Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ଧଳା ଜହର କବଜାରେ ରାଜଧାନୀ, ମାସକ ଭିତରେ ଧରା ପଡିଲାଣି କୋଟିଏ ଟଙ୍କାର ବ୍ରାଉନ ସୁଗାର, ବେପାରୀ ଗିରଫ

4/12/2018 at 6:34 PM

ଭୁବନେଶ୍ବର ୪|୧୨: ରାଜଧାନୀରୁ ପୁଣି ଜବତ ହେଲା ଧଳା ଜହର । ଏଥର ୫୭ ଗ୍ରାମ ବ୍ରାଉନ ସୁଗାର ଜବତ କରିଛି ଅବକାରୀ ଗୁଇନ୍ଦା ବିଭାଗ । ଯାହାର ମୁଲ୍ୟ ପ୍ରାୟ ୬ ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣା ପଡିଛି । ବ୍ରାଉନ ସୁଗାର ବେପାର କରୁଥିବା ବାପି ନାଏକକୁ ଗିରଫ କରିଛି ଅବକାରୀ ବିଭାଗ ।

ରାଜଧାନୀରେ ଚୋରା ବ୍ରାଉନ ସୁଗାର ବେପାର ବନ୍ଦ ହେବାର ନାଁ ଧରୁନାହିଁ । ମଙ୍ଗଳବାର ପୁଣି ରାଜଧାନୀର ମଞ୍ଚେଶ୍ବର ନିକଟରୁ ୫୭ ଗ୍ରାମ ଧଳା ଜହର ଜବତ କରାଯାଇଛି । ପୁର୍ବ ସୁଚନା ଅନୁଯାଇ ବାପି ନାଏକ ପ୍ରତିଦିନ ଭଳି ଏକ ସ୍କୁଟିରେ ବ୍ରାଉନ ସୁଗାର ଆଣି ବେପାର ଆରମ୍ଭ କରିଦେଇଥିଲା । ଅବକାରୀ ବିଭାଗର ଗୁଇନ୍ଦା କର୍ମଚାରୀମାନେ ବାପି ନିକଟରୁ ଧଳା ଜହର କିଣିବାକୁ ଗ୍ରାହକ ହୋଇ ପହଁଚିଥିଲେ । ବାପି ସେମାନଙ୍କୁ ଗାଡି ଡିକିରେ ରଖିଥିବା ପୁଡିଆ ବାହାର କରି ଦେବା ସମୟରେ ଚାରି ପଟୁ ବାପିକୁ ମାଡିବସିଥିଲେ ଅବକାରୀ ବିଭାଗର କର୍ମଚାରୀ । ତା ନିକଟରୁ ୬ ଲକ୍ଷ ଟଙ୍କାରୁ ଅଧିକ ଟଙ୍କାର ବ୍ରାଉନ ସୁଗାର ଜବତ କରିବା ସହିତ ବାପିକୁ ଗିରଫ କରାଯାଇଥିଲା ।

କମ ସମୟରେ କମ ଅର୍ଥ ଖର୍ଚ୍ଚ କରି ଅଧିକ ଲାଭ ପାଇବା ଆଶାରେ ଏହି ଧଳା ଜହରକୁ ବେପାରୀ ମାନେ ବିକ୍ରୀ କରି ଚାଲିଛନ୍ତି । ଯାହାର କବଳରେ ପଡିଛନ୍ତି ଯୁବ ପିଢି ।  ହୋଇ ଏହି ଧଳା ଜହର ପାଇଁ ବିଭିନ୍ନ ଅପରାଧ ମଧ୍ୟ ଘଟାଇ ଚାଲିଛନ୍ତି । ଗତ ମାସ ୩୦ ତାରିଖରେ ଖଣ୍ଡଗିରି ଥାନା ପୋଲିସ ଧରିଥିବା ଲୁଟେରାଙ୍କ ନିକଟରୁ ୪୦ ଗ୍ରାମ ବ୍ରାଉନ ସୁଗାର ଜବତ କରିବା ସହିତ ଦୁଇଜଣ ଅପରାଧିଙ୍କୁ ଗିରଫ କରିଥିଲା । ସେହିଭଳି ଗତ ମାସ ୨୧ ତାରିଖରେ ବରମୁଣ୍ଡା ନିକଟରୁ କଟକ ଅବକାରୀ ଫ୍ଲାଇଁଙ୍ଗ ସ୍କ୍ବାର୍ଡ ଦୁଇଜଣଙ୍କୁ ଗିରଫ କରିବା ସହିତ ସେମାନଙ୍କ ନିକଟରୁ ଗୋଟିଏ ସ୍କୁଟି ସହ ୨୭ ଗ୍ରାମ ବ୍ରାଉନ ସୁଗାର ଓ ୩୦ ହଜାର ଟଙ୍କା ଜବତ କରିଥିଲା । ଗତ ମାସ ୧୦ ତାରିଖ ଦିନ ଅବକାରୀ ବିଭାଗର ଫ୍ଲାଇଙ୍ଗସ୍କ୍ବାର୍ଡ ୧୯୫ ଗ୍ରାମ ବ୍ରାଉନ ସୁଗାର ଜବତ କରିବା ସହିତ ସାଲିଆ ସାହିରୁ ଦୁଇଜଣଙ୍କୁ ଗିରଫ କରିବାରେ ସକ୍ଷମ ହୋଇଥିଲା । ଗତ କିଛିଦିନ ମଧ୍ୟରେ ଲକ୍ଷାଧିକ ଟଙ୍କାର ଧଳା ଜହର ଜବତ କରାଯାଇଥିଲେ ମଧ୍ୟ ଏହି ବେପାର ବନ୍ଦ ହେବାର ନାଁ ଧରୁନାହିଁ ।

   Related Posts