Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

୨୦୧୩ରେ ଉହାନ ଲ୍ୟାବ୍‌କୁ ଯାଇଥିଲା COVID ଭଳି ଭୂତାଣୁ: ବ୍ରିଟିଶ ଗଣମାଧ୍ୟମ

6/07/2020 at 8:04 PM

ଲଣ୍ଡନ: ଚୀନ୍‌ ଉହାନରୁ ସୃଷ୍ଟି ହୋଇଥିବା କରୋନା ଭାଇରସ୍‌ ମହାମାରୀକୁ ନେଇ ଏବେବି ଚାଲିଛି ଖୋଳତାଡ। ଏଥିରେ ଏକ ବ୍ରିଟିଶ ଗଣମାଧ୍ୟମର ରବିବାର ରିପୋର୍ଟ  ଭୂତାଣୁ ନେଇ ଗୁରୁତ୍ୱପୂର୍ଣ୍ଣ ତଥ୍ୟ ଦେଇଛି। କୋଭିଡ-୧୯ ବ୍ୟାପିବାର ୭ ବର୍ଷ ପୂର୍ବରୁ ଅର୍ଥାତ ୨୦୧୩ ମସିହାରେ ସମାନ ଭୂତାଣୁ ନମୁନା ଉହାନ ଇନଷ୍ଟିଚ୍ୟୁଟ୍ ଅଫ ଭାଇରୋଲଜିକୁ ଯାଇଥିଲା ବୋଲି ରିପୋର୍ଟରେ କୁହାଯାଇଛି।

ରିପୋର୍ଟ ଅନୁସାରେ ୨୦୧୩ ମସିହାରେ ଦକ୍ଷିଣ-ପଶ୍ଚିମ ଚୀନର ଏକ ପରିତ୍ୟକ୍ତ ତମ୍ବା ଖଣିରେ ବାଦୁଡି ମଳ ସଫା କରୁଥିବା ୬ ଜଣ ଶ୍ରମିକ ନିମୋନିଆ ଆକ୍ରାନ୍ତ ହୋଇଥିଲେ। ଚିକିତ୍ସିତ ହେଉଥିବା ବେଳେ ସେମାନଙ୍କ ମଧ୍ୟରୁ ୩ ଜଣଙ୍କର ମୃତ୍ୟୁ ହୋଇଥିଲା। ତମ୍ବାଖଣିରୁ ସଂଗୃହୀତ ଭୂତାଣୁର ରେଫ୍ରିଜେରଟ୍ ନମୁନା ସେତେବେଳେ ଉହାନ ଇନିଷ୍ଟିଚ୍ୟୁଟ୍ ଅଫ ଭାଇରୋଲଜିକୁ ପଠାଯାଇଥିବା ବେଳେ ସେଠାରେ ବାଦୁଡି ଦ୍ୱାରା ସୃଷ୍ଟି ହେଉଥିବା ସାର୍ସ ଭଳି କରୋନା ଭାଇରସର ଅଧ୍ୟୟନ କରୁଥିବା ବିଶେଷଜ୍ଞ ସି ଝେଙ୍ଗଲୀ ପରେ ଏହାର ଅଧ୍ୟାୟନ କରିଥିଲେ। ଏପରି ଭୂତାଣୁଙ୍କ ଗବେଷଣା ଲାଗି ଝେଙ୍ଗଲୀ ପ୍ରାୟତଃ ବାଦୁଡିମାନଙ୍କ ଗୁମ୍ଫାକୁ ଯାଇଥାନ୍ତି। ଏଣୁ ତାଙ୍କୁ ଚୀନ୍‌ରେ ‘ବ୍ୟାଟ୍ ଓମ୍ୟାନ୍‌’ ବି କୁହାଯାଏ। ତେବେ ଖଣିରୁ ସଂଗୃହୀତ ଭୂତାଣୁର କୋଭିଡ-୧୯ ଭୂତାଣୁ ଆରଏ ଟିଜି-୧୩ସହ ୯୬.୨ ପ୍ରତିଶତ ସାମଞ୍ଜସ୍ୟ ଥିବା ଗଣମାଧ୍ୟମ ବର୍ଣ୍ଣନା କରିଛି।

ହୁଏତ ନମୁନାର ପାର୍ଥକ୍ୟ ଦଶନ୍ଧୀର ବିବର୍ତ୍ତନକୁ ଦର୍ଶାଇପାରେ, ତେବେ ଏ ନେଇ ଗଣମାଧ୍ୟମ ପଚାରିଥିବା ପ୍ରଶ୍ନର ଉତ୍ତର କିନ୍ତୁ ଲ୍ୟାବ୍ ଏପର୍ଯ୍ୟନ୍ତ ଦେଇ ନାହିଁ। ତେବେ ଗତ ମେ ମାସରେ ସଂସ୍ଥାନର ନିର୍ଦ୍ଦେଶ ଲ୍ୟାବ୍‌ରେ ଆରଏଟିଜି୧୩ ଭୂତାଣୁର କୌଣସି କପି ନାହିଁ ବୋଲି କହିଥିଲେ। ଏଣୁ ଉହାନରେ ସୃଷ୍ଟି ହୋଇଥିବା ସଂକ୍ରମଣର ଉତ୍ସ ଲାବୋରେଟରୀ ବୋଲି ହେଉଥିବା ଅଭିଯୋଗକୁ ସେତେବେଳେ ସେ ଖଣ୍ଡନ କରିବା ବେଳେ ଗୁଇନ୍ଦା ରିପୋର୍ଟ ସମୀକ୍ଷା କରି ଭୂତାଣୁ ଥିଓରୀର ପ୍ରମାଣ ପାଇଥିବା ଆମେରିକା ରାଷ୍ଚ୍ରପତି ଡୋନାଲ୍ଡ ଟ୍ରମ୍ପ ଦାବି କରିବାର ହୁଏତ ସତ୍ୟତା ଥାଇପାରେ ବୋଲି ଏବେ ଚର୍ଚ୍ଚା ହେଉଛି। 

   Related Posts