Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ଦିଲ୍ଲୀର ଏକ ଫ୍ୟାକ୍ଟ୍ରିରେ ଭୟାବହ ଅଗ୍ନିକାଣ୍ଡ, ଜଣେ ଫାୟାର ମ୍ୟାନଙ୍କ ମୃତ୍ୟୁ, ୧୪ ଆହତ

2/01/2020 at 7:51 PM

ନୂଆଦିଲ୍ଲୀ୨/୧: ଦିଲ୍ଲୀର ଏକ ଫ୍ୟାକ୍ଟ୍ରିରେ ଭୟାବହ ଅଗ୍ନିକାଣ୍ଡ । ଏକ ବ୍ୟାଟେରୀ ଫ୍ୟାକ୍ଟ୍ରିରେ ନିଆଁ ଲାଗିଯିବାରୁ ସେଠାରେ ଭୟଙ୍କର ବିସ୍ଫୋରଣ ସହ କୋଠା ଭୁଶୁଡି ପଡିଛି । ଖବର ପାଇ ଦମକଳ ବାହିନୀ ଓ ଏନ୍‌ଡିଆରଏଫ୍‌ ଟିମ୍‌ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ କରିଥିଲେ । ତେବେ ଏଠିରେ ଜଣେ ଦମକଳ କର୍ମଚାରୀଙ୍କ ମୃତ୍ୟୁ ହୋଇଛି । ଫ୍ୟାକ୍ଟ୍ରିର ପ୍ରାୟ ୭୫ ପ୍ରତିଶତ ନଷ୍ଟ ହୋଇଯାଇଛି ।

ଦିଲ୍ଲୀ ପୀରାଗଢିର ଏକ ବ୍ୟାଟେରୀ ଫ୍ୟାକ୍ଟ୍ରିରେ ଆଜି ବଡି ଭୋରରୁ ନିଆଁ ଲାଗିଥିଲା । ଚାହୁଁ ଚାହୁଁ ପୂରା ଫ୍ୟାକ୍ଟ୍ରିରେ ବ୍ୟାପୀ ଯାଇଥିଲା ନିଆଁ । ବିସ୍ଫୋରଣ ଯୋଗୁଁ ବିଲଡିଂର କିଛି ଭାଗ ଭୁଷୁଡି ପଡିଥିଲା । ଯେଉଁଥିରେ ୧୪ ଜଣ ଅଗ୍ନିଶମ କର୍ମଚାରୀଙ୍କ ସମେତ ୧୮ ଜଣ ଫସିଯାଇଥିଲା । ସେମାନଙ୍କୁ ଉଦ୍ଧାର ପାଇଁ ଏନ୍‌ଡିଆରଏଫ୍‌ କର୍ମଚାରୀ ନିୟୋଜିତ ହୋଇଥିଲେ ।ଜଣଙ୍କ ପରେ ଜଣେ ଅଗ୍ନିଶଣ କର୍ମଚାରୀଙ୍କୁ ଉଦ୍ଧାର କରାଯାଇଥିଲା । ହେଲେ ଜଣଙ୍କୁ ବାହାର କରିବାକୁ ବେଶ କଷ୍ଟ ସାଧ୍ୟ ହୋଇଥିଲା । ୧୦ ଘଣ୍ଟାର ପରିଶ୍ରମ ପରେ ତାଙ୍କୁ ବାହାର କରି ହସ୍ପିଟାଲ୍‌ରେ ଭର୍ତ୍ତି କରାଯାଇଥିଲେ ବି ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ଗତ ମାସେ ଭିତରେ ଦିଲ୍ଲୀରେ ନିଆଁ ଲାଗିବା ଏହା ତୃତୀୟ ବଡ ଘଟଣା । ପ୍ରଥମେ ଦିଲ୍ଲୀର ଅନାଜ ମଣ୍ଡି ଅଞ୍ଚଳରେ ନିଆଁ ଲାଗିଥିଲା ଯେଉଁଥିରେ ୪୩ ଜଣ ଶ୍ରମିକଙ୍କ ମୃତ୍ୟୁ ହୋଇଥିଲା । ଏହାପରେ କିରାଡିର ଏକ ଫ୍ୟାକ୍ଟ୍ରିରେ ନିଆଁ ଲାଗିବାରୁ ୯ଜଣଙ୍କର ମୃତ୍ୟୁ ହୋଇଥିଲା ।ସେହିଭଳି ସୋମବାର ପ୍ରଧାନମନ୍ତ୍ରୀଙ୍କ ସରକାରୀ ବାସଭବନ ନିକଟରେ ଥିବା ଏସ୍‌ପିଜି ରିସେପ୍‌ସନ୍‌ ଅଞ୍ଚଳରେ ବି ନିଆଁ ଲାଗିଥିଲା।

   Related Posts