ସମ୍ବଲପୁର, ୦୯/୦୪: ସମ୍ବଲପୁର ପୋଲିସକୁ ବଡ ସଫଳତା । ଧରାପଡିଲେ ୩ ବ୍ରାଉନ ସୁଗାର ବେପାରୀ । ସମ୍ବଲପୁର ଟାଉନଥାନା ପୋଲିସ ଦ୍ୱାରା ସମ୍ବଲପୁର ସାହୁ କଲୋନୀରୁ ୭.୬ ଗ୍ରାମ ବ୍ରାଉନ ସୁଗାର ଜବତ କରାଯାଇଛି ।
ଏହି ଘଟଣାରେ ପୋଲିସ ୩ ଜଣଙ୍କୁ ଗିରଫ କରିଛି । ଅଭିଯୁକ୍ତମାନେ ହେଲେ ସମ୍ବଲପୁର ମୋତିଝରଣର ମହମ୍ମଦ ଆରିଫ, ଚାରଭାଟିର ବିକାଶ ଡୁଡକିଆ ଓ ପଟ୍ଟାନାୟକପାଦର ବଣ୍ଟି ପ୍ରଧାନ । ଏମାନଙ୍କଠାରୁ ପୋଲିସ ପ୍ରାୟ ୧ ଲକ୍ଷ ୫୦ ହଜାର ଟଙ୍କାର ବ୍ରାଉନ ସୁଗର ଜବତ କରିଛି | ଏହା ସହ ୨ଟି ମୋଟର ସାଇକେଲ, ତିନୋଟି ମୋବାଇଲ ଫୋନ, ୩୭୪୦ ଟଙ୍କା ଜବତ କରାଯାଇଛି ।
ଗିରଫ ଅଭିଯୁକ୍ତମାନେ ସହରର ବିଭିନ୍ନ ଡ୍ରଗସ ସେବନକାରୀଙ୍କୁ ଏହା ବିକ୍ରୟ କରିବା ପାଇଁ ଯୋଜନା କରିଥିଲେ ବୋଲି ପୋଲିସ କହିଛି ।
