ନୂଆଦିଲ୍ଲୀ ୨୫/ ୦୬ : ମୃତ୍ୟୁ କେତେବେଳେ ଆସେ କେଉଁ ରୁପରେ ଆସେ ତାହା କହିବା ମୁସ୍କିଲ । ଗୁରୁବାର ରାତିରେ ମିଆମୀରେ ଏକ ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି ଯାହାକୁ ଶୁଣିଲେ ଲୋମ ଟାଙ୍କୁରୀ ଉଠିବ । ରାତିରେ ଶୋଇଥିବା ସମୟରେ ଏକ ବିଶାଳ ବିଲ୍ଡିଂ ଭୁଷୁଡିବା ଫଳରେ ୪ ଜଣଙ୍କର ମୃତ୍ୟୁ ଘଟିଥିବା ବେଳେ ପ୍ରାୟ ୧୫୯ରୁ ଉର୍ଦ୍ଧ୍ବ ଲୋକ ନିଖୋଜ ଅଛନ୍ତି । ସୌଭାଗ୍ୟବଶତଃ ବର୍ତ୍ତମାନ ସୁଦ୍ଧା ୧୨୦ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । କିନ୍ତୁ ୪ ଜଣଙ୍କର ମୃତ୍ୟୁ ଘଟିଥିବା ବେଳେ ମୃତ୍ୟୁ ସଂଖ୍ୟା ଆହୁରି ବୃଦ୍ଧିପାଇପାରେ ବୋଲି ସ୍ଥାନୀୟ କର୍ତ୍ତୃପକ୍ଷ ସୂଚନା ଦେଇଛନ୍ତି ।
{"width":831,"height":548}ଘଟଣାକୁ ନେଇ ମିଆମୀର ମେୟର ଡାନିଏଲା ଲେଭିନେ କହିଛନ୍ତି, ଏହା ଏକ ମର୍ମନ୍ତୁଦ କାଳ ରାତ୍ରି ଥିଲା । କିନ୍ତୁ ବର୍ତ୍ତମାନ ସୁଦ୍ଧା ୧୨୦ ଜଣଙ୍କୁ ଉଦ୍ଧାର କରାଯାଇଛି । ଭଗ୍ନାବଶେଷ ମଧ୍ୟରୁ ଉଦ୍ଧାର କାର୍ଯ୍ୟ ଜାରି ରହିଛି । ରାତି ପ୍ରାୟ ସାଢେ ୧ଟା ବେଳେ ଚାମ୍ପଲେନ୍ ଟାଓ୍ବାର ହଠାତ ଭୁଷୁଡି ପଡିଥିଲା । କେହି କିଛି ବୁଝିବା ଆଗରୁ କାନ୍ଥ ତଳେ ଚାପିହୋଇଯାଇଥିଲେ । ସେମାନଙ୍କ ମଧ୍ୟରୁ ୪ ଜଣଙ୍କର ମୃତ ଦେହ ଉଦ୍ଧାର କରାଯାଇଥିବା ବେଳେ ବର୍ତ୍ତମାନ ସୁଦ୍ଧା ୧୫୯ ଜଣ ନିଖୋଜ ଅଛନ୍ତି ଆଶା କରାଯାଉଛି ଯେ, ଉକ୍ତ ବିଲ୍ଡିଂର ଭଗ୍ନାବଶେଷ ତଳୁ କିଛି ଲୋକଙ୍କୁ ଜୀବିତ ଭାବେ ଉଦ୍ଧାର କରାଯାଇପାରିବ ।
{"width":842,"height":561}ଉଦ୍ଧାର କାର୍ଯ୍ୟ ଦୃତ ଗତିରେ ଜାରି ରହିଛି । ଏଥିପାଇଁ ବଡ ବଡ ମେସିନ ସହାୟତାରେ ସିମେଣ୍ଟ କାନ୍ଥଗୁଡିକୁ ହଟାଯାଉଛି । ଭଗ୍ନାବଶେଷ ଭିତରୁ ମଧ୍ୟ କିଛି ଲୋକଙ୍କ ଚିତ୍କାର ଶବ୍ଦ ଶୁଣାଯାଉଛି । ସେମାନଙ୍କର କିଭଳି ଭାବେ କୌଣସି ଅସୁବିଧା ନହେବ ସେ ନେଇ ସତର୍କତାର ସହ ଉଦ୍ଧାର କାର୍ଯ୍ୟ ଜାରି ରହିଥିବା ଉଦ୍ଧାରକାରୀ ଦଳର ମୁଖ୍ୟ ରେହ ଜାଡାଲ୍ଲା କହିଛନ୍ତି ।
{"width":829,"height":465}