Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ଆମ୍ବ ନେଲା ଜୀବନ : ସ୍କୃଡ୍ରାଇଭରରେ ସାଙ୍ଗର ଆଖି ଫୁଟାଇ ପୋଖରୀରେ ଫିଙ୍ଗି ହତ୍ୟା କଲା ୫ବର୍ଷର ସାଙ୍ଗ

2/07/2019 at 5:05 PM

ଡଭରା ୨/୭: ୫ରୁ ୮ବର୍ଷ ବୟସର ଦୁଇ ଭାଇ ନିଜର ୬ବର୍ଷ ବୟସ୍କ ସାଙ୍ଗ ସାହିଲ ଦାସଙ୍କ ଆଖିରେ ସ୍କୃ ଡାଇଭର ଫୁଟାଇ ଦେଇଛନ୍ତି। ଯେତେବେଳେ ସାହିଲ୍ ବେହୋସ୍ ହୋଇଯାଇଥିଲେ ସେମାନେ ତାଙ୍କୁ ପୋଖରୀ​ରେ ଫିଙ୍ଗି ଦେଇଥିଲେ। ସାହିଲଙ୍କ ମୃତ୍ୟୁ ହୋଇସାରିଛି। ଘଟଣାଟି ଘଟିଛି ଛତିଶଗଡ ଜାଞ୍ଜଗିର ଚାମ୍ବା ଜିଲ୍ଲାର ଡଭରା ଥାନା ଅର୍ନ୍ତଗତ ବଗରୈଲ ଗାଁର। ରବିବାର ଘଟଣା ଦିନ ଅନ୍ୟ ୩ଜଣ ପିଲା ମଧ୍ୟ ସେଠାରେ ଥିଲେ।

ପିଲାମାନେ ଖେଳିବା କଥା କହି ଘରୁ ବାହାରିଥିଲେ । ସବୁ ପିଲାମାନେ ଖେଳିସାରି ଘରକୁ ଫେରିଥିଲେ କିନ୍ତୁ ସାହିଲ୍ ଫେରିନଥିଲେ। ଦୀର୍ଘ ସମୟ ଯାଏଁ ସାହିଲ ଘରକୁ ନଫେରିବାରୁ ତାଙ୍କ ଜେଜେବାପା ଘରକୁ ଡାକିବାକୁ ଆସିଥିବା ତାଙ୍କ ସାଙ୍ଗକୁ ପଚାରିଥିଲେ। ପିଲାମାନେ କହିଥିଲେ ତାଙ୍କୁ ପିଲାଚୋର ନେଇଯାଇଛି।

ଏହାପରେ ପରିବାର ଲୋକେ ଖୋଜାଖୋଜି ଆରମ୍ଭ କରି ଦେଇଥିଲେ। ଶେଷରେ ସାହିଲଙ୍କ ଶବ ଗାଁ ପୋଖରୀରୁ ମିଳିବା ପରେ ପୋଲିସକୁ ସୂଚନା ଦିଆଯାଇଥିଲା। ଅନୁସଂଧାନବେଳେ ପୋଲିସକୁ ଘଟଣା ବିଷୟରେ ଜଣାପଡ଼ିଥିଲା। ଏସଡିଓପିଙ୍କ ଅନୁସାରେ ରବିବାର ସନ୍ଧ୍ୟା ୪ଟାବେଳେ ସାହିଲଙ୍କ ସାଙ୍ଗମାନେ ତାକୁ ନେବାକୁ ଘରକୁ ଆସିଥିଲେ। ଏହାପରେ ତାଙ୍କୁ ହତ୍ୟା କରାଯାଇଥିଲା।

କିଛି ସମୟ ଖେଳିବା ପରେ ପିଲାମାନେ ଆମ୍ବ ଖାଇବାକୁ ମନ ବଳାଇଲେ। ପାଖରେ ଥିବା ଆମ୍ବଗଛ ଉପରକୁ ଗୋଟିଏ ପିଲା ଚଢ଼ିଥିଲା ଏବଂ ଗୋଟି ଗୋଟି ଆମ୍ବ ତୋଳି ତଳେ ପକାଇଥିଲା। ସାହିଲ କିଛି ଆମ୍ବ ଖାଇଦେଇଥିଲା। ଏହି କାରଣରୁ ତା’ର ଆଉ ଦୁଇ ଜଣ ସାଙ୍ଗ ରାଗିଯାଇଥିଲେ।

ଉଭୟଙ୍କ ମଧ୍ୟରେ ଆମ୍ବକୁ ନେଇ ବିବାଦ ସୃଷ୍ଟି ହୋଇଥିଲା। କଥା ଏତେ ବଢ଼ିଯାଇଥିଲା ଯେ ମାରପିଟ ଆରମ୍ଭ ହୋଇଯାଇଥିଲା। ସାହିଲର ପକେଟରେ ଗୋଟିଏ ସ୍କୃ ଡ୍ରାଇଭର ଥିଲା। ତାକୁ ସେହି ପିଲାଟି ଛଡ଼ାଇ ନେଇ ଯାଇଥିଲା ଏବଂ ସାହିଲର ଆଖିରେ ଫୁଟାଇବାକୁ ଲାଗିଥିଲା। ଏମିତି ଆକ୍ରମଣ କରି ସାହିଲର ଦୁଇଟି ଆଖିକୁ ସେହି ପିଲାଟି ଫୁଟାଇଦେଇଥିଲା। ସାହିଲଙ୍କ ମୁଣ୍ଡରେ ମଧ୍ୟ ଅନେକ ଥର ସ୍କୃ ଡ୍ରାଇଭର ମାଡ଼ ହୋଇଥିଲା।

ସାହିଲଙ୍କ ଶରୀରରୁ ଅତ୍ୟନ୍ତ ରକ୍ତସ୍ରାବ ହେଉଥିଲା। ଆକ୍ରମଣ କରୁଥିବା ପିଲାଟିର ୮ବର୍ଷର ଭାଇ ମଧ୍ୟ ତା’ ସାଥିରେ ଥିଲା। ଦୁଇ ଭାଇ ମିଶି ସାହିଲଙ୍କୁ ପୋଖରୀରେ ଫିଙ୍ଗି ଦେଇଥିଲେ। ଦୁହେଁ ତା’ ଶରୀରରେ ବୋହୁଥିବା ରକ୍ତକୁ ଦେଖି ଡରିଯାଇଥିଲେ। ଏହି ସମୟରେ ଅନ୍ୟ ୩ଜଣ ଡରିଯାଇଥିଲେ ଏବଂ ଚୁପଚାପ୍ ଘଟଣା ଘଟୁଥିବା ଦେଖିଥିଲେ।

   Related Posts