ଭଦ୍ରକ, ୦୮|୦୯ : ଦିନରେ ପେଟ୍ରୋଲିଂ ବେଳେ ବ୍ରାଉନସୁଗାର ବେପାରୀଙ୍କୁ ଗୋଡାଇ ଗୋଡାଇ ଧରିଲା ପୋଲିସ । ୨ ଜଣ ବେପାରୀଙ୍କୁ ଗିରଫ ମଧ୍ୟ କରିଛି ଭଦ୍ରକ ଗ୍ରାମାଞ୍ଚଳ ଥାନା ପୋଲିସ ।
ଏହି ଦୁଇ ବ୍ରାଉନସୁଗାର ବେପାରୀ ପୋଲିସକୁ ଦେଖି ପଳାଇଯାଉଥିବା ବେଳେ ଭଦ୍ରକ ଗ୍ରାମାଞ୍ଚଳ ପୋଲିସ ସେମାନଙ୍କୁ ଗିରଫ କରିଛି । ଦୁଇ ଜଣଙ୍କ ନିକଟରୁ ୩୦ ଗ୍ରାମର ବ୍ରାଉନସୁଗାର ସହ ଗୋଟିଏ ବାଇକ ଓ ଦୁଇଟି ମୋବାଇଲ ଜବତ କରାଯାଇଛି ।
ଗିରଫ ଦୁଇଜଣ ହେଲେ ବନମାଳୀ ମଲ୍ଲିକ ଓ ଭରତ ମଲ୍ଲିକ । ଏହି ଦୁଇଜଣ ବଉଳପୋଖରୀ ଗାଁର । ପୋଲିସକୁ ଦେଖି ଦୁଇ ଜଣ ବାଇକ ଯୋଗେ ଖସିଯାଉଥିବା ବେଳେ ଗ୍ରାମାଞ୍ଚଳ ପୋଲିସ ସେମାନଙ୍କୁ ପିଛା କରିଥିଲା । ଜଗଦଲପୁର ନିକଟ ରାଣୀତାଲ କେନାଲ ରୋଡ ନିକଟରେ କାବୁ କରିଥିଲା ପୋଲିସ ।
ଏ ନେଇ ଗ୍ରାମାଞ୍ଚଳ ଥାନାଧିକାରୀଙ୍କ ରିପୋର୍ଟ ଅନୁଯାୟୀ ଥାନା ରେ ୫୨୭ / ୨୦ ନମ୍ବର ମାମଲା ରୁଜୁ ହୋଇଛି । ଏନଡ଼ିପିଏସ ଆଇନ ଅନୁସାରେ ମାମଲା ରୁଜ ହେବା ସହ ରାକେଟ କୁ ଧରିବା ପାଇଁ ତନାଘନା ଆରମ୍ଭ ହୋଇଛି ।