Tuesday, April 23, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ଟ୍ରେନ୍ ଆଗକୁ ଡେଇଁ ଦିଅର ଭାଉଜ ଏକା ସାଂଗରେ କଲେ ଆତ୍ମହତ୍ୟା

କୈାଶାମ୍ବୀ ୧୫/୪: ଦିଲ୍ଲୀ-ହାଓଡ଼ା ମୁଖ୍ୟ ରେଳ ମାର୍ଗରେ ରବିବାର ଦ୍ବିପ୍ରହରରେ ଦିଅର-ଭାଉଜ ଟ୍ରେନ୍ ଆଗକୁ ଡେଇଁ ଆତ୍ମହତ୍ୟା କରିଛନ୍ତି। ପୋଲିସର ସୂଚନା ଅନୁସାରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଥିଲା ଏବଂ ପରିବାର ଲୋକେ ଏହାକୁ ବିରୋଧ କରୁଥିଲେ। ଏଥିପାଇଁ ଦୁହେଁ ଆତ୍ମହତ୍ୟା ଭଳି ଚରମ ପଦକ୍ଷେପ ନେଇଥିଲେ। ବର୍ତ୍ତମାନ ପୋଲିସ୍ ଶବକୁ ପୋଷ୍ଟମର୍ଟମ ପାଇଁ ପଠାଇ ତଦନ୍ତ ଆରମ୍ଭ କରିଛି।

ବିଦନପୁର ପାଖରେ କୋଖରାଜ କୋଟଓ୍ବାଲି ଅଞ୍ଚଳର ନିଧିୟାଓ୍ବା ଗାଁର ଅରୁଣ କୁମାରଙ୍କ ପୁଅ ରଜ୍ଜୁ ପାଲ(୨୦) କାନପୁରର ଏକ ମିଠା ଫ୍ୟାକ୍ଟ୍ରିରେ କାମ କରୁଥିଲେ। ସେ ଦୁଇ ଦିନ ତଳେ କାନପୁରରୁ ଘରକୁ ଆସିଥିଲେ। ରବିବାର ଦ୍ବିପ୍ରହରରେ ପାଖାପାଖି ୧ଟାବେଳେ ସେ ଦାଦାପୁଅ ଭାଇ ସୁଙ୍ଗୀଲାଲଙ୍କ ସ୍ତ୍ରୀ ସନ୍ନୋ ଦେବୀ(୩୫)ଙ୍କ ସହ ବିଦନପୁର ରେଲଓ୍ବେ ଷ୍ଟେସନ ପାଖରେ ପହଞ୍ଚିଥିଲେ। କିଛି ସମୟ ପରେ ଦୁହେଁ ରେଲଓ୍ବେ ଟ୍ରାକ୍ ପାଖରେ ପହଞ୍ଚି କାନପୁରରୁ ପ୍ରୟାଗରାଜ ଆଡ଼କୁ ଯାଉଥିବା ଟ୍ରେନ୍ ଆଗକୁ ଡେଇଁଥିଲେ। ଫଳରେ ଘଟଣାସ୍ଥଳରେ ଉଭୟଙ୍କ ମୃତ୍ୟୁ ହୋଇଥିଲା।

ସୂଚନା ପାଇ ପୋଲିସ୍ ଏବଂ ତାଙ୍କ ପରିବାର ଲୋକେ ମଧ୍ୟ ପହଞ୍ଚିଯାଇଥିଲେ। ପରିବାର ଲୋକଙ୍କୁ ପଚରାଉଚୁରା କରିବା ପରେ ଉଭୟଙ୍କ ଶବକୁ ପୋଷ୍ଟମର୍ଟମ୍ ପାଇଁ ପଠାଇ ଦିଆଯାଇଥିଲା।    

838 Views

   ସମ୍ବନ୍ଧିତ ଖବର