ଭୁବନେଶ୍ବର ୬।୪: ଧଳା ଜହର ବେପାରର ନୂଆ ଟ୍ରେଣ୍ଡ । ରାଜଧାନୀରୁ ହାଇ ସ୍ପିଡ୍ ବାଇକ୍ ଲୁଟିବେ ତାପରେ ବ୍ରାଉନସୁଗାର ବିକ୍ରି କରିବେ । ରାଜଧାନୀରେ ବାଇକ୍ ଲୁଟ୍ କରି ସେହି ବାଇକ୍ ଦ୍ବାରା ଧଳା ଜହରକୁ ଅସଲ ଠିକଣାରେ ପହଞ୍ଚାଉଛନ୍ତି ବ୍ରାଉନସୁଗର ଦଲାଲ୍ । ଜଟଣୀରେ ଏଭଳି ବ୍ରାଉନସୁଗାର ବେପାରୀଙ୍କୁ ଧରିବା ପରେ ଖୋଲିଛି ଅସଲ କାହାଣୀ । ସମାନ ଢଙ୍ଗରେ ଆପୋଲେ ହସପିଟାଲ ପାର୍କିଂରୁ ବାଇକ୍ ଲୁଟି ନେଇ ଫେରାର ହୋଇଯାଇଥିବା ଲୁଟେରାମାନେ ଏଭଳି ଧଳାଜହର ବିକ୍ରି କରିବାକୁ ଟାର୍ଗେଟ୍ କରିଛନ୍ତି ।
{"id":434167,"sizeSlug":"large","linkDestination":"none"}ଅନ୍ୟପଟେ ରାଜଧାନୀରେ ବଢୁଥିବା ବାଇକ୍ ଲୁଟରୋଙ୍କୁ କାବୁ କରିବାକୁ ସ୍ବତନ୍ତ୍ର ଅଭିଯାନ ଆରମ୍ଭ କରିଛି କମିଶନରେଟ୍ ପୋଲିସ । ଏମାନଙ୍କଠାରୁ ଜବତ ହୋଇଥିବା ବାଇକ୍ ସବୁ ଲୁଟ୍ ହୋଇଛି । କେବଳ ଭୁବନେଶ୍ବର ନୁହେଁ ଜିଲ୍ଲା ବାହାରୁ ମଧ୍ୟ ଗାଡି ଚୋରି କରି ଏବେ ଧଳାଜହର ବିକ୍ରି କରୁଛନ୍ତି । ସ୍ବତନ୍ତ୍ର ସ୍କ୍ବାଡ୍ ହାତରେ ଧରାପଡିଛନ୍ତି କୁଖ୍ୟାତ ଧଳାଜହର ମାଫିଆ ନନ୍ଦୁ ଓ ଜଗନ । ଏମାନଙ୍କଠାରୁ ବ୍ରାଉନସୁଗାର ସମେତ ଦୁଇଟି ବାଇକ୍ ଓ ୪୫ ହଜାର ଟଙ୍କା ଜବତ ହୋଇଛି । ସେହିପରି ଖଣ୍ଡଗିରି ଓ ଲିଙ୍ଗରାଜ ଥାନା ଭଳି ଅନେକ ଥାନାରେ ଧଳାଜହର ମାଫିଆଙ୍କ ସହ ବାଇକ୍ ଲୁଟେରାଙ୍କ କାବୁ କରାଯାଇଛି । ତେବେ ଆଗକୁ ଏଭଳି ଅଭିଯାନକୁ ଜୋରଦାର କରାଯିବ ବୋଲି ଡିସିପି କହିଛନ୍ତି ।