Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ୟୁପି ଜିଲ୍ଲା ପଞ୍ଚାୟତ ସଭାପତି ନିର୍ବାଚନ: ବିଜେପିର ବିପୁଳ ବିଜୟ, ୭୫ରୁ ପୋଛିନେଲା ୬୫ଟି ସିଟ୍, ବିରୋଧୀ ଚିତପଟାଙ୍ଗ

3/07/2021 at 6:08 PM

ଲକ୍ଷ୍ନୌ ୦୩।୦୭: ଉତ୍ତର ପ୍ରଦେଶ ଜିଲ୍ଲା ପଞ୍ଚାୟତ ସଭାପତି ପଦ ନିର୍ବାଚନରେ ଭାରତୀୟ ଜନତା ପାର୍ଟି(ବିଜେପି) ବିପୁଳ ବିଜୟ ହାସଲ କରିଛି।  ବିଜେପି ୭୫ ଆସନରୁ ୬୫ ସିଟ୍ ପୋଛି ନେଇଛି। ଅନ୍ୟପଟେ ସମାଜବାଦ ପାର୍ଟିକୁ ମାତ୍ର ୬ଟି ଆସନରେ ସନ୍ତୁଷ୍ଟ ହେବାକୁ ପଡିଛି। ଅନ୍ୟ ଖାତାକୁ ୪ଟି ଆସନ ଯାଇଛି। ୨୨ଜିଲ୍ଲାରେ ନିର୍ଦ୍ଵନ୍ଦରେ ପ୍ରାର୍ଥୀ ବିଜୟୀ ହୋଇଛନ୍ତି। ଏଥିରୁ ୨୧ ସିଟ୍ ବିଜେପି ଖାତାକୁ ଏବଂ ଗୋଟିଏ ସମାଜବାଦ ପାର୍ଟି ଖାତାକୁ ଯାଇଛି। ୫୩ଟି ଆସନରେ ନିର୍ବାଚନ ହୋଇଥିଲା, ଯାହାର ପରିଣାମ ଶନିବାର ଘୋଷଣା କରାଯାଇଛି। ୨୦୨୨ ମାର୍ଚ୍ଚରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ଜିଲ୍ଲା ପଞ୍ଚାୟତ ସଭାପତି ନିର୍ବାଚନରେ ମିଳିଥିବା ସଫଳତା ବିଜେପି ପାଇଁ ସଞ୍ଜୀବନିର କାମ କରିପାରେ। ଏଥିସହ ବିରୋଧୀ ସମାଜବାଦ ପାର୍ଟିକୁ ଆହୁରି ପରିଶ୍ରମ କରିବାର ଆବଶ୍ୟକତା ରହିଛି।

ଉତ୍ତର ପ୍ରଦେଶରେ ଏହି ୫୩ଟି ଆସନ ପାଇଁ ଶନିବାର ମତଦାନ ହୋଇଥିଲା। ଏଥିରୁ ଅଧିକାଂଶ ଆସନରେ ବିଜେପି ଓ ଏସପି ମୁହାଁମୁହିଁ ହୋଇଥିଲେ। ହେଲେ ବିଜେପି ଏସପିକୁ ଜୋରଦାର ଝଟକା ଦେଇ ଏକତରଫା ବିଜୟ ହାସଲ କରିଛି। ଏଥିରୁ ୩୭ ଜିଲ୍ଲା ପଞ୍ଚାୟତ ସିଟ୍ ଏମିତି ଥିଲା, ଯେଉଁଠି କେବଳ ଦୁଇ ଦୁଇ ଜଣ ପ୍ରାର୍ଥୀ ମଇଦାନରେ ଥିଲେ। ଦୁଇ ଦଳର ପ୍ରାର୍ଥୀ ବିଜୟ ପାଇଁ ଯଥା ସମ୍ଭବ ଉଦ୍ୟମ କରିଥିଲେ ହେଁ, ଶେଷରେ ବିଜେପି ବାଜି ମାରି ନେଇଛି ଏବଂ ଏସପିକୁ ଛଅଟି ଆସନରେ ସନ୍ତୁଷ୍ଟ ହେବାକୁ ପଡିଛି।  ନିର୍ଦ୍ଵନ୍ଦ ନିର୍ବାଚନ ପରେ ମଧ୍ୟ ନିର୍ବାଚନ ହୋଇଥିବା ୫୩ ଆସନରୁ ବିଜେପି ୪୪ଟିରେ ବିଜୟୀ ହୋଇଥିବା ବେଳେ ଏସପି ୫ଟିରେ ବିଜୟୀ ହୋଇଛି।

   Related Posts