Friday, November 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଓଡ଼ିଶା ଛାଡିଲା ବୁଲ୍‌ବୁଲ୍‌

ଭୁବନେଶ୍ୱର – ବାତ୍ୟା ବୁଲ୍‌ବୁଲ୍‌ ଏବେ ବଙ୍ଗୋପସାଗର ମଧ୍ୟରେ ଉତ୍ତର ଦିଗରେ ଗତି କରୁଛି । ଏବେ ଏହା ଉତ୍ତର ପଶ୍ଚିମବଙ୍ଗ ଓ ବଙ୍ଗଳାଦେଶ ଉପକୂଳ ଆଡକୁ ଗତି କରୁଛି । ଆଇଏମ୍‌ଡି ବୁଲେଟିନ୍‌ ଅନୁସାରେ ସକାଳ ୧୧ଟା ୩୦ ବେଳକୁ ଏହା ପଶ୍ଚିମ ଓ ମଧ୍ୟ ବଙ୍ଗୋପ ସାଗର ମଧ୍ୟରେ କେନ୍ଦ୍ରୀଭୂତ ଥିଲା । ଗତ ୬ ଘଣ୍ଟାରେ ଏହା ଘଣ୍ଟାପ୍ରତି ୧୫ କିଲୋମିଟର ଆଗକୁ ବଢୁଛି ।

ଏହା ଓଡିଶା ଉପକୂଳ ଛାଡି ପଶ୍ଚିମବଙ୍ଗର ଉତ୍ତର ପଶ୍ଚିମ ଦିଗରେ କେନ୍ଦ୍ରୀଭୂତ ହୋଇଛି । ଏହା ପଶ୍ଚମବଙ୍ଗର ସାଗର ଦ୍ୱୀପ ଆଡକୁ ବଢୁଛି । ଏହା ସକାଳେ ସାଗର ଦ୍ୱୀପ ଦକ୍ଷିଣ ଦକ୍ଷିଣ ପଶ୍ଚିମ ଦିଗରେ କେନ୍ଦ୍ରୀଭୂତ ଥିଲା । ଏହା ପଶ୍ଚିମବଙ୍ଗର ସାଗର ଦ୍ୱୀପ ଓ ବଙ୍ଗଳାଦେଶର ଖେପୁଆରା ମଧ୍ୟରେ ସ୍ଥଳଭାଗ ଛୁଇଁବାର ସମ୍ଭାବନା ରହିଛି ।


ଆଜି ରାତି ଭିତରେ ଏହା ଭୀଷଣ ସାମୁଦ୍ରିକ ଝଡ ଭାବେ ସ୍ଥଳଭାଗ ଛୁଇଁବ । ପରେ ଏହା ଦୂର୍ବଳ ହୋଇଯିବ । ସ୍ଥଳଭାଗ ଛୁଇଁବା ବେଳେ ପବନର ବେଗ ୧୧୦ରୁ ୧୨୦ କିଲୋମିଟର ରହିବ । ଏହା ବେଳେ ବେଳେ ୧୩୫ କିଲୋମିଟର ଅତିକ୍ରମ କରିପାରେ ।

614 Views

   ସମ୍ବନ୍ଧିତ ଖବର