Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ଜଣ ଜଣ କରି ସ୍ତ୍ରୀ, ପୁଅ, ବୋହୂ ଓ ନାତିକୁ ମାରିଲା ବିଲ୍ଡର, ନିଜେ ହୋଇଗଲା ଫେରାର: ସୁଇସାଇଡ୍‌ ନୋଟ୍‌କୁ ନେଇ ତଦନ୍ତ କରୁଛି ପୋଲିସ୍‌

25/11/2020 at 6:13 PM

ଲୁଧିଆନା ୨୫/୧୧: ପାରିବାରିକ କଳହର କରୁଣ ପରିଣତି। କେବଳ ୧୦ ମିନିଟ୍‌ରେ ପୁରା ପରିବାର ଛାରଖାର। ସମ୍ପୂର୍ଣ୍ଣ ପରିବାର ଲୋକଙ୍କୁ ମାରି  ଫେରାର ହୋଇଗଲା ମୁରବୀ। ଜଣେ ବିଲ୍ଡରର ଏଭଳି କାରନାମା ପଦାକୁ ଆସିଛି। ଏଭଳି ଏକ ଛାତିଥରା ଘଟଣା ପଞ୍ଜାବର ଲୁଧିଆନାରେ ଘଟିଛି।

ବିଲ୍ଡର ରାଜୀବ ସୁଣ୍ଡା ନିଜ  ପତ୍ନୀ, ପୁଅ, ବୋହୁ ଓ ୧୩ ବର୍ଷର ନାତିକୁ କୁରାଢ଼ୀରେ ହାଣି ହତ୍ୟା କରିବା ପରେ ଫେରାର ହୋଇଯାଇଛି। ଫେରାର ବେଳେ ରାଜୀବର କାର ଏକ ଗଛରେ ପିଟି ହୋଇଥିଲା। କିନ୍ତୁ ସେଠାରୁ ବଞ୍ଚି ଫେରାର ହେବାରେ ସକ୍ଷମ ହୋଇଥିଲା ରାଜୀବ । ମିଳିଥିବା ସୂଚନା ଅନୁସାରେ ରାଜୀବ ଘର ନିର୍ମାଣ କରି ବିକ୍ରି କରୁଥିଲା। ତା ପୁଅ ଆଶୀଷ ମଧ୍ୟ ରୋଜଗାର କରନ୍ତି। ତେବେ ରାଜୀବର ପରିବାର ସବୁ ବେଳେ ଘରେ ରହିବା ସହ କାହା ସହ କଥା ବାର୍ତ୍ତା କରୁନଥିବା ପଡ଼ୋଶୀ ପୋଲିସକୁ କହିଛନ୍ତି।

୪ ଦିନ ପୂର୍ବରୁ ରାଜୀବର ଘରେ ପାଟିତୁଣ୍ଡ ଶୁଭିଥିଲା ବୋଲି ପଡ଼ୋଶୀ କହିଛନ୍ତି। ସେପଟେ ଘଟଣାସ୍ଥଳରୁ ପୋଲିସକୁ ଏକ ସୁଇସାଇଡ୍‌ ନୋଟ୍‌ ମିଳିଛି। ସୁଇସାଇଡ୍‌ ନୋଟ୍‌ରେ ରାଜୀବ ସମସ୍ତ ଘଟଣା ଲେଖିଥିବା ଜଣାପଡ଼ିଛି। ନିଜ ପୁଅର ଶ୍ବଶୁର ଘର ପାଇଁ ସେ ଚିନ୍ତାରେ ରହୁଥିଲା। ଦୁଇ ବର୍ଷ ପୂର୍ବରୁ ପୁଅର ଶ୍ବଶୁର ଓ ଶଳାଙ୍କୁ ୪ ଲକ୍ଷ ଟଙ୍କା ଦେଇଥିବା ବେଳେ ସେମାନେ ଟଙ୍କା ଫେରାଇ ନଥିବା ଲେଖିଛି ରାଜୀବ। ପରେ ପୁଣି ୩ ଲକ୍ଷ ଟଙ୍କା ଦେଇଥିଲେ ବି ସେମାନେ ଫେରାଇ ନଥିଲେ।

ବୋହୂର ବାପ ଘର ଲୋକେ ୭ ଲକ୍ଷ ଟଙ୍କା ଫେରାଇବାକୁ ଅମଙ୍ଗ ହେଉଥିବା ବେଳେ ପୁଣି ୧୦ ଲକ୍ଷ ଟଙ୍କା ମାଗିଥିଲେ। ଏତେ ଟଙ୍କା ଦେବାକୁ ରାଜୀବ ମନା କରିବାରୁ ବୋହୂ ଘରେ ତାଣ୍ଡବ ରଚିଥିଲେ। ଏମିତି କି ବୋହୂ ତାଙ୍କ ଉପରେ ମିଥ୍ୟା ମାମଲା କରିବାକୁ ଧମକ ଦେଉଥିବା ରାଜୀବ ନୋଟ୍‌ରେ ଲେଖିଛି।

ପରିବାର ଲୋକଙ୍କ ନାଁରେ ମାମଲା ପୁଣି ସମାଜରେ ନାଁ ଖରାପ ହେବା ଭୟ ତାକୁ ଘାରିଥିଲା। ଯେଉଁଥିପାଇଁ ସେ ନିଜ ପରିବାରକୁ ହତ୍ୟା କରିବାକୁ ଯାଉଛି ଓ ନିଜେ ଆତ୍ମହତ୍ୟା କରିବ ବୋଲି ସୁଇସାଇଡ୍‌ ନୋଟ୍‌ରେ ଲେଖିଥିଲା ରାଜୀବ। ଏଥିପାଇଁ ପୁଅର ଶ୍ବଶୁର ଓ ଶଳାକୁ ଦାୟୀ କରିଥିଲା। ତେବେ ଏଭଳି ଏକ ଘଟଣାରେ ପିଏୟୁ ଥାନାଧିକାରୀ ପରମଦୀପ  ସିଂହ ଅଭିଯୁକ୍ତ ରାଜୀବ କୁମାର ବିରୋଧରେ ଧାରା ୩୦୨​‌ରେ ମାମଲା ରୁଜୁ କରିଥିବା ଜଣାପଡ଼ିଛି।

   Related Posts