ori homes
raja reels contest
raja reels contest
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୯ କୋଭିଡ୍ ପଜିଟିଭ୍
  • ||

ମୋହନା ଦୁଇ ଭଉଣୀ ହତ୍ୟା ଘଟଣା : ଅଶ୍ଳୀଳ ଫଟୋ ଭାଇରାଲ କରିଥିବା ଅଭିଯୋଗରେ ଭିଣୋଇ ଗିରଫ

2/10/2018 at 11:33 AM

ଗଜପତି ଜିଲ୍ଲା ଆର.ଉଦୟଗିରି ଥାନା ଛେଳିଗଡ ଗାଁରେ ବାଡିକୁଅରୁ ୨ ଭଉଣି ସ୍ବପ୍ନା ଓ କିରଣର ମୃତଦେହ ଉଦ୍ଧାର ଘଟଣାର ଭିନ୍ନମୋଡ ନେଇଛି । ପ୍ରଥମରୁ ଏହା ଆତ୍ମହତ୍ୟା ବୋଲି ପରିବାର ଲୋକେ ଅଭିଯୋଗ କରୁଥିବା ବେଳେ ଏହା ଏକ ଯୋଜନାବଦ୍ଧ ହତ୍ୟାକାଣ୍ତ ବୋଲି ପୋଲିସ କହିଛି । ଆଜି ଆର.ଉଦୟଗିରି ଥାନାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏସ.ଡି.ପି.ଓ ଏହି ସୂଚନା ଦେଇଛନ୍ତି । ୨ ଝିଅକୁ ବାପା ପ୍ରମୋଦ ଆଚାରି ଓ ମା ରାଜେଶ୍ବରୀ ବିଷ ଦେଇ ହତ୍ୟା କରିବା ପରେ ଆତ୍ମହତ୍ୟାର ରୂପ ଦେବାପାଇଁ ନିଜଘର ବାଡିରେ ଥିବା କୂଅରେ ପକାଇଦେଇଥିଲେ । ଆଜି ପୋଲିସ୍ ଭିଣୋଇ ଗଣେଶ ସାହୁଙ୍କୁ ଗିରଫ କରିଛି। ଶନିବାର ସକାଳେ  ପୁଲିସ ଘଟଣା ସ୍ଥଳରେ ପହଂତି କୁଅରୁ ମୃତଦେହ ଘଟଣାର ଛାନଭିନ କରୁଥିଲା । ଅନ୍ୟପଟେ ପ୍ରମୋଦ ତାଙ୍କ ଝିଅ ସ୍ବପ୍ନାର ବିବାହ ପ୍ରସ୍ତାବ ଭାଙ୍ଗିଯିବାରୁ ୨ ଝିଅ କୁଅରେ ଡେଇଁ ଆତ୍ମହତ୍ୟା କରିଥିବା ଥାନାରେ ଅଭିଯୋଗ କରିଥିଲେ । ସ୍ବପ୍ନାର ବିବାହ ଭୂବନେଶ୍ବରରେ ଠିକ ହୋଇଥିବାବେଳେ ନିର୍ବନ୍ଧ ମଧ୍ୟ ସରିଥିଲା । ତେବେ ତାଙ୍କ ଗାଁରେ ରହୁଥିବା ଜ୍ବାଇଁ ଗଣେଶ ଓ ଝିଅ ପ୍ରିୟା ଭାବି ଜ୍ବାଇଁଙ୍କ ପାଖକୁ ସ୍ବପ୍ନାର ଅଶ୍ଳିଳ ଫଟୋ ସୋସିଆଲ ମିଡିଆରେ ପଠାଇବା ସହ ସ୍ବପ୍ନାର ଚରିତ୍ର ଠିକ ନୁହେଁ ବୋଲି ଗଣେଶ ଫୋନରେ କହିଥିଲେ । ଏସଂପର୍କରେ ଭାବି ଜ୍ବାଇଁ ପ୍ରମୋଦଙ୍କୁ ଜଣାଇଥିଲେ । ବିବାହ ପ୍ରସ୍ତାବରେ ଆଉ ରାଜି ନଥିବା ମଧ୍ୟ କହିଥିଲେ । ଏହାପରେ ବାପା ଓ ମା ଭାଙ୍ଗିପଡିଥିଲେ। ଶୁକ୍ରବାର ବିଳମ୍ବିତ ରାତିରେ ବାପା , ମା ୨ ଟି ଗ୍ଲାସରେ ବିଷ ଆଣି ୨ ଝିଅ ସ୍ବପ୍ନା ଓ କିରଣକୁ ପାଖରେ ବସାଇ ଏହା ତମେ ପିଇବ ନା ଆମେ ପିଇବୁ କହିଥିଲେ । ତେବେ ୨ ଝିଅ ବିଷପିଇଥିଲେ ବୋଲି ସ୍ବିକାର କରିଛନ୍ତି ବାପା , ମା । କିଛି ସମୟ ପରେ ବେହୋସ ଅବସ୍ଥାରେ ୨ ଝିଅକୁ କୂଅରେ ପକାଇ ଦେଇଥିଲେ ବାପା , ମା ।

ହତ୍ୟାକାରୀ ବାପା ଓ ମାଙ୍କୁ ପୋଲିସ୍ ଗିରଫ କରି କୋର୍ଟଚାଲାଣ କରିଥିବାବେଳେ ଆଜି ଅଶ୍ଳୀଳ ଫଟୋ ଭାଇରାଲ କରିଥିବା ଅଭିଯୋଗରେ ଭିଣୋଇ ଗଣେଶ ସାହୁଙ୍କୁ ପୋଲିସ୍ ଗିରଫ କରିଛି।

   Related Posts