ବାଲିପାଟଣା, ୨୨|୧୦ : ଖୋର୍ଦ୍ଧା ଜିଲ୍ଲା ବାଲିପାଟଣା ଥାନା ନିମାପଡ଼ା ବ୍ରାଞ୍ଚ କେନାଲ ଅଠାନ୍ତରରୁ ଜଣେ ବୃଦ୍ଧାଙ୍କର ମୃତ ଦେହ ଉଦ୍ଧାର ହୋଇଛି । ମୃତକ ହେଉଛନ୍ତି କାକରୁଦ୍ରପୁର ଗ୍ରାମର ୮୨ ବର୍ଷିୟ ପାନ ବେହେରା ।
ସୂଚନାନୁସାରେ, ଗୁରୁବାର ଭୋର୍ ସମୟରେ ପାନ କେନାଲରେ ଗାଧୋଇବାକୁ ଯାଉଥିଲେ । ଗାଧୋଇବା ବେଳେ ସେ ନିଖୋଜ ହୋଇଯାଇଥିଲେ । ବାଲିପାଟଣା ଅଗ୍ନିଶମ ବାହିନୀ କେନାଲରେ ଖୋଜି ଖୋଜି କରିଥିଲେ ମଧ୍ୟ ତାଙ୍କୁ ଠାବ କରିପାରି ନ ଥିଲେ । ଶୁକ୍ରବାର ସକାଳେ ମୃତଦେହ କେନାଲରେ ଭାସୁଥିବା ଲୋକେ ଦେଖିବାକୁ ପାଇଥିଲେ । ଏନେଇ ସେମାନେ ପୋଲିସକୁ ଖବର ଦେଇଥିଲେ । ବାଲିପାଟଣା ପୋଲିସ ମୃତଦେହ ଉଦ୍ଧାର କରି ତଦନ୍ତ ଆରମ୍ଭ କରିଛି ।