Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

BSNLର ଭାରତ ଫାଇଭର ବ୍ରଡବ୍ୟାଣ୍ଡ ପ୍ଲାନ୍‌ ଲଞ୍ଚ୍, ମିଳିବ ଏତିକି ଜିବି ଡାଟା

12/01/2020 at 2:25 PM

ନୂଆଦିଲ୍ଲୀ ୧୨|୧: ଭାରତ ସଞ୍ଚାର ନିଗମ ଲିମିଟେଡ୍ (ବିଏସଏନଏଲ) ରିଲାଏନ୍ସ ଜିଓକୁ ଟକ୍କର ଦେବା ପାଇଁ ନୂଆ ଭାରତ ଫାଇଭର ବ୍ରଡବ୍ୟାଣ୍ଡ ପ୍ଲାନ୍ ଲଞ୍ଚ୍ କରିଛି । ଏହି ନୂଆ ଅପ୍ଟିକାଲ୍ ଫାଇଭର ବ୍ରଡବ୍ୟାଣ୍ଡ ପ୍ଲାନ୍ ରେ ଉପଭୋକ୍ତାଙ୍କୁ ୨୦୦ଏମବିପିଏସ ସ୍ପିଡ୍ ର ଇଣ୍ଟରନେଟ୍ ଡାଟା ମିଳିବ । ବିଏସଏନଏଲ ଏହି ବ୍ରଡବ୍ୟାଣ୍ଡ ପ୍ଲାନ୍ ଦେଶର କିଛି ଟେଲିକମ୍ ସର୍କଲରେ ଆରମ୍ଭ କରାଯିବ । ଏହି ପ୍ଲାନ୍ ସହ ଉପଭୋକ୍ତାଙ୍କୁ କେତେକ ପ୍ରମୋସନାଲ ଅଫର ମଧ୍ୟ ପ୍ରଦାନ କରାଯିବ । ଏହି ପ୍ରମୋସନାଲ ଅଫର ପାଇଁ ଉପଭୋକ୍ତାଙ୍କୁ ୯୦ ଦିନର ଅବଧି ମିଳିବ । ଏହାବ୍ୟତୀତ ଏହି ପ୍ଲାନ୍ ରେ ଉପଭୋକ୍ତାଙ୍କୁ ୧,୫୦୦ଜିବି ଡାଟା ଏଫୟୁପି ଲିମିଟ୍ ସହ ଦିଆଯାଇଛି ।

ଭାରତ ଫାଇଭରର ଏହି ବ୍ରଡବ୍ୟାଣ୍ଡ ପ୍ଲାନ୍ ରେ ଦିଆଯାଇଥିବା ଏଫୟୁପି ଲିମିଟକୁ ଯଦି ଉପଭୋକ୍ତା ଶେଷ କରିଦିଅନ୍ତି ତେବେ ୨ ଏମବିପିଏସ ସ୍ପିଡ୍ ରେ ଅନଲିମିଟେଡ୍ ଇଣ୍ଟରନେଟ୍ ଅଫର କରାଯିବ । ବିଏସଏନଏଲ ଭାରତ ଫାଇବରର ଏହି ବ୍ରଡବ୍ୟାଣ୍ଡ ପ୍ଲାନକୁ ବିଏସଏନଏଲ ୧୫୦୦ଜିବି ସିଏସ୫୫ ନାମରେ ଲଞ୍ଚ କରାଯାଇଛି । ଏହି ପ୍ଲାନ୍ ରେ ଇଣ୍ଟରନେଟ୍ ଡାଟା ବ୍ୟତୀତ ଉପଭୋକ୍ତାଙ୍କୁ ଅନଲିମିଟେଡ୍ ଭଏସ କଲିଂର ମଧ୍ୟ ଫାଇଦା ମିଳିପାରିବ । ଏହି ପ୍ଲାନ୍ କୁ ବିଏସଏନଏଲର ଓ୍ବେବସାଇଟ୍ ମାଧ୍ୟମରେ ସବସ୍କ୍ରାଇବ କରାଯାଇପାରିବ । ଏହି ପ୍ଲାନ୍ ର ମୂଲ୍ୟ ୧୯୯୯ ଟଙ୍କା ରହିଛି । ଏହି ପ୍ଲାନର ଅବଧି ଏକ ମାସ ରହିଛି । ଏହି ପ୍ଲାନ୍ କୁ ଉପଭୋକ୍ତା ୬ ଏପ୍ରିଲ ୨୦୨୦ ପର୍ଯ୍ୟନ୍ତ ସବସ୍କ୍ରାଇବ୍ କରିପାରିବେ । ଏହାପରେ ପ୍ରମୋସନାଲ ଅଫର ଉପଭୋକ୍ତାଙ୍କୁ ମିଳିବ ।

ଏହି ବ୍ରଡବ୍ୟାଣ୍ଡ ପ୍ଲାନ୍ ରିଲାଏନ୍ସ ଜିଓ ଫାଇଭରର ୨୪୯୯ ଟଙ୍କାର ପ୍ଲାନକୁ ଟକ୍କର ଦେବ । ଜିଓ ଫାଇଭରର ଏହି ପ୍ଲାନ୍ ରେ ଉପଭୋକ୍ତାଙ୍କୁ ୫୦୦ ଏମବିପିଏସ ସ୍ପିଡ୍ ର ଇଣ୍ଟରନେଟ୍ ଡାଟା ଦିଆଯାଉଛି । ଏହାସହ ଉପଭୋକ୍ତାଙ୍କୁ ଜିଓ ଟିଭି ସମେତ କେତେକ ଆପ୍ ର ସବସ୍କ୍ରିପସନ ମଧ୍ୟ ମିଳିବ ।

   Related Posts