Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ୧୬ଟି ଜିଲ୍ଲାରେ ହେବ ଆରଟି ପିସିଆର ଲ୍ୟାବ୍, ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ଆୟକର ଛାଡ ସୀମା ୫ଲକ୍ଷକୁ ବୃଦ୍ଧି, ଉପକୃତ ହେବେ ୩କୋଟି ମଧ୍ୟବିତ୍ତ ଶ୍ରେଣୀ ଲୋକ

1/02/2019 at 1:45 PM

ନୂଆଦିଲ୍ଲୀ ୧|୨:  ଆଜି ସଂସଦରେ ଅର୍ଥମନ୍ତ୍ରୀ ପୀୟୁଷ ଗୋୟଲ ୨୦୧୯-୨୦ ଆର୍ଥିକ ବର୍ଷର କାମଚଳା ବଜେଟ୍‌ ଉପସ୍ଥାପନ କରିଛନ୍ତି । ଏହି ଅନ୍ତରୀଣ ବଜେଟ୍ ଆଗାମୀ ସାଧାରଣ ନିର୍ବାଚନକୁ ଦୃଷ୍ଟିରେ ରଖି ଆ ଆଖିଆଗର ରଖି ଉପସ୍ଥାପନ କରାଯାଇଛି । ମୋଦି ସରକାରଙ୍କ ଏହି ବଜେଟ୍ କୃଷକ, ମଧ୍ୟବିତ୍ତ ଶ୍ରେଣୀ, ପେନସନ ଭୋଗୀ ଓ ବରିଷ୍ଠ ନାଗରିକମାନଙ୍କ ପାଇଁ ବଡ ଉପହାର । ମୋଦି ସରକାର କରଦାତାଙ୍କୁ ବଜେଟ୍ ରେ ବଡ ଭେଟି ଦେଇଛନ୍ତି । ବଜେଟ୍ ରେ ଆୟକର ସୀମା ବୃଦ୍ଧି କରିବାକୁ ଘୋଷଣା କରାଯାଇଛି । ଏବେ ୫ଲକ୍ଷ ଟଙ୍କା ପର୍ଯ୍ୟନ୍ତ ଆୟ ଉପରେ କୌଣସି ଟ୍ୟାକ୍ସ ଦେବାକୁ ପଡିବନାହିଁ ।

ଏହାସହ ପିଏଫ୍ ଏବଂ ବୀମା ଥିଲେ ୬.୫ ଲକ୍ଷ ପର୍ଯ୍ୟନ୍ତ ଆୟ ଉପରେ ଟାକ୍ସ ଦେବାକୁ ପଡିବ ନାହିଁ । ଟାକ୍ସ ସ୍ଲାବ୍ ରେ ଏହି ବଡ ପରିବର୍ତ୍ତନ ଫଳରେ ୩କୋଟି ମଧ୍ୟବିତ୍ତ ଶ୍ରେଣୀର ଲୋକ ଉପକୃତ ହେବେ । ଆୟକର ଛାଡ ସୀମା ବୃଦ୍ଧି ପାଇଁ ଆଗରୁ ବହୁ ଥର ଦାବି କରାଯାଇଥିଲା । ମାତ୍ର ଚଳିତ ବର୍ଷ ଲୋକସଭା ନିର୍ବାଚନ ଥିବାରୁ ଆୟକର ଛାଡ ସୀମା ବୃଦ୍ଧି କରାଯିବାର ଆଶା କରାଯାଉଥିଲା । ବର୍ତ୍ତମାନ ପର୍ଯ୍ୟନ୍ତ ଆୟକର ସୀମା ୨.୫ ଲକ୍ଷ ଥିଲା । ଏହା ବ୍ୟତୀତ ୪୦ହଜାର ଟଙ୍କା ପର୍ଯ୍ୟନ୍ତ କାରବାର ଉପରେ ଟାକ୍ସ ମଧ୍ୟ ଦେବାକୁ ପଡିବନାହିଁ । ପୂର୍ବରୁ ଏହା ୧୦ହଜାର ପର୍ଯ୍ୟନ୍ତ ଥିଲା । ଆୟକର ଛାଡ ସୀମା ବୃଦ୍ଧି ହେବା ପରେ ସେନସେକ୍ସରେ ପରିବର୍ତ୍ତନ ଆସିଛି ।

ଏହାସହ କର୍ମଚାରୀମାନଙ୍କ ଗ୍ରାଚ୍ୟୁଟି ୧୦ଲକ୍ଷ ଟଙ୍କାରୁ ବୃଦ୍ଧି କରି ୨୦ଲକ୍ଷ ପର୍ଯ୍ୟନ୍ତ କରାଯାଇଛି । ‘ଗ୍ରାଚ୍ୟୁଟି ପରିଶୋଧ (ସଂଶୋଧନ) ଅଧିନିୟମ, ୨୦୧୮’ ୨୯ମାର୍ଟ ୨୦୧୯ରୁ ଲାଗୁ କରିଦିଆଯାଇଛି । ‘ଗ୍ରାଚ୍ୟୁଟି ପରିଶୋଧ (ସଂଶୋଧନ) ଅଧିନିୟମ, ୨୦୧୮’ ୧୫ମାର୍ଚ୍ଚ ୨୦୧୮ ରେ ଲୋକସଭା ଏବଂ ୨୨ମାର୍ଚ୍ଚ ୨୦୧୮ରେ ରାଜ୍ୟସଭାରେ ପାରିତ ହୋଇଥିଲା । ଏହାକୁ ୨୯ମାର୍ଚ୍ଚ ୨୦୧୮ରୁ ଲାଗୁ କରିଦିଆଯାଇଥିଲା । ଏହି ପରିପ୍ରେକ୍ଷୀରେ କର୍ମଚାରୀଙ୍କ ଗ୍ରାଚ୍ୟୁଟି ସୀମା ୧୦ଲକ୍ଷ ଟଙ୍କାରୁ ବୃଦ୍ଧି କରି ୨୦ଲକ୍ଷ ଟଙ୍କା ପର୍ଯ୍ୟନ୍ତ କରାଯାଇଛି । ଏହାସହ ଷ୍ଟାଣ୍ଡାର୍ଡ ଡିଡକସନ୍ ୪୦ହଜାର ଟଙ୍କାରୁ ୫୦ହଜାର ଟଙ୍କାକୁ ବୃଦ୍ଧି କରାଯାଇଛି ।

   Related Posts