ମଚାରୀମାନେ ନିୟମିତ ସମୟରେ ବିମାନ ବନ୍ଦର ନ ପହଞ୍ଚିପାରିବା କାରଣରୁ ଇଣ୍ଡିଗୋ ଏୟାରଲାଇନ୍ସର ୧୬ଟି ଉଡାଣ ବିଳମ୍ବିତ ହୋଇଥିବା ବେଳେ ୧୯ଟି ଉଡାଣ ରଦ୍ଦ ହୋଇଛି।

   Related Posts