Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ତାସ୍ ଘର ଭଳି ଭୁଶୁଡି ପଡିଲା କୋଠା, ଭଙ୍ଗା କୋଠା ତଳୁ ଜୀବନ୍ତ ଉଦ୍ଧାର ହେଲା ୫ ବର୍ଷ ଶିଶୁ

21/09/2020 at 11:06 AM

ଠାଣେ ୨୧/୦୯ :  ମହାରାଷ୍ଟ୍ରର ଠାଣେରେ ଥିବା ଭୀୱାଣ୍ଡିରେ ସୋମବାର ସକାଳୁ ତିନି ମହଲା କୋଠା ଭୁଶୁଡି ପଡିବାରୁ ୧୦ ଜଣଙ୍କର ମୃତ୍ୟୁ ହୋଇଛି । ଭଙ୍ଗା କୋଠା ତଳେ ୨୦-୨୫ ଜଣ ଫସି ରହିଥିବା ଆଶଙ୍କା କରାଯାଉଛି । ଏବେ ସୁଦ୍ଧା ୨୫ଜଣଙ୍କୁ ଉଦ୍ଧାର କରାଯାଇଛି । ଏନଡିଆରଏଫ ଟିମ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି ।

ଠାଣେ ନଗର ନିଗମ ପିଆରୋ କହିଛନ୍ତି ଭୋର ସାଢେ ୩ଟା ସମୟରେ ଦୁର୍ଘଟଣା ଘଟିଛି । ଭୀୱାଣ୍ଡି ସ୍ଥିତ ପଟେଲ କମ୍ପାଉଣ୍ଡରେ ଦୁର୍ଘଟଣା ଘଟିଛି । ସେତେବେଳେ କୋଠାରେ ରହୁଥିବା ଲୋକେ ଗଭୀର ନିଦ୍ରାରେ ଶୋଇଥିଲେ । ଏବେ ସୁଦ୍ଧା ଭଙ୍ଗା କୋଠା ତଳୁ ୧୦ ଜଣଙ୍କ ମୃତଦେହ ବାହାର କରାଯାଇଛି । ଭଙ୍ଗା କୋଠା ତଳୁ ଏନଡିଆରଏଫ ଟିମ ଏକ ୫ ବର୍ଷର ଶିଶୁକୁ ସୁରକ୍ଷିତ ଭାବେ ଉଦ୍ଧାର କରିଛନ୍ତି । ଶିଶୁକୁ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ଶିଶୁ ଜୀବନ ପ୍ରତି କୌଣସି ବିପଦ ନଥିବା ଡାକ୍ତର କହିଛନ୍ତି ।

ସ୍ଥାନୀୟ ଲୋକଙ୍କ କହିବାନୁଯାୟୀ, ଏହି କୋଠା ୧୯୮୪ ମସିହାରେ ତିଆରି ହୋଇଥିଲା । ଏଠାରେ ଥିବା ଜିଲାନି ଆପାର୍ଟମେଣ୍ଟର ୬୦ ନମ୍ବର ଘରର ଅଧା ଭାଗ ଗତକାଲି ବିଳମ୍ବିତ ରାତିରେ ଭୁଶୁଡି ପଡିଥିଲା । ଏହି ଆପାର୍ଟମେଣ୍ଟରେ ୨୧ ପରିବାର ରହୁଥିଲେ । ଏହି ଆପାର୍ଟମେଣ୍ଟ ଡେଞ୍ଜର ଜୋନରେ ଥିଲା । ଏହି କୋଠାକୁ ଖାଲି କରିବାକୁ ନୋଟିସ ମଧ୍ୟ ଜାରି କରାଯାଇଥିଲା । ନୋଟିସ ମିଳିବା ପରେ କିଛି ଲୋକ ସେଠାରୁ ଚାଲିଯାଇଥିଲେ । କିନ୍ତୁ କିଛି ଲୋକ ଏବେ ସୁଦ୍ଧା ସେଠାରେ ରହୁଥିଲେ ।

   Related Posts