Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • LICର ଏମ୍‌ଡି ହେଲେ ଓଡ଼ିଆ ପୁଅ ସିଦ୍ଧାର୍ଥ ମହାନ୍ତି, ଫେବୃଆରୀ ୧ରୁ ସମ୍ଭାଳିବେ ଦାୟିତ୍ବ
  • ||
  • ଜାନୁଆରୀ ୨୭, ସକାଳେ ଜେଲ୍‌ରୁ ମୁକୁଳିପାରନ୍ତି ଭି.କେ. ଶଶିକଳା
  • ||
  • ନେତାଜୀ ଜନ୍ମସ୍ଥାନ ସଂଗ୍ରହାଳୟ ଖୋଲିଵାକୁ ସରକାରଙ୍କ ନିଷ୍ପତ୍ତି
  • ||
  • କଟକ:କାଲିଠାରୁ ଖୋଲିଵ ନେତାଜୀ ସଂଗ୍ରହାଳୟ
  • ||
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||

ବ୍ରିଟେନ୍ ପ୍ରଧାନମନ୍ତ୍ରୀ ବୋରିସ୍ ଜନସନଙ୍କ ପରେ ସ୍ଵାସ୍ଥ୍ୟ ସଚିବ ମେଟ୍ ହେନକକ୍ କରୋନା ପଜିଟିଭ

27/03/2020 at 7:27 PM

ଲଣ୍ଡନ ୨୭।୦୩: ମହାମାରୀ କରୋନା ଭାଇରସ ବିଶ୍ଵରେ ୧୭୦ରୁ ଅଧିକ ଦେଶକୁ କବଳିତ କରି ସାରିଲାଣି। ବ୍ରିଟେନ ରାଜପରିବାରର ପ୍ରିନ୍ସ ଚାର୍ଲ୍ସ କରୋନାରେ ସଂକ୍ରମିତ ହେବା ପରେ ଏବେ ବ୍ରିଟେନର ପ୍ରଧାନମନ୍ତ୍ରୀ ବୋରିସ୍ ଜନସନ କରୋନାରେ ସଂକ୍ରମିତ ହୋଇଛନ୍ତି। ତାଙ୍କର ରକ୍ତ ନମୂନା ଓ ସ୍ଵାବ ପରୀକ୍ଷା ପରେ ରିପୋର୍ଟରେ କରୋନା ପଜିଟିଭ୍ ମିଳିଛି। ଏହାର ପରେ ପରେ  ଟ୍ରିଟେନର ସ୍ଵାସ୍ଥ୍ୟ ସଚିବ ମେଟ୍ ହେନକକ୍ ମଧ୍ୟ କରୋନା ପଜିଟିଭ ଚିହ୍ନଟ ହୋଇଛନ୍ତି। ସେ ଟୁଇଟ୍ କରି ଏହାର ସୂଚନା ଦେଇଛନ୍ତି। ଏହା ସହିତ ଲୋକଙ୍କୁ ଘରେ ରହି କାମ କରିବାକୁ ଅପିଲ୍ କରିଛନ୍ତି।

ଏହା ପୂର୍ବରୁ କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କ ପତ୍ନୀ, ପ୍ରିନ୍ସ ଚାର୍ଲ୍ସ, ମୋନେକୋ ପ୍ରିନ୍ସ, ଅଷ୍ଟ୍ରେଲିଆ ଗୃହ ମନ୍ତ୍ରୀ ପିଟର ହଟନ, ଇସ୍ରାଏଲ ରାଷ୍ଟ୍ରଦୂତ, ଇରାନର ସ୍ଵାସ୍ଥ୍ୟ ମନ୍ତ୍ରୀ ଇରାଜ ହରି ରକି ସମେତ ଅନେକ ବିଶିଷ୍ଟ ବ୍ୟକ୍ତି କରୋନା  ସଂକ୍ରମିତ ହୋଇ ସାରିଛନ୍ତି। କରୋନା ଲକ୍ଷଣ ମିଳିବା ପରେ  ପ୍ରଧାନମନ୍ତ୍ରୀ ୫୫ ବର୍ଷୀୟ ବୋରିସ୍ ଜନସନ କ୍ଵାରେନଟାଇନରେ ଥିଲେ। ହେଲେ ଏବେ ପରୀକ୍ଷା ରିପୋର୍ଟରୁ କରୋନା ପଜିଟିଭ୍ ଥିବା ଜଣା ପଡିଛି। ଏବେ ସେ ନିଜକୁ ଡ୍ରାଉନିଙ୍ଗ ଷ୍ଟ୍ରିଟରେ ଆଇସୋଲେଟେଡ୍ କରିବା ସହିତ ଘରେ ରହି  କାମ କରୁଛନ୍ତି। ତାଙ୍କ ପରେ ସ୍ଵାସ୍ଥ୍ୟ ସଚିବ ମେଟ୍ ହେନକକ୍ କରୋନା ପଜିଟିଭ୍ ମିଳିବା ଖବର ଏବେ ବ୍ରିଟେନ ପ୍ରଶାସନକୁ ଚିନ୍ତାରେ ପକାଇଛି। ହେନକକ୍ ମଧ୍ୟ ନିଜକୁ ଆଇସୋଲେଟେଡ୍ କରି ଘରୁ କାମ କରିବା ଆରମ୍ଭ କରିଛନ୍ତି।

ଉଲ୍ଲେଖଯୋଗ୍ୟ,  ଫ୍ରାନ୍ସରେ ଗତ ୨୪ ଘଂଟାରେ ୩୬୫ ଓ ଇଂଲଣ୍ଡରେ ୧୧୫  ଜଣଙ୍କ ପ୍ରାଣହାନୀ ଘଟିଥିବା ବେଳେ ଜର୍ମାନୀ ଓ ସ୍ୱିଜରାଲଣ୍ଡରେ ସ୍ଥିତି ନିୟନ୍ତ୍ରଣରେ ରହିଛି। ୟୁରୋପରେ କରୋନା କାରଣରୁ ମୃତ୍ୟୁ ସଂଖ୍ୟା ଦ୍ରୁତ ଗତିରେ ବଢିବାରେ ଲାଗିଛି । ସମଗ୍ର ଦୁନିଆରେ ଗୁରୁବାର ଅପରାହ୍ନ ସୁଦ୍ଧା ସଂକ୍ରମିତ ସଂଖ୍ୟା ୫ ଲକ୍ଷ ୩୦ ହଜାରକୁ ବୃଦ୍ଧି ଘଟିଥିବା ବେଳେ ୨୪ ହଜାର ଲୋକଙ୍କ ମୃତ୍ୟୁ ଘଟି ସାରିଲାଣି । ଏଥିରୁ ୧ ଲକ୍ଷ ୨୩ ହଜାର ୩୮୦ କରୋନା ରୋଗୀ ସୁସ୍ଥ ହୋଇ ଘରକୁ ଫେରିଲେଣି । ମାତ୍ର ୨୦ ହଜାର ରୋଗୀଙ୍କ ଅବସ୍ଥା ଗୁରୁତର ରହିଛି।

   Related Posts