Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||
  • ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ୧୨ ବିରୋଧି ଦଳ, ମାଗଣା ଟିକା ସହ ବେରୋଜଗାରୀଙ୍କୁ ଭତ୍ତା ଦେବାକୁ ରଖିଲେ ଦାବି
  • ||
  • ପଶ୍ଚିମ ଓଡିଶାରେ କରୋନା ପରିଚାଳନା ଦାୟିତ୍ୱ ନେବ ଡବ୍ଲ୍ୟୁଓଡିସି, ୧୦ ଜିଲ୍ଲାକୁ ଦେଲା ୨୫ କୋଟି ଟଙ୍କା
  • ||
  • ଅମାନିଆଙ୍କୁ ସାବାଡ୍ କରିବାକୁ ଯାଇଥିଲେ, ତହସିଲଦାରଙ୍କୁ ବାଟୁଳି ମାଡ କଲେ ଲୋକେ
  • ||
  • କବର ଦେବାକୁ ଘରେ ନଥିଲେ କେହି ପୁରୁଷ, ପିପିଇ କିଟ୍ ପିନ୍ଧି ମୁସଲିମ୍ ବୃଦ୍ଧଙ୍କ ଶେଷକୃତ୍ୟ ସମ୍ପନ୍ନ କଲେ ବିଡିଓ
  • ||
  • ପୃଥିବୀରେ ହେବ ଉଲକା ବର୍ଷା, ଏହି ଦିନ ଆକାଶରେ ଦେଖିବାକୁ ମିଳିବ ଦୁର୍ଲଭ ଦୃଶ୍ୟ…
  • ||

କରୋନାରେ ଖୁସି ଖବର : ମା’ ହେଲେ ବ୍ରିଟେନ୍ ପ୍ରଧାନମନ୍ତ୍ରୀ ବୋରିସ୍ ଜନସନଙ୍କ ପ୍ରେମିକା

29/04/2020 at 4:57 PM

ଲଣ୍ଡନ ୨୯।୪: ବ୍ରିଟେନର ପ୍ରଧାନମନ୍ତ୍ରୀ ବୋରିସ୍ ଜନସନ କରୋନା ସଂକ୍ରମଣରୁ ସୁସ୍ଥ ହୋଇ ଫେରିବା ପରେ ତାଙ୍କ ପାଇଁ ଆଉ ଏକ ଖୁସିର ଖବର । ସେ ବାପା ହେବାର ସୌଭାଗ୍ୟଲାଭ କରିଛନ୍ତି । ବୋରିସ୍ ଜନସନଙ୍କ ଭାବିପତ୍ନୀ କ୍ୟାରୀ ସାଇମଣ୍ଡସ୍ ଆଜି ଲଣ୍ଡନର ଏକ ଡାକ୍ତରଖାନାରେ ପୁତ୍ର ସନ୍ତାନ ଜନ୍ମ ଦେଇଛନ୍ତି । କୁହାଯାଉଛି ଯେ ଉଭୟ ମା’ ଏବଂ ପୁଅ ସୁସ୍ଥ ଅଛନ୍ତି ।

ବ୍ରିଟିଶ ପ୍ରଧାନମନ୍ତ୍ରୀ ଏବଂ ତାଙ୍କ ଭାବିପତ୍ନୀଙ୍କ ପାଇଁ ଏହା ଅତ୍ୟନ୍ତ ଖୁସିର ଘଟଣା । ଶିଶୁର ଜନ୍ମକୁ ନେଇ ଉଭୟ ବହୁତ ଖୁସି ଅନୁଭବ କରୁଛନ୍ତି । ମାର୍ଚ୍ଚରେ ବୋରିସ୍ କରୋନା ପଜିଟିଭ୍ ଥିବା ଜଣାପଡିଥିଲେ ​​ଏବଂ ଅପ୍ରେଲ ପ୍ରଥମ ସପ୍ତାହରେ ସେ ଡାକ୍ତରଖାନାରେ ଭର୍ତ୍ତି ହୋଇଥିଲେ । କରୋନା ମହାମାରୀରୁ ସୁସ୍ଥ ହେବା ପରେ ଜନସନ ଅପ୍ରେଲ ୧୨ରେ ସେଣ୍ଟ ଥୋମାସ ହସ୍ପିଟାଲରୁ ଡିସଚାର୍ଜ ହୋଇଥିଲେ । ଡିସଚାର୍ଜ ହେବା ପରେ ସେ ଅପ୍ରେଲ ୨୭ରେ କାର୍ଯ୍ୟାଳୟରେ ଯୋଗଦେଇଥିଲେ ।

କରୋନା ସଙ୍କଟକୁ ଦୃଷ୍ଟିରେ ରଖି ବୋରିସ୍ ଜନସନ ପୈତୃକ ଛୁଟି ନେବେ କି ନାହିଁ ତାହା ସ୍ପଷ୍ଟ ହୋଇନାହିଁ । ତେବେ ସେ ଆଜି ସଂସଦରେ ପ୍ରଶ୍ନର ଉତ୍ତର ଦେଇପାରିବେ ବୋଲି ଆଶା କରାଯାଉଛି । ଜନସନ କହିଛନ୍ତି ଯେ, କରୋନାରେ ପୀଡିତ ହୋଇ ଡାକ୍ତରଖାନାରେ ଭର୍ତ୍ତି ହେବା ପରେ ମଧ୍ୟ କ୍ୟାରୀ ତାଙ୍କୁ ଶିଶୁ ସହ ଜଡିତ ପ୍ରତ୍ୟେକ ସୂଚନା ପଠାଉଥିଲେ । ଏହା ତାଙ୍କୁ କରୋନା ସହିତ ଲଢିବାରେ ଉତ୍ସାହିତ କରିଥିଲା ​​।

କ୍ୟାରୀଙ୍କଠାରେ କରୋନା ଭାଇରସର ଲକ୍ଷଣ ମଧ୍ୟ ଦେଖିବାକୁ ମିଳିଥିଲା ​​ । ଫଳରେ ସେ ଆଇସୋଲେସନରେ ରହିବା ପାଇଁ ଏକ ଭିନ୍ନ ସ୍ଥାନକୁ ଚାଲିଯାଇଥିଲେ । ସେଲ୍ଫ ଆଇସୋଲେସନରେ ରହିବା ପରେ ବର୍ତ୍ତମାନ ଜନସନଙ୍କ ସହ ରହିବାକୁ ଘରକୁ ଫେରିଛନ୍ତି । ଏହି ବିପର୍ଯ୍ୟୟ ମଧ୍ୟରେ ପୁତ୍ର ସନ୍ତାନ ଜନ୍ମ ହେବା ପରେ ପ୍ରଧାନମନ୍ତ୍ରୀ ଜନସନଙ୍କ ଘରେ ଖୁସିର ମାହୋଲ ସୃଷ୍ଟି ହୋଇଛି ।

   Related Posts