Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ଭିଣୋଇ ସମେତ ଶ୍ବଶୁର ଘର ଲୋକଙ୍କୁ ନିଶା ଖୁଆଇ ଭଉଣୀକୁ ଅପହରଣ କଲା ଭାଇ

15/06/2019 at 11:11 AM

ଲୁଧିଆନା ୧୫/୬: ଲୁଧିଆନାର ହକିକତ ନଗର ଅଞ୍ଚଳରେ ଜଣେ ବ୍ୟକ୍ତି ନିଜ ଭିଣୋଇ ଏବଂ ତାଙ୍କ ପରିବାରକୁ ନିଶା ମିଶାଯାଇଥିବା ମିଠା ଖୁଆଇ ବେହୋଶ କରି ଦେଇଥିଲା ଏବଂ ତା’ପରେ ଭଉଣୀକୁ ଅପହରଣ କରିଥିଲା। ପୀଡ଼ିତ ପରିବାରକୁ ଯେତେବେଳେ ହୋଶ ଆସିଥିଲା ସେତେବେଳେ ଘଟଣା ବିଷୟରେ ଜଣା ପଡ଼ିଥିଲା। ଏହାପରେ ପରିବାର ଲୋକେ ହୈବୋବାଲ ଥାନାରେ ଅଭିଯୋଗ କରିଥିଲେ। ଘଟଣାସ୍ଥଳରେ ପୋଲିସ୍ ପହଞ୍ଚି ଅଭିଯୁକ୍ତ ଅଜୟ ବାଜିଗର ଏବଂ ଅଜଣା ବ୍ୟକ୍ତି ବିରୋଧରେ ମାମଲା ରୁଜୁ କରିଛି।

ପୀଡ଼ିତଙ୍କ ନାଁ ହେଉଛି ଜୟ ମସିହ। ତାଙ୍କ କହିବାନୁସାରେ ସେ ବିଦ୍ୟୁତ୍ ମେକାନିକ୍। ତା’ ଘରେ ମାଆ,ଭଉଣୀ ଏବଂ ଭାଇ ଅଛନ୍ତି। ୨ବର୍ଷ ପୂର୍ବରୁ ତା’ର ଫେସବୁକ୍ ଜରିଆରେ ହରିୟାଣା ସିରସାର ସୁନିତା ରାଣୀ ନାମ୍ନୀ ଯୁବତୀ ସହ କଥାବାର୍ତ୍ତା ହୋଇଥିଲେ। ଏହାପରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ସ୍ଥାପନ ହୋଇଥିଲା। ଦୁହେଁ ସେମାନଙ୍କ ପରିବାର ଆଗରେ ନିଜର କଥା ରଖିଥିଲେ। ତାଙ୍କ ପରିବାର ଲୋକେ ମାନିଯାଇଥିଲେ,କିନ୍ତୁ ସୁନିତାଙ୍କ ପରିବାର ଲୋକେ ମନା କରିଦେଇଥିଲେ। ଏହା ସତ୍ତେ ସେମାନେ ଦେଖା କରୁଥିଲେ। ୨୦୧୯ମସିହା ମାର୍ଚ୍ଚ ମାସରେ ଦୁହେଁ କୋର୍ଟ ମ୍ୟାରେଜ କରିଥିଲେ।

ସୁନିତାଙ୍କ ପରିବାର ଲୋକେ ଏବିଷୟରେ ଜାଣିପାରିବାରୁ ସେମାନେ ତାଙ୍କୁ ଜୀବନରେ ମାରିଦେବାକୁ ଧମକ ଦେଇଥିଲେ ଏବଂ ଅନେକ ଥର ତାଙ୍କ ଘରକୁ ଆସି ମଧ୍ୟ ଧମକାଇଥିଲେ। ଜୟଙ୍କ କହିବାନୁସାରେ ଜୁନ୍ ୧୨ତାରିଖରେ ତାଙ୍କ ଶଳା ଅଜୟ ସନ୍ଧ୍ୟାରେ ତାଙ୍କ ଘରକୁ ଆସିଥିଲା। ସେ ଆସି କହିଥିଲା ସେ ସମସ୍ତେ ରାଗ ଦୂର କରିଦିଆନ୍ତୁ,ନିଜ ସହ ଆଣିଥିବା ମିଠା ଡବାରୁ ସେ ଜୟ,ତାଙ୍କ ମାଆ,ଭଉଣୀ,ଭିଣୋଇ ଏବଂ ଭାଇ ଏବଂ ସମସ୍ତଙ୍କୁ ମିଠା ଦେଇଥିଲା ଏବଂ ତା’ପରେ ନିଜ ଭଉଣୀକୁ ମଧ୍ୟ ମିଠା ଦେଇଥିଲା।

ଏହାପରେ ସମସ୍ତେ ବେହୋଶ ହୋଇଯାଇଥିଲେ। ଜୁନ୍ ୧୩ତାରିଖରେ ସକାଳେ ଯେତେବେଳେ ଜୟ ଉଠିଥିଲେ ତାଙ୍କ ପୂରା ପରିବାର ବେହୋଶ ଥିଲା। କିନ୍ତୁ ତାଙ୍କ ପତ୍ନୀ ସୁନିତା ଏବଂ ଶଳା ଘରେ ନଥିଲେ। ତାଙ୍କ ପଡ଼ୋଶୀଙ୍କ କହିବାନୁସାରେ ସକାଳ ୫ଟାବେଳେ କିଛି ଲୋକ ତାଙ୍କ ଘରୁ କଳା ରଙ୍ଗର ବ୍ୟାଗରେ କୈାଣସି ଭାରି ଜିନିଷ ଉଠାଇ ନେଇ ଯାଉଥିଲେ। ଏହାକୁ ସେମାନେ ଗାଡ଼ିରେ ପୂରାଇ ନେଇଯାଇଥିଲେ। ଜୟଙ୍କ କହିବାନୁସାରେ ତାଙ୍କ ଶଳା ହିଁ ତାଙ୍କ ପତ୍ନୀଙ୍କୁ ଅପହରଣ କରି ନେଇଯାଇଥିଲେ।

   Related Posts