Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ବ୍ରଡବ୍ୟାଣ୍ଡ ୟୁଜର୍ସଙ୍କ ପାଇଁ BSNL ଆଣିଲା ଦମଦାର ଅଫର, ଏମିତି ଉଠାନ୍ତୁ ଲାଭ

11/04/2020 at 9:51 AM

ନୂଆଦିଲ୍ଲୀ ୧୧।୪: ରାଷ୍ଟ୍ରାୟତ୍ତ ଟେଲିକମ୍ କମ୍ପାନୀ ବିଏସ୍ଏନ୍ଏଲ୍ ଏକ ନୂତନ ଦମଦାର ଅଫର ଆଣିଛି । ଏଥିରେ ଯେକୌଣସି ଗୋଟିଏ ବ୍ରଡବ୍ୟାଣ୍ଡ ପ୍ଲାନ୍ କୁ ଦୀର୍ଘ ସମୟ ପାଇଁ ବାଛିବା ପରେ ନୂତନ ଏବଂ ଆଗରୁ ଥିବା ଗ୍ରାହକମାନେ ୪ ମାସ ପର୍ଯ୍ୟନ୍ତ ବର୍ଦ୍ଧିତ ଭାଲିଡିଟି ପାଇବେ ।

ଟେଲିକମଟ୍ୟାକ୍ ଏକ ରିପୋର୍ଟରେ କହିଛି ଯେ, ୨୪ ମାସ ପାଇଁ ସ୍ଥିର ସବସ୍କ୍ରିପସନ୍ ନେଉଥିବା ଗ୍ରାହକଙ୍କୁ BSNL ପକ୍ଷରୁ ୩ ମାସ ଅତିରିକ୍ତ ସେବା ପ୍ରଦାନ କରାଯିବ। ଫଳରେ ଗ୍ରାହକମାନେ ୨୭ ମାସର ସେବାର ଲାଭ ପାଇବେ ।

ସେହିଭଳି ଯେଉଁ ଗ୍ରାହକମାନେ ୩୬ ମାସ ପାଇଁ ବ୍ରଡବ୍ୟାଣ୍ଡ ପ୍ଲାନ୍ ନିଅନ୍ତି ସେମାନଙ୍କୁ ୪ ମାସ ମାଗଣା ଅତିରିକ୍ତ ସେବା ଦିଆଯିବ । BSNL ପୂର୍ବରୁ ସମାନ ଅଫର ଚଳାଉଛି, ଯେଉଁଥିରେ କମ୍ପାନୀ ୧୨ ମାସ ପାଇଁ ପ୍ଲାନ୍ ନେବା ପରେ ଏକ ମାସ ମାଗଣା ସେବା ପ୍ରଦାନ କରୁଛି |

ଏହି ପ୍ଲାନଗୁଡିକ ଗ୍ରହଣ କରିବାକୁ ଚେଷ୍ଟା କରୁଥିବା ନୂତନ ଉପଭୋକ୍ତାମାନେ କମ୍ପାନୀର ଟୋଲ୍ ଫ୍ରି ନମ୍ବର ୧୮୦୦୩୪୫୧୫୦୦କୁ କଲ୍ କରିପାରିବେ । ଆହୁରି ମଧ୍ୟ, ପ୍ଲାନ୍ ଚୟନ କରିବାବେଳେ ଆପଣ ୧୨ ମାସ, ୨୪ ମାସ ଏବଂ ୩୬ ମାସର ଏକ ପ୍ଲାନ୍ ଗ୍ରହଣ କରିପାରିବେ । ଏଭଳି ପରିସ୍ଥିତିରେ ଗ୍ରାହକମାନେ ୪ ମାସ ପର୍ଯ୍ୟନ୍ତ ଅତିରିକ୍ତ ସେବାର ଲାଭ ପାଇବେ ।

ରିପୋର୍ଟରେ କୁହାଯାଇଛି ଯେ ବିଏସଏନଏଲର ଆଗରୁ ଥିବା ବ୍ରଡବ୍ୟାଣ୍ଡ ଗ୍ରାହକମାନେ ସେଲଫ କେୟାର ଆପ୍ କିମ୍ବା ୱେବସାଇଟ୍ ମାଧ୍ୟମରେ ରିନ୍ୟୁ କରିପାରିବେ ଏବଂ ୪ ମାସ ପର୍ଯ୍ୟନ୍ତ ମାଗଣା ସେବା ପାଇପାରିବେ ।

BSNL ନିକଟରେ ଏହାର ଲ୍ୟାଣ୍ଡଲାଇନ ଗ୍ରାହକଙ୍କୁ ମାଗଣା ଇଣ୍ଟରନେଟ୍ ସେବା ଯୋଗାଇବା ପାଇଁ ଏକ ନୂତନ ‘Work@Home’ ପ୍ରମୋସନାଲ ବ୍ରଡବ୍ୟାଣ୍ଡ ପ୍ଲାନ୍ ଆଣିଛି । ଏହି ଅଫର ସମସ୍ତ ସର୍କଲ ପାଇଁ ଏହି ଆରମ୍ଭ କରାଯାଇଥିଲା । ଏଥିରେ ଲ୍ୟାଣ୍ଡଲାଇନ ଗ୍ରାହକଙ୍କୁ ଦୈନିକ 10Mbps ସ୍ପିଡ୍ ସହିତ ୫ ଜିବି ଡାଟା ଦିଆଯାଉଛି । ଏହା ସହିତ ଏହି ସୀମା ସମାପ୍ତ ହେବା ପରେ ଇଣ୍ଟରନେଟ୍ ସ୍ପିଡ୍ 1Mbps ହୋଇଯାଏ । ଏହି ଅଫର କେବଳ ଲ୍ୟାଣ୍ଡଲାଇନ ଗ୍ରାହକଙ୍କ ପାଇଁ ଉଦ୍ଦିଷ୍ଟ । ଏହି ଅଫର ଅନୁଯାୟୀ କେବଳ ୧ ମାସ ପାଇଁ ଏହାର ଲାଭ ନେଇପାରିବେ ।

   Related Posts