ନୂଆଦିଲ୍ଲୀ,୦୧/୦୨: ଅର୍ଥମନ୍ତ୍ରୀ ନିର୍ମଳା ସୀତାରମଣ ଗୃହରେ ୨୦୨୧-୨୨ ଆର୍ଥିକ ବର୍ଷ ପାଇଁ ସାଧାରଣ ବଜେଟ୍ ଉପସ୍ଥାପିତ କରୁଛନ୍ତି । କରୋନା ସଙ୍କଟ ପରେ ଏହି ବଜେଟ୍ ଖୁବ୍ ଗୁରୁତ୍ୱ ବହନ କରୁଛି ।
ସୋମବାର ଆଗତ ହେଉଛି ଦେଶର ସାଧାରଣ ବଜେଟ୍ । ଅର୍ଥମନ୍ତ୍ରୀ ନିର୍ମଳା ସୀତାରମଣ ସକାଳ ୧୧ଟାରେ ସଂସଦ ଭବନରେ ବଜେଟ୍ ଆଗତ କରିଛନ୍ତି। ଏଥର ପେପରଲେସ୍ ବଜେଟ ହୋଇଛି।
କରୋନା ସଙ୍କଟରେ ଅର୍ଥବ୍ୟବସ୍ଥାକୁ ତ୍ୱରାନ୍ୱିତ କରିବାକୁ ଏହି ବଜେଟରେ କିଛି ବ୍ୟବସ୍ଥା ରହିପାରେ । ତେଣୁ ଏହାକୁ ଗୁରୁତ୍ୱପୂର୍ଣ୍ଣ ବୋଲି କୁହାଯାଉଛି । ସାରା ଦେଶର ନଜର ଏହା ଉପରେ ରହିଛି । ଟ୍ୟାକ୍ସ ହେଉ ବା ରୋଜଗାର ସମସ୍ତ ପ୍ରସଙ୍ଗରେ ଦେଶ ଅନେକ ଆଶା ରଖିଛି ।
ବଜେଟ୍ ପୂର୍ବରୁ ପ୍ରଧାନମନ୍ତ୍ରୀ ମୋଦୀ ସରକାରର କ୍ୟାବିନେଟ୍ ବୈଠକ ହୋଇଥିଲା । ଯେଉଁଥିରେ ବଜେଟକୁ ମଞ୍ଜୁରୀ ମିଳିଛି । ସେହିପରି ବଜେଟ୍ ଆଗତ ପୂର୍ବରୁ ଅର୍ଥମନ୍ତ୍ରୀ ନିର୍ମଳା ସୀତାରମଣ ଓ ଅର୍ଥ ରାଷ୍ଟ୍ରମନ୍ତ୍ରୀ ଅନୁରାଗ ଠାକୁର ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଭେଟିଥିଲେ ।
