ଖୋର୍ଦ୍ଧା ୧୫।୯: ଜଳେଶ୍ବରରୁ ଖୋର୍ଦ୍ଧା ଯାଏଁ ଲମ୍ବିଛି ବ୍ରାଉନସୁଗାର ଚାଲାଣ ଚେର। ବ୍ରାଉନସୁଗାର ରାକେଟ୍ ର ପର୍ଦ୍ଦାଫାଶ କରିବାରେ ବାଲେଶ୍ବର ସହଦେବଖୁଣ୍ଟା ପୋଲିସକୁ ମିଳିଛି ବଡ ସଫଳତା। ଗତକାଲି ସଂଧ୍ୟାରେ ଚଢାଉ କରି ଦେଢ କିଲୋ ବ୍ରାଉନସୁଗାର ଜବତ କରିଛି । ଯାହାର ଆନୁମାନିକ ବଜାର ମୂଲ୍ୟ ଦେଢ କୋଟି ଟଙ୍କା ହେବ ।
{"id":157856}ଜଳେଶ୍ବରରୁ ଖୋର୍ଦ୍ଧାକୁ ଏତେ ପରିମାଣର ବ୍ରାଉନ ସୁଗାର ଆସୁଥିବା ଖବର ପାଇବା ପରେ ପୋଲିସ ସବୁସ୍ଥାନରେ ଜଗି ରହିଥିଲା । ସହଦେବଖୁଣ୍ଟା ଅଧୀନ ନୂଆବଜାରରେ ପୋଲିସ ଛାପା ମାରିଥିଲା। ମାଫିଆଙ୍କ ପାଖରୁ ପୋଲିସ ଦେଢ କିଲୋ ବ୍ରାଉନସୁଗାର ଜବତ କରିବା ସହ ଜଣଙ୍କୁ କାବୁ କରିବାରେ ସଫଳ ହୋଇଥିଲା । ଅନ୍ୟ ୨ଜଣ ଖସି ପଳାଇଥିଲେ ।
{"id":157857}ପରେ ଜଳେଶ୍ବର ପୋଲିସ ସେହି ୨ ମାଫିଆଙ୍କୁ ଜଳେଶ୍ବରରେ ଧରିଥିଲା । ସେମାନଙ୍କ ନିକଟରୁ ୯ଲକ୍ଷ ୪୩ହଜାର ନଗଦ ଟଙ୍କା ପୋଲିସ ଜବତ କରିଛି । ଗୋଟିଏ ବାଇକ୍ ମଧ୍ୟ ଜବତ କରିଛି। ଅଭିଯୁକ୍ତ ୨ ଯୁବକ ହେଉଛନ୍ତି ଜଳେଶ୍ବର ଥାନା ଅନ୍ତର୍ଗତ ରାଜପୁର ଗ୍ରାମର ସେଖ ହାଇଦର ଅଲ୍ଲି ଓ ବାଲିଆପାଳ ଥାନା ଅନ୍ତର୍ଗତ ମନୋଜ କୁମାର ସାହୁ। ସେପଟେ ବାଲେଶ୍ବରରେ ଅଟକ ଥିବା ଯୁବକର ଘର ଅଡ଼ର ବଜାରରେ ବୋଲି ଜଣାପଡିଛି।