ନୂଆଦିଲ୍ଲୀ ୨୨/୫: ମାରୁତି ସୁଜୁକୀ ନିଜ କ୍ରସ୍ ଓଭର ଏସୟୁଭି S-Crossର ଅପଡେଟେଡ ମଡେଲ୍ ଆଣିବାର ପ୍ରସ୍ତୁତି କରୁଛି। BS6 Maruti S-Cross ନୂଆ ଇଞ୍ଜିନ୍ ସହ ଆସିବ। ବିଏସ୪ ଭର୍ସନରେ ଏହା ଏସୟୁଭି ୧.୩ଲିଟର ଡିଜେଲ୍ ଇଞ୍ଜିନ୍ ସହ ଆସୁଥିଲା,କିନ୍ତୁ ଏବେ ଏଥିରେ BS6 କମ୍ପ୍ଲାଏଣ୍ଟ ୧.୫ଲିଟର ପେଟ୍ରୋଲ୍ ଇଞ୍ଜିନ୍ ମିଳିବ। ଏସୟୁଭିରେ ଡିଜେଲ୍ ଇଞ୍ଜିନକୁ ବନ୍ଦ କରି ଦିଆଯିବ ଅର୍ଥାତ୍ BS6 S-Cross କେବଳ ପେଟ୍ରୋଲ୍ ମଡେଲ୍ ହେବ। ଅପଡେଟେଡ ଏସ୍-କ୍ରସର ଲଞ୍ଚିଂ ଏବଂ ଭାରିଏଣ୍ଟ ସମେତ ଅନେକ ଡିଟେଲ୍ସ ସାମନାକୁ ଆସିଛି।

{"id":274111,"width":572,"height":294,"sizeSlug":"large"}

BS6 Maruti S-Cross ର ଜୁନ୍ ମାସ ଆରମ୍ଭରେ ଲଞ୍ଚ ହେବ। ଡିଲର୍ସ ନିଜ ସ୍ତରରେ ୧୧ହଜାର ଟଙ୍କାରେ ଏହାର ଅଫିସିଆଲ୍ ବୁକିଂ କରୁଛନ୍ତି। ମାରୁତିର ଏହି ଅପଡେଟେଡ ଏସୟୁଭି ୩ଭାରିଏଣ୍ଟ-ଡେଲଟା,ଜେଟା ଏବଂ ଆଲଫାରେ ଆସିବ। ଏହାର ଅର୍ଥ ଏସୟୁଭିର ବେସ୍ ଭାରିଏଣ୍ଟ ସିଗମାକୁ ବନ୍ଦ କରି ଦିଆଯାଇଛି।
BS6 Maruti S-Cross ର ପ୍ରାରମ୍ଭିକ ମୂଲ୍ୟ ପାଖାପାଖି ୯.୯୦ ଲକ୍ଷ ଟଙ୍କା ରହିବାର ଆଶା ରହିଛି,ଯାହା ସିୟାଜ ଡେଲଟା ମ୍ୟାନୁଏଲରୁ ପାଖାପାଖି ୧ଲକ୍ଷ ଟଙ୍କା ବେଶୀ। ଅପଡେଟେଡ ଏସ୍-କ୍ରସର ସମସ୍ତ ୩ଭାରିଏଣ୍ଟ ସହ ମାନ୍ୟୁଏଲ୍ ଏବଂ ଅଟୋମେଟିକ୍ ଟ୍ରାନ୍ସମିଶନର ଅପ୍ସନ ମିଳିବ।

{"id":274113,"width":569,"height":391,"sizeSlug":"large"}

ଅପଡେଟେଡ ମାରୁତି ଏସ-କ୍ରସରେ ୧.୫ଲିଟର K15B ପେଟ୍ରୋଲ୍ ଇଞ୍ଜିନ୍ ମିଳିବ,ଯାହା ସିୟାଜ,ଆର୍ଟିଗା ଏବଂ ଭିଟାରା ବ୍ରେଜାରେ ଦିଆ ଯାଇଛି। ଏହି ଇଞ୍ଜିନ୍ 105PS ପାଓ୍ବାର ଏବଂ 138Nm ଟାର୍କ ଜେନେରେଟ୍ କରିଥାଏ।