ଭୁବନେଶ୍ୱର ୧୦/୯: ଟ୍ରାଫିକ ଯାଞ୍ଚ କୋହଳ ହେଉ ହେଉ ରଙ୍ଗ୍ ରୁଟରେ ଯିବାର କୁଅଭ୍ୟାସକୁ ପୁଣି ଫେରିଲେଣି ବେପରୁଆ ଗାଡ଼ି ଚାଳକ । ପରିଣାମ ସ୍ବରୂପ ଭୁବନେଶ୍ୱରରେ ପ୍ରାଣ ହରାଇଛନ୍ତି ଜଣେ ବାଇକ ଆରୋହୀ । ହଂସପାଳ ଛକରେ ଘଟିଥିବା ସଡ଼କ ଦୁର୍ଘଟଣାରେ ବୁଲଡୋଜର ଚାପାରେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଛି ।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ ବାଇକ ଆରୋହୀ ଜଣକ ଭୁବନେଶ୍ୱରରୁ କଟକ ଯାଉଥିଲେ । ତେବେ ସର୍ଭିସ ରୋଡ ଉପରକୁ ଉଠି ରଙ୍ଗ୍ ରୁଟରେ ଯାଉଥିବା ବେଳେ ବୁଲଡଜୋର ସହ ବାଇକ ଧକ୍କା ହୋଇଥିଲା । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା ।